Matiö 9:6 - Kuö Dëdrä Jenɛɛsë Rutë

⁶ ‑Maa 'amä 'saa jre 'sɩrɩ Nyɔɔa 'Jʋ käläa' ‑tʋtʋ ‑gälɩ 'kamakʋ. 'Ɔ 'mrɛɛ 'ɔ cere ‑balʋ.» 'Ia ‑gʋ 'ɔ ‑gbala nyɔɔlɔ: «Sɔwʋ! Dɔrɔ ‑na 'wʋpidɛɛ 'wʋ, 'kä mö ‑gbööli!»

Matiö 9:6 Referans Kwoze

Matiö 9:5

‑Gbala nyɔɔ ‑maa ‹‑Na ‑balʋ 'a ‑mɩ cere›, ‑bɛ ‑a ‑gbala 'ɔɔn: ‹Sɔwʋ ‑a ‑nyɛɛ!› ‑Mɩ 'plɛɛ 'nyɩ 'lɩkla le?

2 Korɛɛntënyüü 2:10

Nyɔɔlɔ 'a cerea' wii nɩ, 'n cere bɩa 'ɔmɩ 'iin. ‑Bɛ 'mɔɔlɔ nɩ, ama cere wii o wii nɩ, 'ana ‑gʋ 'n nö 'iin, 'Kriisëa 'klʋɩ.

Kolɔɔsënyüü 3:13

'Ba jöjrögba, ‑moloo ma nʋ ‑moloo wii ‑gba 'ima 'nyɩ 'ɔɔn 'tʋ ‑a kä nɩ, 'ba cecre wii. 'Sɩrɩ 'Kriisë cerea' bɩa 'amɩ 'ana ni: 'ana 'mʋgbɛ 'ba nʋ bɩa dɛɛ 'dee.

Ɛfɛsënyüü 4:32

'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.

2 Korɛɛntënyüü 5:20

'Ii känyrɩ, 'Kriisëa bɔblɔnyüü a bä. 'I ‑beere 'sɩrɩ Nyɔsʋaa 'mʋgbɛ ‑sröröa' amɩ kälɩ amä 'amɩ wii cere: a bibie 'amɩ 'Kriisëa 'nyrɩklɩa ‑gʋ, 'ba nyra Nyɔsʋa 'nönröwli!

Akëtë 9:34

Piɛɛrë nya ‑gbala 'ɔɔn: «Enee, Jesu 'Kriisë 'pʋɔ ‑mɩ; sɔwʋ, 'kä ‑nyɩgla ‑na ‑gbitɛɛ 'kä!» 'Köklesaplɩɩ 'wʋ 'ɔ sɔ.

Akëtë 5:31

'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.

Jaan 17:2

‑Mɔ ‑nyɩ 'ɔɔn nyüüa 'fɩɔa 'klügälɩkäläkʋ, 'kä nyüülü kä 'fɩɔ ‑nyɩa' 'ɔɔn nɩ, 'ɔmä 'üün 'klälä 'nyɩa' blöröfa kä ‑nyɩ.

Jaan 10:28

'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba.

Lukë 5:21

'Ia ‑gʋ ‑dɔkpɩanyüü nyra Farisinyüü 'pala ‑plɛlɩ wii ‑bɛ 'ü nö: «Nyɔɔglügbö 'plɛɛ kʋ ‑pɩ le? Nyɔsʋa 'ɔ nɔpɔ! Ima 'nyɩ Nyɔsʋa 'doo ‑a bä, nyɔɔ 'plɛɛ 'mrɛɛ ɔ cere nyɔɔa ‑balʋ le?»

Marëkë 2:10

‑Maa 'amä 'saa jre 'sɩrɩ Nyɔɔa 'Jʋ käläa' ‑tʋtʋ ‑gälɩ 'kamakʋ. 'Ɔ 'mrɛɛ 'ɔ cere ‑balʋ.» 'Ia ‑gʋ 'ɔnya ‑gbala nyɔɔlɔ:

Marëkë 2:7

«Dɛplɛɛ kä ‑gʋ nyɔɔlɔ nö 'saa ‑bɛ 'ɔ 'pawii le? Nyɔsʋa 'ɔ nɔpɔ. Ima 'nyɩ Nyɔsʋa 'doo ‑a bä nyɔɔ 'plɛɛ 'mrɛɛ ɔ cere ‑balʋ le?»

Matiö 8:20

'Iibäa' Jesu nɩ: «'Klʋɛɛa ‑fä kä 'pifa, 'nyisie kä 'dëdrëë, ‑maa Nyɔɔa 'Jʋ 'nyɩ 'wlipiefa ‑a kä.»

Matiö 4:24

'Ɔa 'nyrɩ nya ‑gbaala Siriia ‑tʋtʋa 'fɩɔ ‑gälɩ, ‑bɛ 'ü jaja 'ɔɔn nyüülü kä 'fɩɔ ‑wusua 'kaɩn 'kaɩn 'blaaa' ‑bɛ ü 'jääa' mɩmɩakʋ: nyüülü domüü bäa' 'lɩ, saklanyüü, nyüülü kä ‑gbaa dii jäa', 'kä 'ɔ 'pʋɔ 'üün.

Matiö 9:2

Nyüü nya 'pie kpakpanyɔɔ 'doo 'wʋpidɛɛ ‑gälɩ 'ünya ja 'ɔmɩ 'ɔɔn. Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na 'jʋ, 'pa ‑na nyufa 'klü 'lɩ! ‑Na ‑balʋ 'a ‑mɩ cere.»

Matiö 9:7

'Ɔnya sɔwʋ, 'ɔnya mi ‑gbööli.

Jaan 5:8

'Iibäa' Jesu nɩ: «Sɔwʋ, dɔrɔ ‑na ‑gbitɛɛ 'wʋ, 'kä ‑nyɛɛɛ!»

Jaan 5:27

'Ɔnya ‑nyɩ 'ɔɔn 'klü 'ɔmä ‑gä ‑tʋ, 'kä Nyɔɔa 'Jʋ 'ɔ bäa' 'ia ‑gʋ.