Matiö 9:2 - Kuö Dëdrä Jenɛɛsë Rutë

² Nyüü nya 'pie kpakpanyɔɔ 'doo 'wʋpidɛɛ ‑gälɩ 'ünya ja 'ɔmɩ 'ɔɔn. Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na 'jʋ, 'pa ‑na nyufa 'klü 'lɩ! ‑Na ‑balʋ 'a ‑mɩ cere.»

Matiö 9:2 Referans Kwoze

Matiö 9:22

Jesu nya ‑siekälɩ, 'ɔ 'jäa' 'ɔɔn 'ɔ ‑nëmä: «'Na 'ŋlëkayria, 'pa ‑na nyufa 'klü 'lɩ! ‑Na nyɔsʋaplɛtorokʋ 'a ‑mɩ 'pʋɔ.» 'A ‑plɩɩ 'ŋlʋʋlɔ kʋ dotro 'ɔnya 'pʋ.

Jaakë 2:18

‑Maa ‑moloo nya 'daa: «‑Mɔ toro Nyɔsʋa plɛ, ‑bɛ 'mɔɔ kä 'ɛa ‑gbi. Srara 'mɩ ‑na nyɔsʋaplɛtorokʋa 'kpɔ, ‑bɛ 'mɔɔlɔ nɩ, 'mä ‑mɩ 'na nyɔsʋaplɛtorokʋ srara nʋnʋgbi 'lɩ.»

Akëtë 19:12

'Ii känyrɩ, 'ü dɔrɔ dapɩalë nyra 'pakatɩdapëlë ‑fɛa' 'ɔɔn ‑gba 'wʋ, 'kä 'ü 'pie 'üün ‑wusublanyüü ‑gälɩ, 'kä 'ü 'pʋɔ ‑bɛ ‑balʋsisi 'cecie 'üün 'lɩ.

Jaan 21:5

Jesu nya ‑gbala 'üün: «'Na 'jü 'amɩ, 'a fɩa ‑srü?» 'Ü ‑nëma: «'Woo!»

Matiö 8:10

Jesu 'nua' 'iin 'wli nɩ, 'i kala 'ɔɔn plɛklɩ. 'Ɔnya ‑gbala nyüülü prɛa' 'ɔɔn dɛrɩ ‑maa: «'Cɩcasa 'n ‑gbala 'amɩ, 'nyɩ 'samaa plɛtoronyɔɔ Israɛɛlënyüüa 'mʋgbɛa ‑tɔrʋpɩɔ ‑a 'järä.

Matiö 4:24

'Ɔa 'nyrɩ nya ‑gbaala Siriia ‑tʋtʋa 'fɩɔ ‑gälɩ, ‑bɛ 'ü jaja 'ɔɔn nyüülü kä 'fɩɔ ‑wusua 'kaɩn 'kaɩn 'blaaa' ‑bɛ ü 'jääa' mɩmɩakʋ: nyüülü domüü bäa' 'lɩ, saklanyüü, nyüülü kä ‑gbaa dii jäa', 'kä 'ɔ 'pʋɔ 'üün.

Rɔmënyüü 5:11

‑Bɛ ‑mää 'ia 'doo ‑a: dɔrʋ 'blaa amɩ Nyɔsʋa 'lɩ, 'ɔ ‑sröröa' ana 'Pläkänyɔɔ Jesu 'Kriisë kälɩ ‑bɛ ɔ nröröa' amɩ 'wli a nyra 'ɔɔn kɔsɔ.

Akëtë 14:9

'Taɩn 'doo 'lɩ nɩ, 'ɔ po 'Pɔɔlë 'nyakli. 'Pɔɔlë nya tɛ 'ɔɔn 'klɩ tee, 'ɔnya 'jä nyɔɔlɔa nyɔsʋaplɛ 'sɩrɩ 'ɔ bäa' 'pɔpʋɔsa.

Jaan 16:33

Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»

Matiö 9:6

‑Maa 'amä 'saa jre 'sɩrɩ Nyɔɔa 'Jʋ käläa' ‑tʋtʋ ‑gälɩ 'kamakʋ. 'Ɔ 'mrɛɛ 'ɔ cere ‑balʋ.» 'Ia ‑gʋ 'ɔ ‑gbala nyɔɔlɔ: «Sɔwʋ! Dɔrɔ ‑na 'wʋpidɛɛ 'wʋ, 'kä mö ‑gbööli!»

Matiö 8:16

‑Gbia kaklaa' 'klɩ nɩ, 'ünya ja 'ɔɔn nyüü 'kɔkɔmlɛlü kä 'fɩɔ domüü bäa' 'lɩ. 'Ɔa 'papawii 'ɔ nö ‑bɛ 'ɔ prɛ domüü, 'kä 'ɔ 'pʋɔ ‑wusublanyüülüa 'fɩɔ.

Jaan 2:25

'ɔnyɩ nyɔɔ ‑molooa ‑gäa ‑gbalakʋ ‑a kä, 'ɔ jre wiili bäa' nyɔɔa plɛklɩ.

Marëkë 5:34

Jesu nya ‑gbala 'ɔɔn: «'Na 'jʋ, ‑na nyɔsʋaplɛtorokʋ 'a ‑mɩ 'pʋɔ, mi, abɩa ‑na fugbaa 'mlɩ flɛrɛ! ‑Wusulu 'blaaa' ‑mɩ nɩ, 'u ‑kanyɩ 'bla ‑mɩ.»

Marëkë 1:32

‑Gbia kaklaa' 'klɩ nɩ, 'ünya ja Jesu ‑wusublanyüü nyra nyüülü kä 'fɩɔ domüü bäa' 'lɩ.

Matiö 6:12

Cere amɩ ana ‑balʋ 'sɩrɩ ana 'mʋgbɛ cerea' nyüülü nöa' amɩ ‑balʋ ‑gba, 'üa ‑balʋ.

Matiö 9:5

‑Gbala nyɔɔ ‑maa ‹‑Na ‑balʋ 'a ‑mɩ cere›, ‑bɛ ‑a ‑gbala 'ɔɔn: ‹Sɔwʋ ‑a ‑nyɛɛ!› ‑Mɩ 'plɛɛ 'nyɩ 'lɩkla le?

Matiö 14:27

'A ‑plɩɩ Jesu kʋ dotro 'ɔnya ‑gbala 'üün: «'Ba 'pa plɛ 'mlɩ, ŋalɛ 'nyɩ 'bla 'amɩ, 'mɔɔ bäsaa.»

Marëkë 6:50

'Üa 'fɩɔ 'jäa' 'ɔɔn, 'üa 'fɩɔ tɩtrɛ ŋalɛa ‑gʋ. 'A ‑plɩɩ Jesu kʋ dotro, 'ɔnya ‑gbala 'üün: «'Ba 'pa plɛ 'mlɩ, ŋalɛ 'nyɩ 'bla 'amɩ, 'mɔɔ bäsaa.»

Marëkë 10:49

Jesu 'nyüglö; 'ɔnya ‑gbala 'üün ü we 'ɔɔn. 'Ünya we 'nɔnɔnyɔɔlɔ: «'Pa ‑na nyufa 'klü 'lɩ, sɔ 'wʋ, ‑mɔ 'ɔ we.»

Akëtë 23:11

'Ia ‑gbiara nɩ, 'Pläkänyɔɔ nya ji 'Pɔɔlëa ‑gba, 'ɔnya ‑gbala 'ɔɔn: «'Pɔɔlë, 'palɩklü ‑o; 'sɩrɩ ‑paaa' 'na ‑gä Jerusalɛɛmë, 'asɩ ‑mä bɩa 'na ‑gä 'pa Rɔmë.»