Matiö 8:11 - Kuö Dëdrä Jenɛɛsë Rutë

¹¹ 'Amɔ 'n ‑gbala: nyüü nya ‑pɩɔa 'fɩɔ sɔa 'kä 'unya ji, sɔ 'jrʋa 'wʋsɔrɔfa 'wʋ ‑a mi 'ua 'prerefa 'wʋ. 'Kä 'ü nyra Abraamë, Isaakë nyra Jakɔɔbë nya 'wʋtara cɛɩɩa 'kamapläa 'mlɩ.

Matiö 8:11 Referans Kwoze

Ɛfɛsënyüü 3:6

‑A ‑jää 'iin 'lee: 'ü nyra Jesu 'Kriisë 'sɔ bäa' 'doo nɩ, 'ia ‑gʋ nyüülü 'nyɩa' juifë bä 'jää ‑jaaa 'döölä amɔ bäa' juifë 'nëmä ɩa' 'jä. A nyra 'üün bä nyüü 'doo. Wiili Nyɔsʋa 'daaa' 'ɔmäa' 'Mʋfagogo 'lɩ ‑srörö 'ɔmäa' nʋ nɩ, 'ünya kälä bɩa 'lɩ 'mlɩ.

Lukë 12:37

'Kamanyɔɔlɔ ma ji ‑bɛ üma 'nyɩ 'mʋmɔ ‑a 'mʋmɔ, ‑bɛ ɔma jrä ‑plɩɩ 'üün dɔrʋlʋ nëmäa' 'üün 'bla ‑mää 'ua ‑srɩ ‑nëmä ‑pɛ. 'Tasɩrɩa 'cɩcasa 'n ‑gbala 'amɩ: 'jrʋpafɛkoti 'ɔ nëmä 'lɩpa, 'kä 'ɔnya 'üün ‑wälɩkʋfa ‑nyɩ, 'kä 'ɔnya 'lɩ 'üün jijri ‑päälä.

Kolɔɔsënyüü 3:11

'Ii ‑känyrɩ, 'i ‑kanyɩ juifënyɔɔ 'aiɛ grɛɛkënyɔɔa wii ‑a bä, nyüülü 'bölöa' o, nyüülü 'nyɩa' 'bölö o, nyüülü kä 'wlia 'mlɩ 'nyɩa' 'klɩ ‑jiero, ‑kä mlaagbikänyüü, ‑goou, 'ünyɩa' ‑goou bä; 'Kriisë bä 'doo, 'ɔɔ ‑si diia 'fɩɔwʋ, 'ɔnya bä nyüüa 'fɩɔ 'lɩ.

Akëtë 11:18

'Ü 'nua' wiili Piɛɛrë 'paa' 'wli nɩ, 'ünya trarakä. 'Ünya 'bʋala Nyɔsʋa; 'ü ‑nëma: «‑Ii! Nyɔsʋa ‑nyɩ bɩa nyüülü 'nyɩa' juifë bä 'nyʋfɔ 'ümä 'lɩ 'üa ‑balʋ ‑gälɩtoro ‑bɛ 'ümä 'cɩca 'klä 'jä!»

Akëtë 10:45

Juifënyüülü toroa' Jesu plɛ ‑bɛ ü falaa' Piɛɛrë nɩ, 'üa plɛklɩkala ‑gböösa dɛɛlɛ kä ‑gʋ Nyɔsʋa 'cerea' 'Nyüna ‑Susu nyüülü 'nyɩa' juifë bä ‑gälɩ.

Matiö 24:31

Dɛglɛ nya wiimlɩbablaa ‑gböösa, 'kä 'ɔnya 'ɔa 'aanjë jaa 'ümä 'ɔa nyüülü 'ɔ 'baa' 'lɩ, ü bäa' ‑tʋtʋa kotü mlɔɔ 'lɩ, ‑gbapapla, sɔ cɛa 'käkolofa 'wʋ ‑a mi ‑a ‑tɔɔ cɛa blöröfa 'wʋ.»

'Nyügälɩjawii 7:6

Asɛɛrëa ‑glügbö 'klɩa nyüüa ‑diiglʋ ‑diipʋ (12 000); Nafëtaliia ‑glügbö 'klɩa nyüüa ‑diiglʋ ‑diipʋ (12 000); Manasɛa ‑glügbö 'klɩa nyüüa ‑diiglʋ ‑diipʋ (12 000);

2 Tɛsalonikënyüü 1:5

Nyɔsʋa srara 'ia ‑plɩɩlɩ 'sɩrɩ 'ɔa ‑gätʋtʋkʋ bäa' 'cɩcasa, 'amä Nyɔsʋaa 'kamaplälä kä ‑gʋ 'a 'jääa' ‑sʋɩ, 'klɩ 'wʋ.

1 Korɛɛntënyüü 15:20

'Tasɩrɩ 'Kriisë sɔ 'kuaabre. 'Ɔɔ ‑kätɩ sɔwʋ jäjänyüüa 'fɩɔa ‑tɔrʋpɩɔ.

1 Korɛɛntënyüü 6:9

'Anyɩ 'saa ‑a jre 'sɩrɩ nyüülü 'nyɩa' 'klɩgä ‑nëmäa' kʋfa Nyɔsʋaa 'kamapläa 'mlɩ kälä? 'Anyɩ ‑trɔɔrɔ 'ana nyüfë: nyüülü 'nöa' ‑sagbili Nyɔsʋa 'nyɩ 'bataa' nyra ‑wäsɩapʋpʋanyüü, nyüülü 'paa' bätësa, nyra nyüberülü ‑bɛ nyɩberü 'piea',

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Akëtë 14:22

Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.»

Lukë 16:22

'Taɩn 'doo 'lɩ nɩ, 'pʋablanyɔɔlɔ nya jä, 'aanjë nya fa 'ɔa ‑susu Abraamëa ‑gba. 'Bɩɔjinyɔɔlɔ nya jä bɩa, 'ünya ‑tʋ 'ɔɔn.

Matiö 3:2

‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!»

Jenɛɛsë 49:10

'Kama sɩsɩɛ ‑nëmä 'lɩ Judaa dɛrɩ ‑a tʋŋlɔ. 'Kɩɩa sɩsɩɛ ‑nëmä 'ɔa beia ‑tɔrʋpɩɔ ‑a sɔ, 'kä 'ɛa käkänyɔɔ nya ji. 'Ɔɔ 'plä ‑nëma 'lɩträärä.

Jenɛɛsë 28:14

‑Na 'jüa 'jüa 'jü, nya ‑sümlöa ‑beere ‑tʋtʋa 'mlʋ. 'Anya 'ana ‑paŋlɩ ‑gbasia sɔrɔ 'jrʋa 'wʋsɔrɔfa 'wʋ ‑a mi 'jrʋa 'pifa 'wʋ; sɔ 'ua 'wʋsɔrɔfa 'wʋ, ‑a mi 'ua 'wʋsɔrɔfaa kʋmla 'pɛlɩ, nyra 'ua 'wʋsɔrɔfaa 'dupa 'pɛlɩ 'kä ‑tʋtʋ ‑gälɩa ‑glügbüa 'fɩɔ nya ‑mɔ ‑bɛ ‑na 'jüa 'jü kälɩ ‑srörö, 'kä 'ünya 'nɩ 'pala.

Jenɛɛsë 22:18

‑Trääräa' 'lɩ 'na wii nɩ, 'ia ‑gʋ ‑na 'jüa 'jü 'nëmä kälɩ ‑srörö ‑bɛ 'mä ‑tʋtʋ ‑gälɩa ‑glügbüa 'fɩɔ 'nɩ 'paa.»

Jenɛɛsë 12:3

'Nyaa nyüülü 'paa' ‑mɩ 'nɩ, 'nɩ 'paa, 'kä 'nyaa nyüülü busua' ‑mɩ, busu. ‑Mɔ 'nëmä kälɩ ‑srörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»

Matiö 8:10

Jesu 'nua' 'iin 'wli nɩ, 'i kala 'ɔɔn plɛklɩ. 'Ɔnya ‑gbala nyüülü prɛa' 'ɔɔn dɛrɩ ‑maa: «'Cɩcasa 'n ‑gbala 'amɩ, 'nyɩ 'samaa plɛtoronyɔɔ Israɛɛlënyüüa 'mʋgbɛa ‑tɔrʋpɩɔ ‑a 'järä.

Matiö 21:41

'Iibäa' 'üün nɩ: «Nyatɛrɩ ‑nëmä 'nɩmɩ 'ɔɔn 'bla ‑a 'bla 'kä 'ɔnya 'jrʋpafɛnyüülü 'blaa, 'kä 'ɔnya 'lɩ 'jrʋpafɛnyüü ‑mölöö ‑tʋ, 'ü nëmä 'ɔɔn 'ɔa nɛ ‑nyɩ 'ɛa 'sasataɩn.»