16 'Üa nʋnʋgbi kälɩ 'a nëmä ‑srörö 'kä 'anya 'üün jre. 'Ü 'sara rɛsɛɛn 'jaju nänä ‑gälɩ, ‑ale 'ü 'sara figiebö 'bütütii 'wli?
'Na ‑wlajüa 'amɩ, 'kä figietuu nya oliivë tʋ, ‑ale viinyë nya figiebö tʋa? 'Asɩ 'nielɛ käa' taŋlʋnɩ 'nyɩ 'lɩ ‑a bɩa 'ɛmä 'sɔɔwʋ 'cɩca 'nɩ kä.
«Tuu ma 'na 'ua 'bü 'naa; tuua 'bü ma bʋbɔ 'u bʋbɔ, 'be tuua 'bü 'ü nö ‑bɛ 'ü jre 'umɩ.
'Ii känyrɩ, 'üa nʋnʋgbi 'lɩ 'a nëmä ‑gbagblɛ nyɔsʋaamlɩpalanyüü jrere.
‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;
‑Maa ‑moloo nya 'daa: «‑Mɔ toro Nyɔsʋa plɛ, ‑bɛ 'mɔɔ kä 'ɛa ‑gbi. Srara 'mɩ ‑na nyɔsʋaplɛtorokʋa 'kpɔ, ‑bɛ 'mɔɔlɔ nɩ, 'mä ‑mɩ 'na nyɔsʋaplɛtorokʋ srara nʋnʋgbi 'lɩ.»