Matiö 7:13 - Kuö Dëdrä Jenɛɛsë Rutë

¹³ «'Ba ‑srörö 'mëmla jɔa mlɩ; 'be 'mɔlɔ 'mëmla flɛrɛwʋ, ‑bɛ 'nyʋfɔlʋ falaa' 'lɩ nya flɛrɛwʋ ‑gböösa. Nyüülü ‑sröröa' 'ua mlɩ nya ‑sümlö.

Matiö 7:13 Referans Kwoze

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

Jaan 10:9

'Mɔɔ bä 'mëmla: nyɔɔ ma ‑gö 'mɩ 'lɩ ɔma pa nɩ, 'ɔnya 'lɩmlɩwʋa. 'Ɔnya paa, 'kä 'ɔnya 'cie, 'ɔnya jijrɛ 'jäa.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

Matiö 3:2

‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!»

Matiö 3:8

'Ba srara nʋnʋgbili ‑gbalaa' nyüü 'sɩrɩ 'anya 'a ‑balʋ 'pie.

2 Korɛɛntënyüü 6:17

'A 'ia ‑gʋ 'Pläkänyɔɔ 'daa: 'Ba sɔ 'üa ‑tɔrʋpɩɔ, 'ba nyra 'üün sɔsrɔgba. 'Anyɩ ‑fɛ dɛɛlɛ paa' ‑fre ‑gba, ‑bɛ 'mä 'amɩ 'lɩ 'kʋɛɛ.

Matiö 23:13

«Busukʋ bä 'amɩ ‑gälɩ ‑dɔkpɩanyüü nyra Farisinyüü, ‑glagälɩsrörönyüü! 'Amɔ 'paa cɛɩɩa 'kamapläa tatu: 'ana 'mʋgbɛ 'nyɩ pa pa ‑a, 'anyɩ 'cɛrɛ bɩa ‑mülü 'bataa' papakʋ ‑wälɩ ‑a.

'Nyügälɩjawii 20:15

‑Bɛ nyɔɔ känyrɩ 'nyɩa' 'Kläa ‑Pɔɔkʋ 'lɩ ‑jɩjra nɩ, kapuprʋgba 'lɩ 'ü bere 'ɔɔn.

Filipënyüü 3:19

'Ünya 'mɔlɔa. 'Üa ‑gu bä 'üa nyɔsʋa, wiili bäa' 'üa 'nyüsü, 'ii 'ü nö ‑bɛ 'ü ‑gbaalɩ, ‑pɩ ‑tʋtʋ ‑gälɩa diia 'pɛlɩ 'üa bobowli fala.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

Akëtë 3:19

'Ii känyrɩ 'ba toro 'lɩ ‑balʋ ‑gälɩ 'kä 'a ‑siie Nyɔsʋaa 'pɛlɩ kälɩ 'ana ‑balʋ 'mä kpëträ.

'Nyügälɩjawii 20:3

'Ɔnya be 'uun 'lɩtʋŋlɔbütügba 'lɩ, 'ɔnya kpa 'bütügbalä 'klɩ 'ɔnya blörö 'ämɩ 'u ‑pɩ 'cie ‑bɛ 'u ‑pɩ ‑tʋtʋ ‑gälɩa ‑glügbü ‑trɔɔrɔ. 'Ii 'umä kʋ kʋ 'kä ‑sɩa ‑diisɔɔ ‑glʋɩpʋ (1 000) nya ‑si. 'Ima ‑si 'kä 'ɔnya 'uun ‑wälɩ 'cɛrɛ 'umä jrüü jiea ‑si.

1 Jaan 5:19

A jre 'iin 'sɩrɩ a bäa' Nyɔsʋaa 'jü, ‑bɛ a jre bɩa 'iin 'sɩrɩ 'pläa 'fɩɔ bäa' Plɛbʋbɔsusu kälɩ.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Matiö 25:41

«'Kä 'ɔnya nyüülü bäa' 'ɔa kʋmla 'pɛlɩ ‑gbala ‑maa: ‹'Ba tʋŋlɔ 'mɩ 'lɩdɛrɩ, busunyüü! 'Ba mi kapulu 'nyɩ 'nyrɔlɔa' 'plɔʋa 'mlɩ, u Nyɔsʋa ‑ëlerea' Sataan nyra 'ɔa 'aanjëa ‑gʋ!

Jenɛɛsë 6:12

Nyɔsʋa tɛa' ‑tʋtʋ ‑gälɩ nɩ, nyüüa bʋbɔgbi nya 'uun bʋblɔa; 'be nyüüa 'fɩɔa nʋnʋgbi bʋbɔ ‑tʋtʋ ‑gälɩ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

Rɔmënyüü 9:22

‑Bɛ Nyɔsʋa ma 'bata 'ɔa 'crɛ nyra 'ɔa 'klüa srarakʋ 'ɔ kätɛ 'ɔnya ‑gbötö 'crɛa ‑takɔɩɩ 'ɔ ‑tʋa' ‑plɩɩ 'ɔmäa' wa wa,

Lukë 14:33

'Asɩ nyɔɔ o nyɔɔ bäa' 'ana ‑tɔrʋpɩɔ ma 'nyɩ diili kä 'fɩɔ 'ɔ 'klaaa' dɛrɩ ‑a sɔ nɩ, 'ɔnyɩ 'lɩ ‑a bɩa ɔ bä 'na 'wʋnyɛrɛnyɔɔ.»

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

Jenɛɛsë 6:5

Yawe 'jäa' nyüü ‑bɛ 'ü nöa' ‑balʋ 'kɔkɔmlɛ ‑tʋtʋ ‑gälɩ, ‑bɛ wiili kä 'fɩɔ 'üa plɛ boboa' falaa' ‑balʋa 'dooa 'pɛlɩ nɩ,

Lukë 9:33

'Taɩn 'lɩ nyüü 'sɔɔlü nëmäa' mi nɩ, Piɛɛrë nya ‑gbala Jesu: «'Kamanyɔɔ, ‑tɛ a jia' 'i 'na; amä ‑tetu tää 'pa, ‑na nɛ 'dee, Moisëa nɛ 'dee, nyra Eliia nɛ.» Wiili 'ɔ 'paaa' 'ɔnyɩ jre ‑a jre.

Matiö 7:14

‑Maa 'kläa 'mëmla ‑jɩa nyra 'nyʋfɔlʋ falaa' 'lɩ nya 'paplagba. ‑Bɛ nyüülü 'jääa' 'uun 'nyɩ ‑sümlö ‑a ‑sümlö.