Matiö 6:30 - Kuö Dëdrä Jenɛɛsë Rutë

³⁰ ‑Bɛ Nyɔsʋa ma nʋ 'saa ɔma 'sroo 'klʋɛɛa 'sipili nëmäa' ‑pɩ doro 'ümäa' 'pütö nɩ, ‑asɩ 'ɔ ‑nëmä 'amɩ 'sroo le, 'amɔ kä nyɔsʋaplɛ 'nyɩa' 'bʋa?

Matiö 6:30 Referans Kwoze

Lukë 12:28

‑Bɛ Nyɔsʋa ma nʋ 'saa ɔma 'sroo 'klʋɛɛa 'sipili nëmäa' ‑pɩ doro 'ümäa' 'pütö nɩ, ‑asɩ 'Ɔ ‑nëmä 'amɩ 'sroo le, 'amɔ kä nyɔsʋaplɛ 'nyɩa' 'bʋa?

Matiö 14:31

'Köklesaplɩɩ Jesu nya to 'ɔɔn 'darʋ 'klɩ, 'ɔnya 'kpla 'ɔɔn, 'ɔ ‑nëma: «‑Na nyɔsʋaplɛ 'nyɩ 'wʋ ‑a ‑sɔɔrɔ! Dɛplɛɛ kä ‑gʋ ‑na plɛ ‑pie 'lɩklɩ le?»

1 Piɛɛrë 1:24

'Be nyüüa 'fɩɔ ‑beere 'sipi, ‑bɛ diili kä 'fɩɔ ‑nyɛɛa' 'üü 'wliklɩbʋabʋakʋ ‑beere 'sipia pöplödii. 'Sipi ma, 'kä 'ia pöplödii blöblö,

Matiö 16:8

Jesu 'nu wiili 'ü 'paaa' 'wli, 'ɔnya 'bete 'üün: «Dɛplɛɛ kä ‑gʋ 'a 'paa 'samaa wii le 'amɔ kä nyɔsʋaplɛ 'nyɩa' 'bʋa; 'sɩrɩ 'anyɩa' 'flɔɔ ja 'ii 'a ‑toplo 'lɩ?

Matiö 8:26

'Ɔ ‑nëma: «Dɛplɛɛ kä ‑gʋ 'a kä 'saa ŋalɛ le? Dɛplɛɛ kä ‑gʋ 'ana nyɔsʋaplɛ 'nyɩ 'bʋa le?» 'Ɔ sɔa' 'wʋ, 'ɔnya ‑sɔɔrɔ wii 'wʋ 'ɔnya 'pala ‑püpö nyra 'nie wii ‑gba. 'Ia 'fɩɔ nya bä ‑pio.

Jaan 20:27

'Ɔnya ‑gbala Tomaalɔ: «Ji, ‑a ‑fɛ ‑pɩ ‑gba. 'Jä 'na kälɩ. Ja ‑na klʋgba, ‑fɛ 'na ‑gbatu ‑gba. ‑Ama nʋ 'iin nɩ, ‑nyɩ 'bʋala plɛ, ‑maa 'dara 'iin 'cɩcasa.»

Marëkë 4:40

'Ɔnya 'bete 'üün: «‑Asɩ 'a nʋ ‑bɛ 'a kä 'saa ŋalɛ le? 'A ‑kaaŋlʋ 'saa Nyɔsʋa plɛtoro?»

Ebröönyüü 3:12

'Na ‑wlajü 'amɩ, 'ba ‑tre 'ana nyüfë! 'Ana ‑tɔrʋpɩɔa nyɔɔ 'nyɩ kä bʋbɔplɛ, plɛlɛ blaraa' nyɔsʋaplɛtorokʋ 'klɩ ‑bɛ ɛ sɔa' 'Lɩbä Nyɔsʋa dɛrɩ.

Lukë 9:41

'Iibäa' Jesu nɩ: «'Amɔ nyüü ‑glügbölä kʋa' ‑pɩ, ünyɩ toroa' Nyɔsʋa plɛ, ü nöa' ‑balʋ! 'Taɩn 'plɛɛ 'a ‑ka 'batra 'saa 'mɩ 'ana ‑tɔrʋpɩɔ le? 'Taɩn 'plɛɛ 'a ‑ka 'bata 'saa ‑a ‑gbötö 'amɩ le? Ja 'mɩ ‑na 'jʋ.»

Marëkë 9:19

'Iibäa' Jesu nɩ: «'Amɔ nyüü ‑glügbölä kʋa' ‑pɩ, ünyɩ toroa' Nyɔsʋa plɛ. 'Taɩn 'plɛɛ 'a ‑ka 'batra 'saa 'mɩ 'ana ‑tɔrʋpɩɔ le? 'Taɩn 'plɛɛ 'a ‑ka 'bata 'saa ‑a ‑gbötö 'amɩ le? 'Ba ja 'mɩ 'jʋlɔ.»

Matiö 17:17

'Iibäa' Jesu nɩ: «'Amɔ nyüü ‑glügbölä kʋa' ‑pɩ, ünyɩ toroa' Nyɔsʋa plɛ, ü nöa' ‑balʋ! 'Taɩn 'plɛɛ 'a ‑ka 'bata 'saa ‑a ‑gbötö 'amɩ le? 'Ba ja ‑pɩklɩ 'mɩ 'jʋlɔ!»