Matiö 6:25 - Kuö Dëdrä Jenɛɛsë Rutë

²⁵ «'A 'ia ‑gʋ 'n ‑gbala 'amɩ, 'ana plɛ 'nyɩ ‑taaralɩ 'ana 'kläa ‑gʋ: 'kä dɛɛlɛ 'amäa' ji, dɛɛlɛ 'amäa' 'mla, 'ana fugba nyra diili 'amäa' 'srooa ‑gʋ. 'Klä ‑si jijri 'wʋ; fugba nya ‑si 'sosroodii 'wʋ.

Matiö 6:25 Referans Kwoze

Filipënyüü 4:6

'Ana plɛ 'nyɩ ‑taaralɩ dɛɛa ‑gʋ, ‑maa wiia 'fɩɔ 'mäa' 'lɩjrä nɩ, 'ba bibie Nyɔsʋa; 'ba ‑gbala 'ɔɔn dɛɛlɛ 'a 'bataa', 'kä 'a 'trɛɛ bɩa 'ɔmɩ.

1 Piɛɛrë 5:7

'Ba ‑gblɔɔ 'ɔɔn 'ana plɛlɩtaarawii 'fɩɔ ‑gälɩ 'kä, 'be 'ɔɔ ‑tʋʋä 'amɩ 'nyügba.

Rɔmënyüü 8:32

'Ɔɔ 'nyɩa' 'ɔa 'Jʋ 'klɩbere ‑bɛ ɔ 'saa 'ɔɔn ana 'fɩɔa ‑gʋ, ‑asɩ 'ɔ ‑nëmä bɩa 'ɔa 'Jʋ nyra amɩ diia 'fɩɔ ‑nyɩ le?

Matiö 6:31

«'Ii känyrɩ, 'ana plɛ 'nyɩ ‑taaralɩ. 'Anyɩ 'daa: ‹Dɛplɛɛ amä ji le, dɛplɛɛ amä 'mla le, dɛplɛɛ a nëmä 'sroo le?›

Marëkë 4:19

‑maa 'ü kä plɛ ‑ka bäa' ‑tʋtʋ ‑gälɩa dii dɛrɩ, ü ‑ka fɔlɔa' 'bɩɔ dɛrɩ 'fʋflɛsa, nyra dɛɛnyükäkäkʋ. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Matiö 10:19

'Taɩn 'lɩ 'ümäa' 'amɩ 'sakalɩ fa nɩ, 'ana plɛ 'nyɩ ‑taaralɩ wiili 'a nëmäa' 'pa 'ia ‑gʋ. 'Papawii nya 'amɩ ‑nyɛɛrɛa 'ia ‑gliiilɛa 'mlɩ.

1 Korɛɛntënyüü 7:32

‑Bɛ, 'nyɩ 'bata 'bata ‑a bobokʋ 'mä 'amɩ 'wlisie. Nyɔɔlɔ 'nyɩa' 'ti nɩ, ɔ 'pa 'Pläkänyɔɔa 'jrʋpaa ‑gä 'sɩrɩ 'ɔmäa' nʋ ‑bɛ 'ɔmäa' 'tʋkä.

Matiö 6:34

«'Ii känyrɩ, 'ana plɛ 'nyɩ ‑taaralɩ ‑sraakäpɩa ‑gʋ. ‑Sraakäpɩ nya 'ia 'mʋgbɛa ‑gä 'paa. ‑Srɩ ‑bɛ 'ia wii.

2 Timotee 2:4

Nyɔɔlɔ bäa' 'sʋgɩanyɔɔ, 'ɔa ‑gbʋʋ 'nyɩ nyüülü 'nyɩa' 'sʋgɩa bäa' wiili ‑gba ‑a bä, 'be 'ɔ kä 'ɔmä 'ɔa 'kamanyɔɔ 'tʋkä.

Lukë 8:14

Nänëa mlɩa nulu nɩ, 'a ‑mülü üma 'nua' nyɔsʋaawii 'wli, ‑bɛ ü kä nyɔsʋaawii 'nyɩ mia' 'klɔɔtrʋ. Bobokʋ, 'bɩɔ nyra diili kä 'fɩɔ bäa' ‑pɩ ‑tʋtʋ ‑gälɩ fa 'üa plɛ. 'Ia ‑gʋ 'üa tʋtʋdii 'nyɩ ‑jrɛjrɛ ‑a.

Matiö 13:22

Papladiili blöa' nänëa mlɩ nɩ, 'a nyɔɔlɔ 'nööa' nyɔsʋaawii 'wli, ‑maa 'ɔa plɛ ‑ka bä ‑tʋtʋ ‑gälɩa dii dɛrɩ, 'ɔa 'nyü ‑ka fɔlɔa' 'bɩɔ dɛrɩ 'fʋflɛsa. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Lukë 12:11

'Üma fa 'amɩ juifëa 'sraaplanyuku ‑wälɩ, 'aiɛ 'üma 'sara 'amɩ 'cifu nyra ‑gʋmlanyüü kälɩ nɩ, 'ana plɛ 'nyɩ ‑taaralɩ wiili 'a nëmäa' 'pa, 'ia ‑gʋ.

Marëkë 13:11

'Taɩn 'lɩ 'ümäa' 'amɩ 'sakalɩ fa nɩ, 'ana plɛ 'nyɩ ‑taaralɩ wiili 'a nëmäa' 'pa, 'ia ‑gʋ; ‑maa 'ia ‑srɩ 'lɩ nɩ, 'ba 'salɩ wiili nëmäa' 'ana 'wlia 'mlɩ ji. ‑Mää 'ana 'mʋgbɛ ‑nëmä 'iin 'pa, ‑maa 'Nyüna ‑Susu nëmä 'iin 'pa.