Matiö 6:2 - Kuö Dëdrä Jenɛɛsë Rutë

² 'Ii känyrɩ, ‑ama ‑nyɩ 'pʋablanyɔɔ dɛɛ nɩ, ‑nyɩ 'fɛrɛ 'iin 'kä, ‑beere 'sɩrɩ ‑glagälɩsrörönyüü nöa' juifëa 'sraaplanyëka ‑wälɩ nyra 'nyifi 'wʋ. Nyüü 'mä 'üün 'bʋala, 'a 'ia ‑gʋ 'ü nö 'iin. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Matiö 6:2 Referans Kwoze

Matiö 6:5

«‑Ama bibie Nyɔsʋa nɩ, ‑nyɩ nʋ ‑glagälɩsrörönyüüa 'sa. 'Üü ‑wa 'nyüglökʋ üma bibie Nyɔsʋa juifëa 'sraaplanyëka ‑wälɩ nyra 'nyifi ‑gba; 'üü ‑wa nyüü 'mä 'üün 'jäjrä. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Matiö 6:16

«‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Jaan 5:41

‑Mää nyüü 'nyɩ 'bʋala 'mɩ.

Ebröönyüü 13:16

'Anyɩ ‑trɔ 'cɩcasaa nʋnʋkʋ, 'kä 'a jöjrögba 'be 'a 'samaa ‑gbɔ kä Nyɔsʋa 'tʋ.

Lukë 20:46

«'Ba ‑tre 'ana nyüfë ‑dɔkpɩanyüüa ‑gʋ! ‑Panë 'ü 'palɩ ‑bɛ 'ü ‑piie, ‑bɛ ü ‑waa' ‑saplɛ 'klɩa 'trɔrʋ nyra 'sraaplanyuku ‑wälɩa 'klɔɔtrʋa 'kpatëa ‑gälɩa kʋkʋkʋ. ‑Glɩsɩglɩsɩ ma jrälɩ nɩ, tuponyüüa 'kpatë ‑gälɩ 'ü kɔkɔ.

Jaan 7:18

Nyɔɔlɔ kä 'mlɔɔ 'palaa' 'ɔa 'mʋgbɛa 'nyrɩklɩ wii nɩ, 'ɔa 'mʋgbɛa 'bʋalakʋ 'ɔ 'bata. ‑Maa ‑mɔlɔ 'bataa' nyɔɔlɔ blɔa' 'ɔɔn 'ɔa 'bʋalakʋ nɩ, 'ɔɔ 'saalɩ 'cɩcasa, ‑gbagblɛ 'nyɩ 'ɔa 'lɩsawiia 'mlɩ ‑a bä.

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.

Ɛfɛsënyüü 4:28

Nyɔɔ ma 'jie kä, ɔ 'pie 'jejiekʋ; ɔ ‑fɛjrʋpa, ɔ nʋ 'ɔa 'dari ɔ nʋ wiili 'naa', 'ɔmä ‑mülü 'nyɩa' dɛɛ kä ‑gbaji.

Galaatënyüü 2:10

Wiili kä 'doo 'ü ‑gbalaa' amɩ nɩ, anyɩ ‑trɔ 'pʋablanyüüa ‑gä. 'Iili nɩ, 'i 'n nʋ 'iin dɔrʋsa.

Akëtë 10:4

'Ɔnya ‑pʋpɔ 'ɔɔn tee ŋalɛ nya 'bla 'ɔɔn, 'ɔ ‑nëma: «Dɛplɛɛ le, 'Pläkänyɔɔ?» 'Iibäa' 'aanjë nɩ: «‑Na nyɔsʋabibiekʋ nyra 'sɩrɩ nöa' 'pʋablanyüü nɩ, 'i 'tɔ Nyɔsʋaa ‑gba, 'ɔnyɩ ‑na ‑gä ‑a ‑trɔ.

1 Timotee 6:18

‑Gbala 'üün ü nʋ 'mʋfagbi, ü kä 'cɩcagbi 'kɔkɔmlɛ, abɩa 'üa ‑gbi 'na, 'kä 'ü jö ‑mölöö ‑gba.

Rɔmënyüü 12:8

Ima 'daa nyüü ‑nëmä 'klülɩpa nɩ, 'pa nyüü 'klü 'lɩ. Ima 'daa käkädii ‑nëmä ‑nyɩ nɩ, a bɩa ‑na plɛ 'wlalɩkä ‑a ‑nʋ 'imɩ. Ima 'daa 'kama ‑nëmä 'kama nɩ, 'kama 'cɩcasa. Ima 'daa nyatɛplɛ ‑nëmä kä nɩ, kä 'ɛmɩ dɔrʋsa.

Akëtë 24:17

«'I ‑sia' ‑sɩ 'kɔkɔmlɛ ‑bɛ 'n ‑kaaŋlʋa' ‑tɛ ji nɩ, 'nëmäa' ji 'n ja dii 'mä 'na 'brea 'pʋablanyüü ‑nyɩ ‑bɛ 'mä ‑gbɔsa.

Akëtë 10:31

'Ɔnya ‑gbala 'mɩ: ‹Kɔrënɛɛyë, Nyɔsʋa 'nu ‑na bibiekʋ 'wli, 'ɔnyɩ ‑trɔ ‑a ‑trɔ 'sɩrɩ ‑jöa' 'pʋablanyüü ‑gba.

Akëtë 10:2

'Ɔ ma ‑gäklɩ, 'ɔɔ nyra 'ɔa ‑gböööa 'fɩɔ pɩɛ Nyɔsʋa. 'Ɔ ma jö juifëa 'pʋablanyüü ‑gba ‑gböösa ‑bɛ 'ɔ ma bibie Nyɔsʋa 'plɔʋplɔʋ.

Akëtë 9:36

'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba.

Jaan 13:29

'Doorodooa plɛ nɩnɩa ɩ nɩ, Judaa ‑tʋʋäa' mölii ‑wälɩ nɩ, 'ɔɔ Jesu ‑gbala ɔ ‑su jijrili 'ümäa' nʋ 'ümäa' ‑glɩsɩglɩsɩ 'jä. 'Aiɛ ‑gbala 'ɔ ‑gbala 'ɔɔn, ɔ ‑nyɩ 'pʋablanyüü mölii.

Jaan 5:44

'Amɔlɔ nyüüa 'bʋalakʋ käa' 'tʋ, ‑bɛ ünyɩ 'bataa' Nyɔsʋalɔ bäa' 'doo, 'ɔa në 'bʋalakʋ, ‑asɩ 'anya 'mɩ plɛtoro le?

Lukë 6:42

'Aiɛ, dɛplɛɛ kä ‑gʋ ‑nö ‑maa: ‹'Na ‑wlajʋ, ji ‑a 'balɩ ‑napusragbʋlʋ bäa' ‑na 'nyiöa 'mlɩ› le? ‑Mɔ 'nɩ 'jäa' ‑na näa 'mlɩa tuu klöö kpakö 'wʋ! ‑Glagälɩsrörönyɔɔ! 'Balɩ tuu klöö kpakölä bäa' ‑kätɩ ‑na 'nyiöa 'mlɩ 'fɩɔwʋ, ‑bɛ ‑mä 'käjä ‑mä 'lɩ ‑napusragbʋlʋ bäa' ‑na ‑wlajʋa 'nyiöa 'mlɩ 'ba.»

Marëkë 12:39

nyra 'sraaplanyuku ‑wälɩa 'klɔɔtrʋa 'kpatëa ‑gälɩa kʋkʋkʋ. ‑Glɩsɩglɩsɩ ma jrälɩ nɩ, tuponyüüa 'kpatë ‑gälɩ 'ü kɔ kɔ.

Filemɔɔ 1:7

'Be 'na ‑wlajʋ, ‑blaara Nyɔsʋaa 'nyünanyüü dɔrʋ ‑na ‑wawaplɛa ‑gʋ; 'i kä 'mɩ dɔrʋ 'wʋ ‑gböösa ‑bɛ 'i 'paa 'mɩ 'klü 'lɩ.

1 Tɛsalonikënyüü 2:6

Anyɩ 'daa abɩa nyüü 'bʋala amɩ 'ana ‑nyɛɛ 'aiɛ ‑pɩɔ ‑mɩdoo. ‑Bɛ a bäa' 'Kriisëa apotrëɩɩ nɩ, a 'mrɛɛ ɩ a ja 'amɩ ana 'kamakʋ ‑gälɩ.

Akëtë 11:29

'Wʋnyɛrɛnyüülü nya 'nönröwli 'ümä 'üa ‑wlajülü kʋa' Judeea ‑tʋtʋ ‑gälɩ ‑gbaji; dɛɛlɛ ‑moloo 'bataa'.

Lukë 13:15

'Iibäa' 'Pläkänyɔɔ nɩ: «‑Glagälɩsrörönyɔɔ! ‑Mää ‑fʋflʋpasrɩ 'lɩ 'ana 'mʋgbɛ 'a 'nɩ ‑jeje 'ana 'bre, 'aiɛ 'ana ‑sʋbre, ‑bɛ 'ünyɩ mi dɛɛji, 'kä 'anyɩ fa 'üün 'mlakalɩ?

Lukë 12:56

‑Glagälɩsrörönyüü! 'A tɛ cɛ nyra ‑tʋtʋ 'klɩ 'kä 'a jre wiili nëmäa' nrörö. ‑Bɛ ‑asɩ 'i nʋ ‑bɛ 'anyɩ 'mrɛɛ 'amä 'taɩnlɩ kä 'mlɩ 'a bäa' jre le?

Lukë 12:33

'Ba 'pa 'ana käkädii 'peru, 'kä 'a ‑nyɛɛ 'pʋablanyüü. 'Ba nʋ pɔtëmɔnɛɛlɛ 'nyɩ bʋblɔa', ɛ kä mlɩa 'bɩɔ 'nɩ 'bölöa' 'klɩ. 'Ba ‑tʋ 'uun cɛlɩ 'jejienyüü ‑nëmä 'ɛɛn ‑gälɩ ‑a jrä, ‑bɛ 'nya 'nyɩ 'lɩ ‑a bä 'imä 'uun bʋblɔ.

Lukë 11:43

«Busukʋ bä 'amɩ ‑gälɩ Farisinyüü 'amɩ. 'Sraaplanyuku ‑wälɩ 'a ‑wa 'klɔɔtrʋa 'wʋkʋdii, ‑bɛ 'a 'bata abɩa nyüü 'trɛɛ 'amɩ ‑saplɛ 'klɩ.

Lukë 11:41

'Ba ‑nyɩ 'ana plɛ 'pʋablanyüü, ‑bɛ 'ia 'fɩɔ 'mä ‑fre 'lɩ 'wʋ 'ana ‑gʋ.

Lukë 6:24

‑Maa busukʋ jrä 'amɩ ‑gälɩ, 'amɔ 'bɩɔjinyüü 'amɩ, 'anya 'a kä 'ana nu ‑jɔrʋ 'jä!

Marëkë 7:6

'Iibäa' Jesu nɩ: «‑Glagälɩsrörönyüü! Wiili Esaii tɩ käa' ‑srɩ dɛrɩ 'ɔ 'paa 'ana ‑gʋ, 'ɔ kä kä ‑gä. 'Asɩ 'i ‑jɩjra: Mlɩa 'doo ‑glügbölä kʋa' ‑pɩ ‑träärälɩ 'mɩ; ‑maa 'üa polu tʋŋlɔ 'mɩ 'lɩdɛrɩ.

Matiö 24:51

'Kä 'ɔnya 'ɔmɩ 'pɔnɩ ‑gböösa, ‑bɛ wiili 'ü nöa' ‑glagälɩsrörönyüü ‑gba nɩ, 'kä 'ɔnya 'ɔmɩ 'iin ‑gba nʋ, 'a ‑plɩɩ 'ümä 'wu ‑bɛ 'ümä ‑gla ji.

Matiö 23:6

'Ü ‑wa 'klɔɔtrʋa 'kpatë ‑gälɩa kʋkʋkʋ ‑glɩsɩglɩsɩ 'lɩ nyra juifëa 'sraaplanyuku ‑wälɩ.

Matiö 22:18

Jesu jrea' bʋbɔwiili 'ü boboa' nɩ, 'ɔnya ‑gbala 'üün: «Dɛplɛɛ kä ‑gʋ 'a ji 'mɩ 'lɩtɛ le, ‑glagälɩsrörönyüü 'amɩ?

Matiö 16:3

‑Suwla 'kä 'a nö: ‹'Nʋŋlʋ nya daa, 'be cɛlɩ 'kpörö.› ‑Glagälɩsrörönyüü! 'Ama tɛ cɛ 'klɩ 'a jre wiili nëmäa' 'lɩjrä, ‑maa wiili ‑sööa' 'anyɩ 'lɩ ‑a bɩa 'amä 'iin 'klɩtɛ 'amä 'lɩ wiili nëmäa' 'lɩjrä ‑taa 'taɩnlɩa 'mlɩ, 'amä 'iin 'lɩsa!

Matiö 15:7

‑Glagälɩsrörönyüü! Wiili Esaii tɩ käa' ‑srɩ dɛrɩ 'ɔ 'paa 'ana ‑gʋ, 'ɔ kä kä ‑gä. 'Ɔ nɩnɩa kä:

Matiö 7:5

‑Glagälɩsrörönyɔɔ! 'Balɩ tuu klöö kpakölä bäa' ‑kätɩ ‑na 'nyiöa 'mlɩ 'fɩɔwʋ, ‑bɛ ‑mä 'käjä ‑mä 'lɩ ‑napusragbʋlʋ bäa' ‑na ‑wlajʋa 'nyiöa 'mlɩ 'ba!

Matiö 5:18

'Cɩcasa 'n ‑gbala 'amɩ nɩ, cɛɩɩ nyra ‑tʋtʋ ‑ka bäa' ‑plɩɩ nɩ, ‑dɔa ‑pɔɔkʋa 'mlɩa ‑jɩjrajrii, nyra 'nɩmɩ 'ua 'mlɩa 'jrii jɔ ‑nëmä ‑srɩɩ ‑si ‑a ‑si 'plɔʋ 'kä wiia 'fɩɔ nya nrörö.

Matiö 6:3

‑Maa ‑mɔ ‑ama ‑nyɩ 'pʋablanyɔɔ dɛɛ nɩ, nʋ 'iin 'sɩrɩ ‑na kʋmla 'darʋ ‑pɩa' wiili ‑na 'dupa 'darʋ nöa' 'jä.

Matiö 23:5

Diili kä 'fɩɔ 'ü nöa', nyüü 'mä ‑gʋ 'üün 'jäjrä. 'Ü kpasra 'üa 'kʋtapra ‑gälɩ nyɔsʋaawii. 'Ü tʋŋlɔ 'üa ‑panëa 'mri ‑gböösa.

1 Korɛɛntënyüü 13:3

Ama 'sa 'na käkädiia 'fɩɔ 'kä 'mä 'pʋablanyüü 'klɩfini nɩ, ‑bakää 'n 'sa 'na fugba 'kä 'ümä 'mɩ 'pütö, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'ia 'fɩɔ bä 'fëflɛgbi.