Matiö 6:16 - Kuö Dëdrä Jenɛɛsë Rutë

¹⁶ «‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Matiö 6:16 Referans Kwoze

Lukë 18:12

'Sɔrɛa 'mlɩ, 'n pa su 'wʋ 'sɔɔwʋ, 'kä 'n 'pɛɛ diili kä 'fɩɔ 'n 'jääa', 'ia ‑pʋa ni.›

Marëkë 2:18

Jrüü 'doo 'lɩ nɩ, Jaan a 'wʋnyɛrɛnyüü nyra Farisinyüüa nü pa su. Nyüü nya ji Jesu 'bete: «Wii 'plɛɛ kä ‑gʋ Jaan a 'wʋnyɛrɛnyüü nyra Farisinyüüa nü pa su, ‑bɛ ‑na nü 'nyɩ pa su le?»

Akëtë 14:23

'Ünya ‑tätä 'cɛcʋa 'fɩɔa 'mlɩ 'cɛcɩtagbü. 'Ü bɩaa' su nyra nyɔsʋabibiekʋ nɩ, 'ünya ‑nyɩ tagbülü toroa' 'ɔɔn plɛ 'Pläkänyɔɔ kälɩ.

Matiö 6:5

«‑Ama bibie Nyɔsʋa nɩ, ‑nyɩ nʋ ‑glagälɩsrörönyüüa 'sa. 'Üü ‑wa 'nyüglökʋ üma bibie Nyɔsʋa juifëa 'sraaplanyëka ‑wälɩ nyra 'nyifi ‑gba; 'üü ‑wa nyüü 'mä 'üün 'jäjrä. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Matiö 6:2

'Ii känyrɩ, ‑ama ‑nyɩ 'pʋablanyɔɔ dɛɛ nɩ, ‑nyɩ 'fɛrɛ 'iin 'kä, ‑beere 'sɩrɩ ‑glagälɩsrörönyüü nöa' juifëa 'sraaplanyëka ‑wälɩ nyra 'nyifi 'wʋ. Nyüü 'mä 'üün 'bʋala, 'a 'ia ‑gʋ 'ü nö 'iin. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

2 Korɛɛntënyüü 11:27

'N ‑nyɩ 'na nyufa 'jrʋpa ‑sʋɩa 'mlɩ, 'kɔkɔmlɛ 'wʋ 'nyɩ 'pi 'pi ‑a. ‑Gbëka nyra 'mamlatʋ 'bla 'mɩ, ‑srɩ ‑mɩdoo 'lɩ 'n pa sua 'klüa nu. 'N 'prere sɩɔ 'lɩ, ‑mää 'kotu 'nyɩ kä.

1 Korɛɛntënyüü 7:5

‑Moloo 'nyɩ blara ‑moloo 'klɩ ima 'nyɩ su nyra nyɔsʋabibiekʋa ‑gʋa 'doo ‑a bä, ‑maa 'ba 'nönröwli ‑kätɩ. ‑Maa ima ‑si nɩ, 'ba 'blöödɛrɩ, Sataan ‑pɩ 'amɩ 'traɩn 'ama 'nyɩ 'ana plɛ ‑a 'kpla.

Lukë 2:37

'Ɔnya tɩɔrɔ 'kusro 'lɩ. 'Ɔa ‑sɩa ‑glʋɩmlɔɔ ‑sɩ mlɔɔ (84). 'Ɔnyɩ sɔ Nyɔsʋaanyuku kpaku ‑wälɩ ‑a. Nyɔsʋa 'jrʋpa 'ɔ ma ‑fɛɛɛ ‑srɩ ‑bɛ ‑gbia; 'ɔ ma pa su ‑bɛ 'ɔ ma bibie Nyɔsʋa.

2 Korɛɛntënyüü 6:5

bɔtɔdii, ‑jielɩpapakʋ, nyüüa blara amɩ 'crɛ, 'lɩklajrʋpa, anyɩ 'mʋmɔ 'mʋmɔ ‑a, ‑gbëka.

Akëtë 10:30

'Iibäa' Kɔrënɛɛyë nɩ: «'Ia jrüü mlɔɔ 'saarɩ, 'a 'sama 'taɩn 'lɩ, su 'n pa ɩ ‑bɛ 'n bibie ɩ Nyɔsʋa nyüköli. 'I bä ‑gbiajrʋa ‑gliiibei tää 'lɩ. 'Mä 'saa nʋkalɩ mi nɩ, nyɔɔ 'doo 'nyüglö 'mɩ 'klɩ; 'ɔa 'koti plö.

Matiö 6:1

«'Ba ‑tre 'ana nyüfë, 'anyɩ nʋ 'ana nyɔsʋaajrʋpa 'kä nyüü 'mä ‑gʋ 'amɩ 'jäjrä. 'Ama nʋ 'saa nɩ, 'ana Nyɔsʋalɔ bäa' cɛlɩ ‑ka ‑nëmä 'amɩ dɛɛlɛ 'ɔmä ɩa' 'amɩ ‑nyɩ ‑a ‑nyɩ.