14 «'Be 'ama cere nyüü 'üa ‑balʋ, 'ana Tʋ bäa' cɛa 'mlɩ 'ɔnya 'amɩ 'ana ‑balʋ cerea.
'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.
'Asɩ 'a nëmäa' 'nyüglö 'amä Nyɔsʋa bibie nɩ, nyɔɔa wii ma bä 'ana 'mlɩ nɩ, 'ba cere 'ɔmɩ 'iin, ‑bɛ 'ana Tʋlɔ bäa' cɛa 'mlɩ 'mä bɩa 'ana ‑balʋ cere.
'Ba jöjrögba, ‑moloo ma nʋ ‑moloo wii ‑gba 'ima 'nyɩ 'ɔɔn 'tʋ ‑a kä nɩ, 'ba cecre wii. 'Sɩrɩ 'Kriisë cerea' bɩa 'amɩ 'ana ni: 'ana 'mʋgbɛ 'ba nʋ bɩa dɛɛ 'dee.
'Be 'sɩrɩ 'a 'bölöa' 'ana ‑mölöö ‑gä ‑gälɩ, 'asɩ Nyɔsʋa 'mä 'amɩ ‑gä ‑gälɩ 'bölö. Dɛɛlɛ 'a nöa' ‑bɛ 'a nyakaa' 'ana ‑mölöö, 'ɛɛ Nyɔsʋa 'mä nʋ 'ɔmä bɩa 'amɩ nyaka.
Nyɔɔlɔ 'nyɩa' nyatɛplɛ kä, Nyɔsʋaa ‑gä ‑nëmä bɩa 'ɔa nyatɛrɩ ‑a 'jä. Nyatɛplɛ ‑si ‑gäa ‑tʋtʋkʋ 'wʋ.
Cere amɩ ana ‑balʋ 'sɩrɩ ana 'mʋgbɛ cerea' nyüülü nöa' amɩ ‑balʋ ‑gba, 'üa ‑balʋ.
‑Jää 'sɩ 'ü jrea' Nyɔsʋaa 'jü nyra Sataan a 'jü: nyɔɔ o nyɔɔ 'nyɩa' 'klɩgä, 'aiɛ ɔnyɩa' 'ɔa ‑wlajʋ ‑wa nɩ, 'ɔnyɩ Nyɔsʋaa 'jʋ ‑a bä.
Abɩa dɔrʋ 'bla nyüülü käa' nyatɛplɛ, 'be Nyɔsʋaa nya 'üa nyatɛrɩ 'jäa.
«'Anyɩ 'bölö 'ana ‑mölöö ‑gä ‑gälɩ, ‑gä ‑pɩ 'amɩ ‑gälɩ 'bölö. 'Anyɩ kala 'ana ‑mölöö dɛrɩ 'plɔʋ, 'a ‑pɩ 'plɔʋ dɛrɩkala; 'ba cere ‑mëa ‑balʋ Nyɔsʋa 'mä 'ana ‑balʋ cere.