Matiö 6:10 - Kuö Dëdrä Jenɛɛsë Rutë

¹⁰ Abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

Matiö 6:10 Referans Kwoze

Ebröönyüü 10:36

'Be 'a kä 'amä plɛmlɩpa 'amä bɩa wiili Nyɔsʋa 'bataa' nʋ, ‑bɛ 'amä dɛɛlɛ Nyɔsʋa 'daaa' 'ɔmäa' 'amɩ ‑nyɩ 'jä.

Jaan 4:34

Jesu nya ‑gbala 'üün: «'Na jijrɛ bä ‑a nʋ wiili nyɔɔlɔ blɔa' 'mɩ 'daaa', ‑bɛ ‑a 'wlara 'ɔa 'jrʋpa.»

Matiö 26:42

'Ɔ tʋŋlɔa' 'lɩ 'üün dɛrɩ 'sɔɔwʋ nɩ, 'ɔnya bibie Nyɔsʋa: «'Na Tʋ, ‑taa ‑sʋɩa ‑köwölä ma 'nyɩ 'mrɛɛ ‑a 'mrɛɛ 'ämä 'mɩ 'lɩdɛrɩtʋŋlɔ, ‑bɛ ama nya 'ään 'mla nɩ, abɩa wiili ‑baataa nrörö.»

Matiö 12:50

Nyɔɔ o nyɔɔ nöa' wiili 'na Tʋlɔ bäa' cɛlɩ 'bataa' nɩ, 'ɔɔ bä 'na ‑wlajʋ, 'ɔɔ bä 'na ‑wladia nyra 'na 'yio.»

1 Tɛsalonikënyüü 5:18

'Ba 'trɛɛ Nyɔsʋa 'sɩmɩ 'taɩn 'nyɩ bä: 'be a wiili Nyɔsʋa 'bataa' 'ana ‑gʋ Jesu 'Kriisë 'lɩ.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Jaan 6:40

Wiili 'na Tʋ blɔa' 'mɩ 'bataa' nɩ, 'iibä: nyɔɔ o nyɔɔ 'jäa' 'Jʋ, ‑bɛ ɔ toroa' 'ɔɔn plɛ nɩ, ɔ 'jää 'klälä 'nyɩa' blöröfa kä, ‑bɛ 'pläa bɩarafa 'wʋ 'mä 'üün 'kuaabre 'ba.»

Kolɔɔsënyüü 1:9

A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.

Ɛfɛsënyüü 6:6

'Anyɩ ‑fɛ 'jrʋpa 'taɩn 'lɩ 'ü tɛa' 'amɩ 'klɩa 'doo ‑beere 'amä nyüü 'tʋkä. ‑Maa 'ba 'palɩ 'klü 'ba nʋ 'ana plɛa 'fɩɔ 'ba nʋ wiili Nyɔsʋa 'bataa' ‑beere 'Kriisëa ‑goou.

Matiö 7:21

«‑Mää nyüülü kä 'fɩɔ werea' 'mɩ: ‹'Pläkänyɔɔ, 'Pläkänyɔɔ› nɩ, ‑mää ‑nëmä cɛɩɩa 'kamapläa 'mlɩ pa. Nyɔɔlɔ nöa' wiili 'na Tʋlɔ bäa' cɛlɩ ‑gbala 'ɔɔn nɩ, 'ɔa 'doo nëmä 'lɩ pa.

1 Piɛɛrë 2:15

'Be wiili Nyɔsʋa 'bataa' nɩ, 'iibä 'ba nʋ 'cɩcagbi 'amä mlüünyüülü 'nyɩa' dɛɛ jrea 'më kala.

Ebröönyüü 13:21

abɩa 'ia Nyɔsʋalɔ nʋ 'imɩ 'amä 'jrʋpalä kä 'fɩɔ 'naa' a nʋnʋkʋ mlɩbɩa, 'amä wiili 'ɔ 'bataa' nʋ, ɔ ‑srörö Jesu 'Kriisë kälɩ 'ɔmä 'amɩ 'lɩ wiili käa' 'ɔɔn 'tʋ ‑tʋ. 'Ɔɔ kä 'bʋalakʋ 'plɔʋplɔʋa ‑gʋ! 'Asɩ i bä!

Matiö 3:2

‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!»

Lukë 22:42

‑maa: «'Na Tʋ, ‑ama ‑wa, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! ‑Maa 'ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»

Jaan 7:17

Nyɔɔlɔ 'bataa' Nyɔsʋaa mlɩa wiia 'lɩträäräkʋ nya 'iin jrea 'na 'kpɩkpɩakʋ ma sɔ Nyɔsʋaa ‑nyɛɛ, 'aiɛ ima 'daa 'na 'mʋgbɛa bobowli.

'Nyügälɩjawii 19:6

'I ‑sia' nɩ, 'n 'nu 'wʋsɔɔrɔwii 'wli cɛlɩ, 'i ‑beere nyüü 'kɔkɔmlɛa 'papawii, 'i ‑beere 'nie kpakia mlɩa wii, 'i ‑beere ‑mamɛɛa kpakia mlɩa wii ‑bɛ 'i nö: «Aleluya! 'Pläkänyɔɔ, ana 'Nɩmrɛɛ Nyɔsʋa, 'a 'ɔa 'kamakʋ 'käsri!

1 Tɛsalonikënyüü 4:3

‑Jäsɩ Nyɔsʋa 'bataa' nɩ, abɩa 'ana 'kläa 'nyü 'na: 'ba tʋŋlɔlɩ ‑sagbili kä 'fɩɔ Nyɔsʋa 'nyɩ 'bataa' dɛrɩ;

Akëtë 21:14

A jrea' 'saa anyɩ 'lɩ ‑a bɩa amä 'ɔa 'jrʋ 'bla nɩ, anya 'cɛrɛ 'ɔɔn ‑wälɩ. Anya ‑nëma: «Abɩa wiili Nyɔsʋa 'bataa' nrörö!»

Akëtë 13:22

Nyɔsʋa 'baa' ‑plɩ 'ɔɔn nɩ, 'ɔnya nʋ 'iin Daviidë nya bä 'üa 'kɩɩ. 'Ɔnya 'pa 'ɔa ‑gä, 'ɔ ‑nëma: ‹'N 'jä Jɛseea 'jʋ Daviidë: 'ɔ kä 'na plɛ 'tʋ, wiili kä 'fɩɔ 'mäa' 'ɔɔn ‑gbala, 'ɔnya 'iin nʋa.›

Matiö 4:17

'A ‑plɩɩ Jesu 'bala nyüüa nyɔsʋaawiia ‑gbapalakʋ. ‑Jäsɩ 'ɔ ‑gbaaa' nɩ: «'Ba toro 'lɩ ‑balʋ ‑gälɩ, 'be Nyɔsʋaa 'kamaplä 'a 'amɩ ‑gbajijrö!»

'Nyügälɩjawii 12:10

'Nyaa 'nu 'wʋsɔɔrɔ 'papawiili sɔa' cɛlɩ 'wli; 'i ‑nëma: «'A 'lɩmlɩwʋwʋkʋ, 'wʋsɔɔrɔkʋ, ana Nyɔsʋaa 'kamaplä, nyra 'ɔa 'Kriisëa 'kamakʋ ‑ka ji ɩa' ɩ. 'Be Nyɔsʋa 'a ana ‑wlajüa wiigälɩtʋnyɔɔ 'käkpa, 'ɔɔlɔ ‑tʋʋäa' 'üün wii ‑gälɩ ‑srɩ ‑bɛ ‑gbia Nyɔsʋaa 'klʋɩ.

1 Piɛɛrë 4:2

'Ii känyrɩ, 'taɩnlɩ tɩɔa' 'lɩ 'amɩ ‑pɩ ‑tʋtʋ ‑gälɩ nɩ, 'anyɩ prɛ nyüüa bʋbɔ ‑wawadii dɛrɩ; 'ba prɛ wiili Nyɔsʋa 'bataa' dɛrɩ.

Ebröönyüü 10:7

'Nëma bɩa: ‹Nyɔsʋa, ‑jää 'mɔɔ; wiili ‑baata 'ii 'n ji nʋ, 'sɩrɩ 'i ‑jɩjraa' ‑dɔa ‑pɔɔkʋ 'lɩ 'na ‑gʋ .› »

Lukë 19:38

‑Bɛ 'ü nö: «‑Jɔrʋ pala 'kɩɩlɔ jröröa' 'Pläkänyɔɔa 'nyrɩklɩ ‑gälɩ! Abɩa 'wlinönrökʋ bä cɛlɩ, 'kä 'Pläkänyɔɔa 'nyrɩ 'bʋala cɛɩɩa 'mlɩ ‑gböösa !»

Marëkë 3:35

Nyɔɔ o nyɔɔ nöa' wiili Nyɔsʋa 'daaa', 'ɔɔ bä 'na ‑wlajʋ, 'ɔɔ bä 'na ‑wladia nyra 'na 'yio.»

Matiö 16:28

'Cɩcasa 'n ‑gbala 'amɩ, ‑mölöö bä ‑pɩ 'ana ‑tɔrʋpɩɔ, 'ünya Nyɔɔa 'Jʋa jijidɛɛ 'jäa 'ɔa 'Kamapläa 'mlɩ 'fɩɔwʋ ‑a ji 'ümä jä.»

Marëkë 11:10

Abɩa Nyɔsʋa 'pa 'kɩɩa 'kamaplälä jöa' 'nɩ, ana tʋ Daviidëa 'kamaplä! Osana! A 'bʋala Nyɔsʋalɔ bäa' cɛlɩ!»

'Nyügälɩjawii 11:15

'Pɩrɩgälɩ nɩ, ‑uunsɔɔa nɔ 'aanjë nya bö 'ɔa dɛglɛ. Mlɩa wii kpakü 'pala cɛlɩ wii, ‑bɛ 'i nö: «‑Tʋtʋ ‑gälɩa nyüüa 'kamaplä bä ‑mlatɩ ana 'Pläkänyɔɔ nyra 'ɔa 'Kriisëa kälɩ, 'kä 'ɔa 'kamakʋ nya 'lɩbä 'plɔʋplɔʋa ‑gʋ!»

'Nyügälɩjawii 20:4

'Pɩrɩgälɩ nɩ, 'nyaa 'jä 'kɩɩkpatë; Nyɔsʋa ‑nyɩ nyüülü kʋa' 'lɩ ‑gälɩ 'klü 'ümä nyüüa ‑gä ‑tʋ. 'Nyaa 'jä nyüülü kä 'wia 'ü 'bö böa' 'lɩ, 'üa ‑sisi. Jesua 'cɩcasa nyra nyɔsʋaawiili 'ü 'paaa', 'ia ‑gʋ 'ü 'bla 'üün. 'Ünyɩ mrɛɛlɛ nyra 'ɛa ‑papaa nɛ ‑a ‑pʋpʋa. 'Üa 'dari ‑gba nyra 'üa 'kʋtapra ‑gälɩ 'nyɩ 'ɛa tie ‑a bä. 'Ünya sɔ jäjäa 'mlɩ 'üü ‑bɛ 'Kriisë 'mä 'kama 'kamaa ‑sɩa ‑diisɔɔ ‑glʋɩpʋ (1 000).

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.

Kolɔɔsënyüü 1:13

'Ɔ 'ba amɩ 'jöjrüükpüa 'klü mlɩ, 'ɔnya fa amɩ 'ɔa ‑Wawa 'Jʋa 'Kamapläa 'mlɩ.

Lukë 19:11

Nyüü ‑ka poa' Jesu 'nyakli nɩ, 'ɔnya ja tapönänä ‑mölöö, 'be 'ɔ ‑kanyɩ 'lɩ Jerusalɛɛmë dɛrɩ ‑a tʋŋlɔ ‑bɛ nyüüa plɛ nɩnɩa ɩ 'a ‑plɩɩ Nyɔsʋaa 'kamaplä 'mä kʋ 'ämä 'äa nyufa srara.

Akëtë 22:14

'Ɔ ‑nëma nɩ: ‹Ana tʋɩɩa Nyɔsʋa 'a kä 'lɩ ‑mɩ 'ba, ‑mä wiili 'ɔ 'bataa' jre, ‑mä 'Klɩgänyɔɔ 'jä, ‑bɛ ‑mä 'ɔa mlɩa wii 'wlinu,