Matiö 6:1 - Kuö Dëdrä Jenɛɛsë Rutë

¹ «'Ba ‑tre 'ana nyüfë, 'anyɩ nʋ 'ana nyɔsʋaajrʋpa 'kä nyüü 'mä ‑gʋ 'amɩ 'jäjrä. 'Ama nʋ 'saa nɩ, 'ana Nyɔsʋalɔ bäa' cɛlɩ ‑ka ‑nëmä 'amɩ dɛɛlɛ 'ɔmä ɩa' 'amɩ ‑nyɩ ‑a ‑nyɩ.

Matiö 6:1 Referans Kwoze

Matiö 23:5

Diili kä 'fɩɔ 'ü nöa', nyüü 'mä ‑gʋ 'üün 'jäjrä. 'Ü kpasra 'üa 'kʋtapra ‑gälɩ nyɔsʋaawii. 'Ü tʋŋlɔ 'üa ‑panëa 'mri ‑gböösa.

Jaan 12:43

Nyüü ma 'bʋala 'üün nɩ, 'i kä 'üün tʋ, 'kä Nyɔsʋa 'mä 'üün 'bʋala.

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

Lukë 16:15

'Ɔnya ‑gbala 'üün: «'A nö dii ‑beere 'sɩrɩ 'a bäa' 'cɩcanyüü, ‑maa Nyɔsʋa jre 'ana polu. Dɛɛlɛ nyüü 'daraa' dɛɛ nɩ, 'ɛ bä cacɩ Nyɔsʋaa 'klʋɩ ‑gälɩ.

Galaatënyüü 6:12

Nyüülü kä 'fɩɔ 'tutoa' 'amɩ 'kä 'amä 'bölö nɩ, 'ü 'bata nyüü 'mä 'üün ‑wa. Wii 'dooa ‑gʋ 'ü nö 'imɩ: nyüü ‑pɩ 'üün ‑gbi ‑gba nʋ 'Kriisëa krʋawiia ‑gʋ.

Jaan 5:44

'Amɔlɔ nyüüa 'bʋalakʋ käa' 'tʋ, ‑bɛ ünyɩ 'bataa' Nyɔsʋalɔ bäa' 'doo, 'ɔa në 'bʋalakʋ, ‑asɩ 'anya 'mɩ plɛtoro le?

2 Jaan 1:8

'Ii känyrɩ, 'ba ‑tre 'ana nyüfë, ana 'jrʋpaa jijrɛ ‑pɩ amɩ kälɩ 'wʋ, ‑maa 'ɛmä amɩ 'wʋ ‑ji.

Marëkë 8:15

Jesu nya 'pa 'üün ‑tɔɔɔ 'lɩ: «'Ba ‑tre 'ana nyüfë Farisinyüü nyra Erɔɔdëa levurëa ‑gʋ.»

Matiö 6:16

«‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Matiö 16:6

Jesu nya ‑gbala 'üün: «'Amɔ 'n ‑gbala! 'Ba ‑tre 'ana nyüfë Farisinyüü nyra Sadusinyüüa levurëa ‑gʋ!»

Lukë 12:15

'Ɔnya ‑gbala 'üün: «'Ba ‑tre 'ana nyüfë! 'A 'nɩ kä dɛɛnyü! ‑Bakää nyɔɔ 'nyɩ ji 'bɩɔ, ‑mää 'ɔa käkädii 'nyɩ 'ɔa 'klä ‑gba kälä.»

Matiö 5:48

'Ii känyrɩ 'ba ‑gäklɩ, 'sɩrɩ 'ana Tʋlɔ bäa' cɛlɩ ‑gäa' 'klɩ.

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

Lukë 11:35

'Ii känyrɩ ‑tre ‑na nyufa 'napɛlɛ bäa' ‑mɩ 'lɩ ‑pɩ 'jöjrüükpü nʋ.

Lukë 12:1

‑Bɛ 'ia 'taɩn 'lɩ, nyüülü trara ‑mää 'üa ‑srɩ 'nyɩ ‑pɛ, 'ü wawla ‑mölöö 'kä. Jesu nya ‑gbala 'ɔa 'wʋnyɛrɛnyüü ‑kätɩ: «'Ba ‑tre 'ana nyüfë Farisinyüüa levurëa ‑gʋ. ‑Gbagblɛgbi bäsaa!

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

Matiö 5:46

'Ama ‑wa nyüülü kä 'doo ‑waa' 'amɩ nɩ, dɛɛ 'plɛɛ 'a 'bata abɩa Nyɔsʋa ‑nyɩ 'amɩ le? Dapookälɩpɛrɛnyüüa 'mʋgbɛ nö 'imɩ!

Matiö 23:13

«Busukʋ bä 'amɩ ‑gälɩ ‑dɔkpɩanyüü nyra Farisinyüü, ‑glagälɩsrörönyüü! 'Amɔ 'paa cɛɩɩa 'kamapläa tatu: 'ana 'mʋgbɛ 'nyɩ pa pa ‑a, 'anyɩ 'cɛrɛ bɩa ‑mülü 'bataa' papakʋ ‑wälɩ ‑a.

Matiö 6:9

«'Ii känyrɩ ‑jäsɩ 'a käa' 'amäa' Nyɔsʋa bibie: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala.

Ebröönyüü 2:1

'A 'ia ‑gʋ a kä amä wiili a 'nua' 'wli 'kpla 'mʋfasa, a ‑pɩ 'nyʋfɔ 'wʋsɔ.

Ebröönyüü 11:26

'Ɔ 'nyie 'ɔmä ‑sʋɩ 'jä 'Kriisëa 'nyrɩklɩa ‑gʋ, 'be 'ia 'bɩɔlʋ ‑si Ejiipëtëa 'bɩɔ 'wʋ. 'Cɩca dɛɛlɛ 'ɔmäa' ‑srɩɩ 'jä 'lee, 'ɛɛ 'ɔ tɛklɩ.

Matiö 16:27

'Be Nyɔɔa 'Jʋ nyra 'ɔa 'aanjë nëmä 'ɔa Tʋa 'wliklɩbʋabʋakʋ ja ‑bɛ 'ɔmä ji ‑o. 'Ia 'taɩn 'lɩ nɩ, ‑moloa nʋnʋgbi 'ɔmä 'klɩtɛ ‑bɛ 'ɔmä 'ɔɔn 'pɛɛ.

Akëtë 3:12

Piɛɛrë 'jäa' 'iin nɩ, 'ɔnya ‑gbala ‑jria: «Israɛɛlënyüü 'amɩ, dɛplɛɛ kä ‑gʋ 'i kala 'amɩ plɛklɩ le? Dɛplɛɛ kä ‑gʋ 'a nö 'saa 'a ‑pʋpɔ amɩ ‑beere ana 'mʋgbɛa 'klü a nʋ ‑bɛ nyɔɔlɔ kʋa' ‑pɩ 'nyɛɛ le? ‑Mää bɩa 'kä a pɩɛ Nyɔsʋaa ‑gböösa anya ‑si 'amɩ 'wʋ ‑a!