Matiö 5:7 - Kuö Dëdrä Jenɛɛsë Rutë

⁷ Abɩa dɔrʋ 'bla nyüülü käa' nyatɛplɛ, 'be Nyɔsʋaa nya 'üa nyatɛrɩ 'jäa.

Matiö 5:7 Referans Kwoze

Ɛfɛsënyüü 4:32

'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.

Jaakë 2:13

Nyɔɔlɔ 'nyɩa' nyatɛplɛ kä, Nyɔsʋaa ‑gä ‑nëmä bɩa 'ɔa nyatɛrɩ ‑a 'jä. Nyatɛplɛ ‑si ‑gäa ‑tʋtʋkʋ 'wʋ.

Jaakë 3:17

Cɛlɩa 'lɩgaglakʋ 'nyɩ ‑fre ‑a pa, 'unyɩ 'blarʋ ‑a kä, 'u ‑plɔ. Cɛlɩa 'lɩgaglakʋ ‑träärälɩ nyüü, 'u cere nyüüa ‑balʋ, 'u 'si 'cɩcagbi 'klɩ, 'unyɩ ‑glɛglɛ ‑a, 'unyɩ 'pa nyüü mlüü 'lɩ ‑a. 'Unyɩ bä ‑glaaklɩ.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

Lukë 6:35

‑Maa 'amɔlɔ nɩ, 'ba ‑wa nyüülü bäa' 'ana 'kpɛɛ 'lɩ, 'kä 'a nö 'üün 'cɩcagbi ‑gba. 'Ba ‑nyɩ 'üün, 'kä 'anyɩ bobo 'ümä 'amɩ dɛɛ ‑nyɩ. 'Ama nʋ 'saa nɩ, 'anya 'pɛɛ kpaki 'jäa, 'kä 'anya 'Wʋsi Nyɔsʋaa 'jü bä. 'Be 'ɔɔlɔ nɩ, nyüülü 'nyɩ jrea' nyüüa 'cɩcagbi, nyra plɛbʋbɔnyüü, 'ɔ nö 'cɩcagbi ‑gba.

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

Ebröönyüü 4:16

'Ii känyrɩ, ŋalɛ 'nyɩ 'bla amɩ, a jijrö ana ‑gbina Nyɔsʋa 'kɩɩkpata ‑gba, 'ɔmä amɩ nyatɛplɛ nyra ‑gbinanakʋ ‑nyɩ. 'Ɔnya amɩ ‑gbajia 'ia ‑srɩ 'lɩ.

1 Piɛɛrë 2:10

'A ma 'nyɩ kä Nyɔsʋaa nyüü ‑a bä, ‑maa 'anya 'a 'saarɩ Nyɔsʋaa nyüü nʋ. Nyɔsʋa ma 'nyɩ 'ana nyatɛrɩ ‑a kä, ‑maa 'ɔ kä 'saarɩ 'ana nyatɛrɩ.

Marëkë 11:25

'Asɩ 'a nëmäa' 'nyüglö 'amä Nyɔsʋa bibie nɩ, nyɔɔa wii ma bä 'ana 'mlɩ nɩ, 'ba cere 'ɔmɩ 'iin, ‑bɛ 'ana Tʋlɔ bäa' cɛa 'mlɩ 'mä bɩa 'ana ‑balʋ cere.

1 Timotee 1:13

‑Bɛ ‑kätɩsa nɩ, 'maa 'paa 'ɔa bʋbɔnyrɩ. 'Maa nö 'ɔa nyüü ‑gbigba, 'na wiia 'fɩɔ ma bä 'klü 'lɩ. ‑Maa Nyɔsʋa nya 'jä 'na nyatɛrɩ 'be wiili 'maa nöa' 'nyɩ 'iin jre ‑a jre; 'nyɩ kä 'Kriisëa nyɔsʋaplɛ ‑a kä.

1 Korɛɛntënyüü 7:25

Dɛɛlɛ bäa' 'ŋlëkaplö nɩ, 'Pläkänyɔɔ 'nyɩ 'lɩ ‑dɔ ‑a 'pa. ‑Maa ‑jäsɩ 'n ‑gbaa' nɩ, 'i bä 'cɩca ‑tɔɔɔ, ü toro 'mɩ plɛ, ü jresaa nyɔɔlɔ kä nyatɛrɩ 'Pläkänyɔɔ 'jäa' 'ɔɔ 'paa wii.

1 Timotee 1:16

‑Maa Nyɔsʋa 'jä 'na nyatɛrɩ, 'kä Jesu 'Kriisë 'mä 'mɩ kälɩ ‑srörö, 'mɔɔ bäa' ‑balʋnyüüa 'wliklɩa nɔ nɩ, ‑bɛ 'ɔmä 'ɔa plɛböblökʋa 'fɩɔ srara. 'Ɔ nʋ 'imɩ 'ɔmä nyüü srara 'sɩrɩ 'ɔ 'mrɛɛa' 'ɔmäa' nʋ ‑bɛ nyüülü toroa' 'ɔɔn plɛ 'mäa' 'klälä 'nyɩa' blöröfa kä 'jä.

2 Korɛɛntënyüü 4:1

'Bala 'lɩ ‑gälɩ, 'be Nyɔsʋa 'jä ana nyatɛrɩ 'ɔnya ‑nyɩ amɩ 'jrʋpalä, 'ii känyrɩ ana kpati 'nyɩ jä 'lɩ ‑a.

Rɔmënyüü 11:30

'Ana 'mʋgbɛ nɩ, 'anyɩ kä 'lɩ Nyɔsʋa ‑a ‑träärä, ‑maa 'köklesaplɩɩ ɔ nɩ, Nyɔsʋa 'ünyɩa' nyɔɔwʋba nɩ, 'ia ‑gʋ Nyɔsʋa nya 'jä 'ana nyatɛrɩ.