Matiö 5:5 - Kuö Dëdrä Jenɛɛsë Rutë

⁵ Abɩa dɔrʋ 'bla nyüülü 'wlaa' 'lɩkä. 'Üü Nyɔsʋa nëmä 'plä jaa 'lɩ ‑nyrɛɛlɛ!

Matiö 5:5 Referans Kwoze

Jaakë 3:13

Nyɔɔ bä 'ana ‑tɔrʋpɩɔ ɔ jre wii ‑bɛ 'ɔ ‑glalɩ ɔ srara 'imɩ plɛblösa 'ɔa 'cɩcagbia mlɩ.

Galaatënyüü 5:23

‑dɔ 'nyɩ 'lɩ ‑a bä 'umä 'daa 'inyɩ 'na ‑a 'na.

Jaakë 1:21

'A 'ia ‑gʋ, 'ba 'pie diili kä 'fɩɔ plaa' nyɔɔ ‑fre 'lɩ nyra wiili kä 'fɩɔ bʋbɔa'. ‑Maa 'ba 'kpla plɛblösa Nyɔsʋaa 'papawiili 'ɔ plaa' 'ana plɛ ‑gälɩ, 'ii 'mrɛɛ i 'balɩ 'ana 'klä mlɩ.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

Matiö 11:29

'Ba 'pie 'na ‑gblɛ ‑plɩ ‑gälɩ 'kä 'a 'cɛrɛ 'na 'kpɩkpɩakʋ ‑wälɩ 'umä 'amɩ 'tiere, 'be 'n 'wlalɩkä 'na plɛ nya 'jɔrɔ; ‑bɛ 'amä ‑fʋflʋ 'pa.

Ɛfɛsënyüü 4:2

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

1 Piɛɛrë 3:15

'Ba 'bʋala 'Pläkänyɔɔ Nyɔsʋa 'ana plɛklɩ. Nyüüa 'fɩɔ ma 'bete 'amɩ: dɛplɛɛ bä plɛgälɩpiepiekʋ u bä 'amɩ 'lɩ le? 'Ba ‑ëlere 'taɩn a 'fɩɔ 'amä 'üün ‑gälɩsa plɛböblösa nyra 'lɩträäräsa.

Titë 3:2

Ünyɩ ‑jree nyɔɔ, ü ‑wa 'wlinönrökʋ, ü bä ‑pɔplɔnyüü, 'kä 'ü srara nyüüa 'fɩɔ 'sɩrɩ 'ü ‑plɔa'.

1 Piɛɛrë 3:4

‑maa abɩa 'ana 'nanakʋ bä 'ana polua 'mlɩ: plɛlɛ 'naa' ɛ traraa' 'kä. 'Ia 'samaa 'nanakʋlʋ 'nyɩ bʋblɔ bʋblɔ ‑a. 'Unya kä 'peru kpaku Nyɔsʋa ‑nyɛɛ.

1 Timotee 6:11

‑Maa ‑mɔ bäa' Nyɔsʋaa nyɔɔ nɩ, fɔlɔ 'ia 'fɩɔlʋ 'klɩ. 'Bata ‑gböösa 'klɩgägäkʋ, Nyɔsʋaa 'lɩträäräkʋ, nyɔsʋaplɛtorokʋ, ‑wawakʋ, plɛböblökʋ nyra plɛpɩpɛ.

2 Timotee 2:25

'Ɔ kä ɔ 'kpɩa plɛblösa nyüülü 'ɔ nyra 'üün totroa' 'wli. Ɔma nʋ 'saa nɩ, ‑beeredɛ Nyɔsʋa 'mrɛɛ ɔ nʋ 'iin 'kä 'ünya nʋnʋgbi 'cici, 'ümä 'cɩcasa jre,

Rɔmënyüü 4:13

Nyɔsʋa ‑gbala Abraamë nyra 'ɔa 'jü ‑maa 'ɔnya 'üün 'blɩa 'fɩɔ ‑nyɩa, 'a 'üa ‑jaaa. ‑Mää dɛɛlɛ kä ‑gʋ Abraamë ‑trääräa' 'lɩ ‑dɔ nɩ, ‑mää 'ia ‑gʋ 'ɔnyɩ 'iin pa, ‑maa 'ɔa nyɔsʋaplɛtorokʋa ‑gʋ Nyɔsʋa 'dara 'ɔɔn 'klɩgänyɔɔ.

Matiö 21:5

«'Ba ‑gbala Siɔɔnbätäa 'yria: ‑Jää ‑na 'kɩɩ; plɛblösa 'ɔ jö ‑na ‑nyɛɛ! ‑Sʋbrea 'jʋ ‑gälɩ 'ɔ kʋ, ‑sʋbrea 'ŋlʋʋa nɛa 'jʋ !»