Matiö 5:18 - Kuö Dëdrä Jenɛɛsë Rutë

¹⁸ 'Cɩcasa 'n ‑gbala 'amɩ nɩ, cɛɩɩ nyra ‑tʋtʋ ‑ka bäa' ‑plɩɩ nɩ, ‑dɔa ‑pɔɔkʋa 'mlɩa ‑jɩjrajrii, nyra 'nɩmɩ 'ua 'mlɩa 'jrii jɔ ‑nëmä ‑srɩɩ ‑si ‑a ‑si 'plɔʋ 'kä wiia 'fɩɔ nya nrörö.

Matiö 5:18 Referans Kwoze

Lukë 16:17

Cɛ nyra ‑tʋtʋa sakakʋ ‑nëmä 'lɩ ‑a kla 'i ‑nëmä ‑dɔpɔɔkʋa 'mlɩa 'jrii jɔa sakakʋ 'wʋ ‑a ‑si.

1 Piɛɛrë 1:25

‑maa 'Pläkänyɔɔa 'papawii 'nyɩ bɩarafa ‑a kä . ‑Bɛ ‑taa 'papawiili nɩ, 'a 'Mʋfagogolä 'saraa' 'lɩ 'amɩ.

Marëkë 13:30

'Cɩcasa 'n ‑gbala 'amɩ, ‑taa nyüüglügbölä kʋa' ‑pɩa 'fɩɔ ‑nëmä bɩa ‑a bɩa 'kä 'ia 'fɩɔ nya 'lɩjrä.

'Nyügälɩjawii 20:11

'Pɩrɩgälɩ nɩ, 'nyaa 'järä 'pɔlɔ 'kɩɩkpata kpakö ‑gälɩ nyɔɔ 'doo. ‑Tʋtʋ nyra cɛ nya fɔlɔ 'ɔɔn 'klɩ; 'ü ‑kanyɩ 'järä ‑a 'järä.

Jaan 5:19

Jesu nya 'patä 'ɔnya ‑gbala 'üün: «'Tasɩrɩa 'cɩcasa 'n ‑gbala 'amɩ, 'Jʋa 'doo 'nyɩ 'lɩ ‑a bɩa 'ɔ nʋ dɛɛ, wiili Tʋ nʋa' 'ɔ 'jäa' 'ii 'ɔ nö: wiili kä 'fɩɔ Tʋ nöa', 'asɩ 'Jʋ nö bɩa 'iin.

Matiö 17:20

Jesu nya ‑gbala 'üün: «'Ana nyɔsʋaplɛ 'nyɩ 'bʋa ‑a 'bʋa, 'ia ‑gʋ. 'Cɩcasa 'n ‑gbala 'amɩ, 'ama kä nyɔsʋaplɛ, ɛma bä dɩjɔ ‑beere mutarëdëeji nɩ, 'anya ‑taa 'dʋgbalä ‑gbalaa: ‹Sɔ ‑pɩ, mi ‑nyɛɛ!› 'Kä 'änya 'kousɔ. Dɛɛ 'nyɩ 'lɩ ‑a bä 'ɛmä 'amɩ 'nyüglö.

Matiö 16:28

'Cɩcasa 'n ‑gbala 'amɩ, ‑mölöö bä ‑pɩ 'ana ‑tɔrʋpɩɔ, 'ünya Nyɔɔa 'Jʋa jijidɛɛ 'jäa 'ɔa 'Kamapläa 'mlɩ 'fɩɔwʋ ‑a ji 'ümä jä.»

Matiö 13:17

'Cɩcasa 'n ‑gbala 'amɩ: nyɔsʋaamlɩpalanyüü 'kɔkɔmlɛ nyra 'klɩgänyüü 'kɔkɔmlɛ 'bata kä wiili 'a 'jäa' 'ia 'jäjäkʋ, ‑maa 'ünyɩ 'iin 'jä ‑a 'jä. 'Ü 'bata wiili 'a 'nööa' 'wli, 'ia 'wlinunukʋ ‑maa 'ünyɩ 'iin 'wli ‑a 'nu.

Matiö 10:23

«Üma nʋ 'amɩ ‑gbigba bätälä kä 'mlɩ 'a bäa' nɩ, 'ba sɔ 'lɩ, 'ba mi bätä ‑mölööa 'mlɩ; 'cɩcasa 'n ‑gbala 'amɩ: 'a ‑nëmä Israɛɛlëa bätëa 'fɩɔa 'mlɩ ‑srörökʋ ‑a bɩa 'kä Nyɔɔa 'Jʋ nya ji.

Matiö 6:2

'Ii känyrɩ, ‑ama ‑nyɩ 'pʋablanyɔɔ dɛɛ nɩ, ‑nyɩ 'fɛrɛ 'iin 'kä, ‑beere 'sɩrɩ ‑glagälɩsrörönyüü nöa' juifëa 'sraaplanyëka ‑wälɩ nyra 'nyifi 'wʋ. Nyüü 'mä 'üün 'bʋala, 'a 'ia ‑gʋ 'ü nö 'iin. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Matiö 5:26

'Cɩcasa 'n ‑gbala ‑mɩ, ‑ama 'nyɩ 'ɔa 'kpaa 'fɩɔ ‑a 'sa, ‑nëmä ‑srɩɩ 'lɩ ‑a 'cie.

Jaan 21:18

'Tasɩrɩa 'cɩcasa 'n ‑gbala ‑mɩ, ‑bä käa' ‑sëgbajʋ nɩ, ‑na 'mʋgbɛ ma wlo ‑na ‑pɛɛtʋ; 'kä ‑ma mö ‑tɛ 'lɩ ‑waa'. ‑Maa 'taɩn 'lɩ ‑nëmäa' 'klɩbɩa nɩ, ‑na 'dari ‑nëmä to, 'kä nyɔɔ ‑moloo nya ‑mɩ 'uun wlo, ‑plɩɩlɩ ‑nyɩ 'bataa' 'kä 'ɔnya 'lɩ ‑mɩ fa.»

Jaan 16:23

«'Ia ‑srɩlɩa 'mlɩ nɩ, 'a ‑ka ‑nëmä 'mɩ ‑a 'bete. 'Tasɩrɩa 'cɩcasa 'n ‑gbala 'amɩ, dɛɛ 'amäa' Tʋ ‑sɛ, 'na 'nyrɩklɩ 'ɔnya 'amɩ 'ɛɛn ‑nyɩa.

Jaan 16:20

'Tasɩrɩa 'cɩcasa 'n ‑gbala 'amɩ, 'anya 'wua, 'anya ‑sɩsraa, ‑bɛ dɔrʋ nya 'plä 'blaa. 'Anya 'kpɔɔa, ‑maa 'ana 'kpɔkpɔɔkʋ nya dɔrʋ 'lɩ ‑sröröa.

Jaan 14:12

'Tasɩrɩa 'cɩcasa 'n ‑gbala 'amɩ: nyɔɔlɔ toroa' 'mɩ plɛ nɩ, 'jrʋpalä 'n ‑fɛɛɛa', 'ɔnya bɩa 'ään ‑fɛa, 'kä 'ɔnya 'mɩ 'wʋsi, 'be Tʋa ‑nyɛɛ 'n 'mö;

Jaan 13:38

Jesu nya 'bete 'ɔɔn: «‑Mä jä 'na ‑gʋ? 'Tasɩrɩa 'cɩcasa 'n ‑gbala ‑mɩ, ‑kätɩ sapɛ ‑nëmä ‑gbe ‑a ‑gbe 'kä ‑nya 'daa ‑nyɩ 'mɩ ‑a jre 'wʋ tää 'wʋ.»

Jaan 13:16

'Tasɩrɩa 'cɩcasa 'n ‑gbala 'amɩ, 'jrʋpafɛnyɔɔ 'nyɩ 'ɔa 'kamanyɔɔ 'wʋ ‑a ‑si, 'asɩ bɔblɔnyɔɔ 'nyɩ bɩa nyɔɔlɔ blɔa' 'ɔɔn 'wʋsi.

Jaan 12:24

'Tasɩrɩa 'cɩcasa 'n ‑gbala 'amɩ, dɛɛ bäa' 'jaji, ɛma blö ‑tʋtʋa 'mlɩ nɩ, 'ɛ ‑kaaŋlʋa' ‑fɛ nɩ, 'dee 'ɛ bä, ‑maa ɛma ‑fɛ, 'kä 'ɛ ‑gaaa, 'kä 'ɛ tʋä 'kɔkɔmlɛ.

Jaan 10:7

Jesu nya ‑gbala 'sɔɔwʋ 'üün nɩ: «'Tasɩrɩa 'cɩcasa 'n ‑gbala 'amɩ, 'mɔɔ bä ‑bablëëa ‑glɔa 'mëmla.

Jaan 10:1

Jesu ‑nëma: «'Tasɩrɩa 'cɩcasa 'n ‑gbala 'amɩ, nyɔɔlɔ 'nyɩ ‑sröröa' ‑bablëëa ‑glɔa 'palafa 'wʋ, ‑bɛ 'ɔ ‑plööa' 'uun nɩ, 'jejienyɔɔ 'ɔ bä, 'ɔnya bä ‑gbʋgblʋʋkänyɔɔ.

Jaan 8:58

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'mɔɔ bä ‑plɩɩ 'fɩɔwʋ Abraamë nya 'mä ji.»

Jaan 8:51

'Tasɩrɩa 'cɩcasa 'n ‑gbala 'amɩ, nyɔɔ ma ‑träärälɩ 'na mlɩa wii, 'ɔ ‑nëmä jäjäkʋ ‑a 'jä 'plɔʋ.»

Jaan 8:34

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, nyɔɔ nöa' ‑balʋ, ‑balʋa ‑geei 'ɔ bä.

Jaan 6:53

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'ama 'nyɩ Nyɔɔa 'Jʋa 'jajɛ ‑a ji, ‑bɛ 'ama 'nyɩ 'ɔa ‑toru ‑a 'mla, 'klä 'nyɩ 'amɩ 'lɩ ‑a bä.

Jaan 6:47

'Tasɩrɩa 'cɩcasa 'n ‑gbala 'amɩ, nyɔɔlɔ toroa' 'mɩ plɛ kä 'klälä 'nyɩa' blöröfa kä.

Jaan 6:32

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, ‑mää Moisë 'nyɩ 'amɩ cɛlɩa 'flɔɔ ‑nyɩ, ‑maa 'na Tʋ 'ɔɔ ‑nyɛɛ 'amɩ cɛlɩa 'tasɩrɩa 'flɔɔ.

Jaan 6:26

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, ‑mä ‑saragbia tielë 'n nʋa' ‑bɛ 'a 'jäa' ‑mä 'ia ‑gʋ 'anyɩ 'bata 'mɩ, ‑maa 'flɔɔ 'a jia' ‑bɛ 'a döa', 'ia ‑gʋ 'a 'bata 'mɩ.»

Jaan 3:11

'Tasɩrɩa 'cɩcasa 'n ‑gbala ‑mɩ, wiili a jrea' 'ii a 'saalɩ, wiili ana 'nyü 'jäa', 'ia ‑gä a 'paa; 'asɩɛ 'anyɩ 'dara 'iin wii ‑a.

Jaan 3:5

'Iibäa' Jesu nɩ: «'Tasɩrɩa 'cɩcasa 'n ‑gbala ‑mɩ, nyɔɔlɔ 'nyɩa' 'nɩ nyra ‑susu 'lɩ ‑glooro, 'ɔnyɩ 'lɩ ‑a bɩa ɔ pa Nyɔsʋaa 'kamaplä 'lɩ.

Jaan 3:3

Jesu nya ‑gbala 'ɔɔn: «'Tasɩrɩa 'cɩcasa 'n ‑gbala ‑mɩ, nyɔɔ ma 'nyɩ ‑glooro ‑a ‑glooro 'sɔɔwʋ, 'ɔnyɩ 'lɩ ‑a bɩa ɔ 'jä Nyɔsʋaa 'kamaplä.»

Jaan 1:51

'Ɔnya ‑gbala 'ɔɔn 'sɔɔwʋ: «'Tasɩrɩa 'cɩcasa 'n ‑gbala ‑mɩ, 'bala 'saarɩ ‑gälɩ anya 'iin 'jäa 'sɩrɩ cɛ ‑gaaamlɩ, ‑bɛ Nyɔsʋaa 'aanjë nya 'jra ‑bɛ 'ünya Nyɔɔa 'Jʋ ‑gälɩ 'cere.»

Lukë 23:43

Jesu nya ‑gbala 'ɔɔn: «'Cɩcasa 'n ‑gbala ‑mɩ, 'nyraa ‑mɔ nya Paradii mia 'saarɩ.»

Lukë 18:29

'Ɔnya ‑gbala 'üün: «'Cɩcasa 'n ‑gbala 'amɩ: nyɔɔ ma ‑gbaa ‑nyɛɛ 'ɔa nyuku 'kä, 'aiɛ 'ɔa 'ŋlʋʋ, 'ɔa ‑wlajü, 'ɔa tʋɩɩ, 'ɔa 'jü, 'kä Nyɔsʋaa 'kamapläa ‑gʋ,

Lukë 18:17

'Cɩcasa 'n ‑gbala 'amɩ, nyɔɔ o nyɔɔ ‑nëmäa' 'jüjiea 'saa Nyɔsʋaa 'kamaplä ‑a 'kʋɛɛ nɩ, 'ɔ ‑nëmä ‑srɩɩ 'äa 'mlɩ ‑a 'jra.»

Lukë 13:35

‑Jää, 'ana nyuku nya ‑plɩɩ tɩɔa. 'Cɩcasa 'n ‑gbala 'amɩ, 'a ‑ka ‑nëmä 'mɩ ‑a 'jä 'jä 'kä 'anya ‑srɩɩ 'daa: ‹‑Jɔrʋ pala nyɔɔlɔ jröröa' 'Pläkänyɔɔa 'nyrɩklɩ!› »

Lukë 12:37

'Kamanyɔɔlɔ ma ji ‑bɛ üma 'nyɩ 'mʋmɔ ‑a 'mʋmɔ, ‑bɛ ɔma jrä ‑plɩɩ 'üün dɔrʋlʋ nëmäa' 'üün 'bla ‑mää 'ua ‑srɩ ‑nëmä ‑pɛ. 'Tasɩrɩa 'cɩcasa 'n ‑gbala 'amɩ: 'jrʋpafɛkoti 'ɔ nëmä 'lɩpa, 'kä 'ɔnya 'üün ‑wälɩkʋfa ‑nyɩ, 'kä 'ɔnya 'lɩ 'üün jijri ‑päälä.

Lukë 11:51

'Bala Abɛɛlëa 'babla 'taɩn 'lɩ ‑a jrä Sakarii ‑gälɩ, ɔ 'ü 'blaraa' ‑gbɔsatöwlö nyra Nyɔsʋaanyuku kpakua ‑tɔrʋpɩɔ nɩ, 'amɔ 'n ‑gbala 'cɩcasa: 'a ‑taa nyüüglügbölä kʋa' ‑pɩ Nyɔsʋa 'mä 'üa ‑gälɩ 'betre.

Marëkë 14:30

Jesu nya ‑gbala 'ɔɔn: «'Cɩcasa 'n ‑gbala ‑mɩ, ‑mɔlɔ nɩ, 'saarɩa ‑gbialä kʋa' ‑pɩ, sapɛ ‑nëmä ‑gbegbekʋa ‑gʋ 'sɔɔ ‑a ka, 'kä ‑nya 'mɩ 'klɩfɔlɔkʋa ‑gʋ tää ka.»

Marëkë 14:25

'Cɩcasa 'n ‑gbala 'amɩ, 'n ‑ka ‑nëmä viinyënʋ ‑a 'mla 'plɔʋ; ima 'nyɩ Nyɔsʋaa 'kamapläa 'mlɩ ‑a bä; 'a ‑nyɛɛ 'nya 'sɔɔwʋ 'uun 'mlala.»

Marëkë 14:18

'Ü jö ɩ dɛɛ, Jesu ‑nëma: «'Cɩcasa 'n ‑gbala 'amɩ, 'ana ‑tɔrʋpɩɔa nyɔɔ 'doo, 'nyraa 'ɔɔn tara 'wʋ, 'ɔnya 'mɩ 'saa.»

Marëkë 14:9

'Cɩcasa 'n ‑gbala 'amɩ, ‑pɩɔ o ‑pɩɔ ‑taa 'mʋfagogolä 'mäa' 'sara 'pläa 'fɩɔa 'mlɩ nɩ, wiili 'ŋlʋʋlɔ nʋa', nyüü nya 'ia ‑gä 'paa ‑bɛ 'ünya 'ɔa ‑gä plɛ 'pa.»

Marëkë 12:43

Jesu nya we 'ɔa 'wʋnyɛrɛnyüü, 'iibä: «'Cɩcasa 'n ‑gbala 'amɩ, 'pʋablakusroŋlʋʋlɔ kʋa' ‑pɩ, 'ɔɔ 'sa mölii 'ɔnya ‑si nyüülü kä 'fɩɔ 'paa' ‑tɛ mölii 'wʋ,

Marëkë 11:23

'Cɩcasa 'n ‑gbala 'amɩ, nyɔɔ ma ‑gbala 'dʋgbalä kʋa' ‑pɩ: ‹Sɔ ‑plɩɩlɩ kʋa', mi ‑a blö 'tanie 'lɩ›, 'ɔa plɛ ma ‑si, ɔma jresaa wiili 'ɔ 'saalɩ nya nröröa nɩ, 'ɔa 'klɩ 'kä 'inya nrörö.

Marëkë 10:29

Jesu nya ‑gbala 'ɔɔn: «'Cɩcasa 'n ‑gbala 'amɩ: nyɔɔ ma ‑gbaa ‑nyɛɛ 'ɔa nyuku 'kä, 'aiɛ, 'ɔa ‑wlajü, ‑wlayörü, tʋ, 'yio, 'ŋlʋʋ, 'ɔa 'jü, 'aiɛ 'ɔa papladii, 'kä 'na ‑gʋ nyra 'mʋfagogoa ‑gʋ nɩ,

Marëkë 10:15

'Cɩcasa 'n ‑gbala 'amɩ, nyɔɔ o nyɔɔ ‑nëmäa' 'jüjiea 'saa Nyɔsʋaa 'kamaplä ‑a 'kʋɛɛ nɩ, 'ɔ ‑nëmä ‑srɩɩ 'äa 'mlɩ ‑a 'jra.»

Marëkë 9:41

Nyɔɔ o nyɔɔ nëmäa' 'amɩ 'mamlanɩa ‑glasɩ 'dee ‑nyɩ 'kä 'Kriisëa nyüü 'a bäa' 'ia ‑gʋ nɩ; 'cɩcasa 'n ‑gbala 'amɩ, 'ia nyɔɔlɔ nya 'pɛɛrɛa 'mʋfagbili 'ɔ nʋa' 'ia ‑gʋ.»

Marëkë 9:1

Jesu nya ‑gbala 'üün 'sɔɔwʋ: «'Cɩcasa 'n ‑gbala 'amɩ, ‑mölöö bä ‑pɩ 'ana ‑tɔrʋpɩɔ, 'ünya Nyɔsʋaa 'kamapläa 'klü 'jäa 'fɩɔwʋ 'kä 'ünya jä.»

Marëkë 8:12

Jesu nya ‑gblɔɔ ‑fʋflʋ 'kä, 'iibä: «Dɛplɛɛ kä ‑gʋ ‑taa nyüüglügbölä kʋa' ‑pɩ 'bata ‑saragbia tie le? 'Cɩcasa 'n ‑gbala 'amɩ ‑saragbi ‑nëmä ‑taa nyüüglügböläa 'klʋɩ ‑a nrörö.»

Marëkë 6:11

‑Pɩɔ o ‑pɩɔ 'a nëmäa' 'tɔ 'ia nyüü ma 'nyɩ 'amɩ nyuku ‑a ‑nyɩ, ‑bɛ üma 'nyɩ po 'amɩ 'nyakli ‑a nɩ, 'ba sɔ 'lɩ, 'kä 'a ‑gbɔplɔ 'lɩ 'ana böklölia ‑tʋtʋ, 'ii 'mä 'üün ‑gbala 'sɩrɩ 'üa nʋnʋgbi 'nyɩa' 'na. 'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ.»

Marëkë 3:28

«'Cɩcasa 'n ‑gbala 'amɩ: Nyɔsʋa 'mrɛɛ ɔ cere nyüü 'üa ‑balʋa 'fɩɔ nyra srörö ‑mülü kä 'fɩɔ 'ümäa' 'ɔɔn dɛrɩ fa,

Matiö 25:45

'Kä 'ɔnya 'üün ‑gbalaa: ‹'Cɩcasa 'n ‑gbala 'amɩ, 'asɩ 'anyɩ jia' 'jüplüjielüa ‑tɔrʋpɩɔa 'doo ‑gba nɩ, 'mɔɔ 'a nö 'iin ‑gba.›

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

Matiö 25:12

‑Maa 'iibäa' 'ɔɔn nɩ: ‹'Cɩcasa 'n ‑gbala 'amɩ: 'nyɩ 'amɩ ‑a jre!›

Matiö 24:47

'Cɩcasa 'n ‑gbala 'amɩ: nyukukänyɔɔ nya 'ɔɔn 'ɔa käkädiia 'fɩɔ ‑gba tɩa.

Matiö 24:2

'Ɔnya ‑gbala 'üün ‑maa: «'A 'jää diili kä 'fɩɔ kʋa' ‑pɩ 'wʋ? 'Cɩcasa 'n ‑gbala 'amɩ, 'ia nyukupatäkä 'döö ‑nëmä 'döö ‑gälɩ ‑a tɩɔ; 'üa 'fɩɔ nya ‑gbloooa.»

Matiö 23:36

'Cɩcasa 'n ‑gbala 'amɩ, ‑taa nyüüglügbölä kʋa' ‑pɩ ‑gälɩ 'ia 'fɩɔlʋ nëmä 'wli tɩɔ.

Matiö 21:31

'Üa 'sɔɔlüa ‑tɔrʋpɩɔ ‑mɔ 'plɛɛ ‑träärälɩ tʋ le?» 'Üa 'fɩɔ ‑nëma: «‑Kätɩa nɔ.» 'Iibäa' Jesu nɩ: «'Cɩcasa 'n ‑gbala 'amɩ, dapookälɩpɛrɛnyüü nyra 'tutuŋlëgë ‑kätɩ nëmä Nyɔsʋaa 'kamapläa 'mlɩ pa.

Matiö 21:21

Jesu nya ‑gbala 'üün: «'Cɩcasa 'n ‑gbala 'amɩ, 'ama toro Nyɔsʋa plɛ ‑bɛ 'ana plɛ ma 'nyɩ ‑pilɩklɩ ‑a nɩ, 'anya i 'n nʋa' ‑taa figietuulu ‑gba nʋa, ‑mää ‑plɩɩa 'doo 'a ‑nëmä 'blörö, ‑maa 'anya bɩa 'dʋgbalä kʋa' ‑pɩ ‑gbalaa: ‹Sɔ ‑pɩ, mi ‑a blö 'tanie 'lɩ›, 'kä 'inya nrörö.

Matiö 19:28

Jesu ‑nëma: «'Cɩcasa 'n ‑gbala 'amɩ, 'taɩn 'lɩ Nyɔɔa 'Jʋ 'mäa' 'ɔa 'kɩɩkpatalä 'bʋawliklɩ ‑gälɩ kʋ nɩ, 'amɔlɔ prɛa' 'mɩ dɛrɩ nɩ, 'ana 'mʋgbɛ nya 'kɩɩkpatë ‑pʋ ‑bɛ ‑uunsɔɔ ‑gälɩ kɔ kɔa 'amä Israɛɛlëa ‑glügbü ‑pʋ ‑bɛ 'sɔɔa 'cifu bä.

Matiö 19:23

Jesu nya ‑gbala 'ɔa 'wʋnyɛrɛnyüü ‑maa: «'Cɩcasa 'n ‑gbala 'amɩ, 'inya 'lɩklaa 'kä 'bɩɔjinyɔɔ 'mä cɛɩɩa 'kamapläa 'mlɩ pa.»

Matiö 18:18

'Cɩcasa 'n ‑gbala 'amɩ, diili kä 'fɩɔ 'a nëmäa' kpasa ‑pɩ ‑tʋtʋ ‑gälɩ nɩ, 'inya bɩa kpasraa cɛlɩ; ‑bɛ wiili kä 'fɩɔ 'a nëmäa' ‑jejie ‑pɩ ‑tʋtʋ ‑gälɩ nɩ, 'inya ‑jejroa cɛlɩ.

Matiö 18:3

'ɔ ‑nëma: «'Cɩcasa 'n ‑gbala 'amɩ, 'ama 'nyɩ 'jüjiea 'saa ‑a bä nɩ, 'a ‑nëmä ‑srɩɩ cɛɩɩa 'kamapläa 'mlɩ ‑a pa.

Matiö 11:11

«'Asɩ i bä, 'cɩcasa 'n ‑gbala 'amɩ, nyüülü kä 'fɩɔ 'ŋlëgë ‑gua' nɩ, nyɔɔ 'nyɩ Jaan Batiisë 'wʋ ‑a ‑si. ‑Maa Cɛɩɩa 'kamapläa 'mlɩa blaaadɩɔ 'bʋa 'ɔnya ‑si 'ɔɔn 'wʋ.

Matiö 10:42

Nyɔɔ o nyɔɔ nëmäa' ‑taa 'jülü kʋa' ‑pɩa ‑tɔrʋpɩɔa 'jʋ 'doo 'mamlanɩa ‑glasɩ 'deedee ‑nyɩ, 'kä 'na 'wʋnyɛrɛnyɔɔ 'ɔ bäa' 'ia ‑gʋ nɩ, 'cɩcasa 'n ‑gbala 'amɩ, 'ia nyɔɔlɔ nya 'pɛɛrɛa 'mʋfagbili 'ɔ nʋa' 'ia ‑gʋ.»

Matiö 10:15

'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ.

Matiö 8:10

Jesu 'nua' 'iin 'wli nɩ, 'i kala 'ɔɔn plɛklɩ. 'Ɔnya ‑gbala nyüülü prɛa' 'ɔɔn dɛrɩ ‑maa: «'Cɩcasa 'n ‑gbala 'amɩ, 'nyɩ 'samaa plɛtoronyɔɔ Israɛɛlënyüüa 'mʋgbɛa ‑tɔrʋpɩɔ ‑a 'järä.

Matiö 6:16

«‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Lukë 4:24

'Ɔ ‑nëma 'sɔɔwʋ: «'Cɩcasa 'n ‑gbala 'amɩ, nyɔsʋaamlɩpalanyɔɔ 'nyɩ kälä 'ɔa 'bre 'cɩcanyrɩ ‑a.