Matiö 5:16 - Kuö Dëdrä Jenɛɛsë Rutë

¹⁶ 'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

Matiö 5:16 Referans Kwoze

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

Titë 2:7

‑Na 'mʋgbɛlɔ nɩ, nʋ 'cɩcagbi wiia 'fɩɔa 'mlɩ nyüü 'mä ‑na 'sa nʋ. ‑Bɛ ‑na 'kpɩkpɩakʋa 'mlɩ nɩ, nʋ 'imɩ 'cɩcasa 'lɩ, 'lɩträäräkʋ 'lɩ nyra 'klɩgägäkʋ 'lɩ.

Jaan 15:8

'Ama tʋ ‑gböösa nɩ, 'anya 'na 'wʋnyɛrɛnyüü bäa. 'Iibä 'na Tʋa 'wliklɩ 'bʋalakʋ.

Ɛfɛsënyüü 5:8

'Jöjrüükpü 'a ma bä, ‑maa 'anya 'a ‑mlatɩ 'napɛ bä 'Pläkänyɔɔ 'lɩ. 'Ii känyrɩ, 'ba nʋ 'napɛa 'jüa 'sa;

1 Piɛɛrë 3:16

'Anyɩ pla 'ana bobowli ‑fre, nyüülü paaa' 'ana bʋbɔnyrɩ 'ana 'cɩcagbili 'a nöa' 'Kriisë 'lɩa ‑gʋ, ‑bɛ 'ü 'daaa' 'amɩ ‑beere ‑balʋnyüü nɩ, 'nyüsü 'mä 'üün 'bla.

1 Piɛɛrë 4:14

Nyüü ma ‑jejre 'amɩ 'Kriisëa ‑gʋ nɩ, i bä 'ana dɔrʋ, 'be ‑Susulu käa' 'bʋalakʋ, Nyɔsʋaa ‑Susu, 'uu bä 'amɩ ‑gälɩ. 'Üa ‑nyɛɛ ‑jejre 'ü ‑jejre 'ɔɔn, ‑maa 'ana në 'pɛlɩ nɩ 'ɔ 'bʋala.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

Titë 3:14

'I 'na 'kä ana nyüü 'kpɩa bɩa 'cɩcagbia nʋnʋkʋ, 'ümä nyüüa ‑gbajijikʋ mlɩbɩa 'ü ‑pɩ ‑beere tuulu 'nyɩ tʋa'.

1 Timotee 6:18

‑Gbala 'üün ü nʋ 'mʋfagbi, ü kä 'cɩcagbi 'kɔkɔmlɛ, abɩa 'üa ‑gbi 'na, 'kä 'ü jö ‑mölöö ‑gba.

2 Korɛɛntënyüü 9:13

‑Bɛ i 'amäa' nʋ nɩ, 'ii ‑gbala nyüü 'sɩrɩ 'a ‑trääräa' 'lɩ Nyɔsʋa 'Kriisëa 'Mʋfagogo 'lɩ 'kä 'kɔkɔmlɛ nya Nyɔsʋa 'bʋala 'ia ‑gʋ, 'kä 'a nyra 'üün, nyra nyüüa 'fɩɔ ‑pääa' 'ana 'bɩɔ, 'ia ‑gʋ.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Ebröönyüü 10:24

A ‑gäglänyiöli amä 'klülɩpapla amä ‑wawla ‑bɛ amä 'cɩcagbi nʋ.

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.

1 Tɛsalonikënyüü 2:12

a 'jraraa' 'ana 'klü, a ‑sɔɔrɔa' 'ana plɛ 'wʋ ‑bɛ a 'paa 'amɩ ‑tɔɔ 'lɩ 'amä 'nyɛ 'sɩrɩ Nyɔsʋa 'bataa'. 'Ɔɔ we 'amɩ 'amä 'ɔa 'kamaplä nyra 'ɔa 'wliklɩbʋabʋakʋa 'mlɩ pa.

1 Piɛɛrë 3:1

'Ŋlëgë 'amɩ, 'ba 'cie 'wʋ 'ana dʋɔɩɩa 'klʋɩ. 'Ia 'taɩn 'lɩ ‑mölöö ma bälɩ üma 'nyɩ ‑träärälɩ nyɔsʋaawii ‑a nɩ, 'ana nʋnʋgbi 'mä 'iin nʋ 'ümä 'lɩ Nyɔsʋa ‑träärä, ‑bakää 'anyɩ 'üün wii ‑gba 'pala.

Akëtë 9:36

'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba.

1 Timotee 5:25

'Cɩcagbiaa 'mʋgbɛ 'nyɩ ‑sisie ‑a ‑sisie; a 'jää 'imɩ. ‑Bɛ ‑mɩlɩ anyɩ 'jäa' 'köklesaplɩɩ nɩ, 'inyɩ ‑wlɛ ‑sisiedii 'lɩ ‑a.

Matiö 5:45

'A nöa' 'saa nɩ, nyüü 'a srara 'sɩrɩ 'a bäa' 'ana Tʋlɔ bäa' cɛlɩ, 'ɔa 'jü; 'be 'ɔ ŋʋala 'ɔa 'jrʋ plɛbʋbɔnyüü nyra 'cɩca nyüüa ‑gälɩ; 'ɔa 'nʋŋlʋ 'dara ü ‑gäa' 'klɩ nyra nyüülü 'nyɩa' 'klɩgä ‑gälɩ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

1 Timotee 5:10

'kä nyüü 'paa 'ɔa 'cɩcagbia ‑gä. Ɔ bä 'ŋlʋʋlɔ 'bʋaa' 'ɔa 'jü, ɔ 'kʋɛɛa' 'lɩ nyɔtugbanyüü, ɔ sua' 'cɛcɩnyüüa bei ‑gba, ɔ jia' ‑sʋɩjänyüü ‑gba, ‑bɛ ɔ nʋa' 'mʋfagbi 'kɔkɔmlɛ.

1 Timotee 2:10

‑Maa abɩa 'ŋlëgë srara 'üa 'nanakʋ 'üa 'cɩcagbia 'mlɩ, 'sɩrɩ 'ŋlëgë ma 'daa 'ü ‑träärä 'lɩ Nyɔsʋa, 'asɩ ü bä 'wʋ.

Galaatënyüü 1:24

'Ia ‑gʋ 'ü 'bʋala Nyɔsʋaa 'nyrɩ.

Titë 3:4

‑Maa 'taɩnlɩ kä 'mlɩ ana 'Lɩmlɩba Nyɔsʋa sraraa' nyüü 'ɔa ‑gbinanakʋ, nyra 'sɩrɩ 'ɔ ‑waa' nyüü,

1 Korɛɛntënyüü 14:25

'kä wiili ‑sisiea' 'ɔa plɛ ‑gälɩ nya ‑fälɩ blö. 'Ia 'taɩn 'lɩ nɩ, 'ɔnya 'klʋɩ ‑tʋtʋ 'wʋ ‑fli 'paa, 'kä 'ɔnya Nyɔsʋa bibie, ‑bɛ 'ɔnya 'daa: «Nyɔsʋa bä 'kasa 'ana ‑tɔrʋpɩɔ.»

Lukë 11:2

'Ɔnya ‑gbala 'üün: «'Ama bibie Nyɔsʋa nɩ, 'ba 'daa: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala; abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

Matiö 9:8

‑Jria 'lɩa nyüü 'jäa' 'imɩ nɩ, 'üa plɛklɩkala ‑bɛ 'ü 'bʋala Nyɔsʋalɔ ‑nyɩa' nyüü 'ia 'samaa 'kamakʋlʋ.

Matiö 23:5

Diili kä 'fɩɔ 'ü nöa', nyüü 'mä ‑gʋ 'üün 'jäjrä. 'Ü kpasra 'üa 'kʋtapra ‑gälɩ nyɔsʋaawii. 'Ü tʋŋlɔ 'üa ‑panëa 'mri ‑gböösa.

Matiö 6:16

«‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Matiö 23:9

Tʋ 'doo 'a kä, 'ɔ bä cɛlɩ; 'ii känyrɩ 'anyɩ were nyɔɔ tʋ ‑pɩ ‑tʋtʋ ‑gälɩ.

Matiö 6:9

«'Ii känyrɩ ‑jäsɩ 'a käa' 'amäa' Nyɔsʋa bibie: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala.