Matiö 5:11 - Kuö Dëdrä Jenɛɛsë Rutë

¹¹ «Abɩa dɔrʋ 'bla 'amɩ nyüü ma ‑jejre 'amɩ, üma nʋ 'amɩ ‑gbi ‑gba, üma 'pa 'ana ‑gʋ bʋbɔwii nyra üma ‑tʋ bɩa 'amɩ ‑gbagblɛ ‑gälɩ 'na ‑gʋ.

Matiö 5:11 Referans Kwoze

1 Piɛɛrë 4:14

Nyüü ma ‑jejre 'amɩ 'Kriisëa ‑gʋ nɩ, i bä 'ana dɔrʋ, 'be ‑Susulu käa' 'bʋalakʋ, Nyɔsʋaa ‑Susu, 'uu bä 'amɩ ‑gälɩ. 'Üa ‑nyɛɛ ‑jejre 'ü ‑jejre 'ɔɔn, ‑maa 'ana në 'pɛlɩ nɩ 'ɔ 'bʋala.

Lukë 21:17

Nyüüa 'fɩɔ nëmä 'amɩ 'nyüamlɩjraa 'na 'nyrɩa ‑gʋ.

Marëkë 13:13

Nyüüa 'fɩɔ nëmä 'amɩ 'nyüamlɩjraa 'na 'nyrɩa ‑gʋ; ‑maa nyɔɔlɔ ‑nëmäa' 'iin 'klɩfɔlɔ, ɔmäa' 'ia bɩarafa 'wʋ 'tɔ nɩ, 'ɔnya 'lɩmlɩwʋa.»

Matiö 24:9

«'A ‑plɩɩ 'ümä 'amɩ nyüü kälɩ 'sara 'amä 'üü ‑sʋɩ kälɩ 'järä 'kä 'ünya 'amɩ 'babla. Nyüülü kä 'fɩɔ 'nyɩa' Nyɔsʋa jre nya 'amɩ 'nyüamlɩjraraa 'na 'nyrɩa ‑gʋ.

Lukë 6:22

«Abɩa dɔrʋ 'bla 'amɩ nyüü ma jrara 'amɩ 'nyüa 'mlɩ, üma 'pala 'amɩ ‑wälɩ, üma ‑jejre 'amɩ, üma bʋblɔ 'ana 'nyrɩ Nyɔɔa 'Jʋa ‑gʋ.

1 Piɛɛrë 2:23

'Ɔɔ 'ü ‑jejreea', 'ɔnyɩ nyɔɔ ‑a ‑jre; 'ɔ 'jääa' ‑sʋɩ nɩ, 'ɔnyɩ nyɔɔ 'crɛ ‑gba ‑a ‑träärä, ‑maa Nyɔsʋalɔ ‑tʋʋäa' ‑gä 'klɩgäsa nɩ, 'ɔɔ ‑nyɩ 'iin kälɩ.

Jaan 15:21

'Na 'nyrɩa ‑gʋ 'ünya 'amɩ 'ia 'fɩɔlʋ ‑gba nʋa, 'be nyɔɔlɔ blɔa' 'mɩ, 'ünyɩ 'ɔɔn jre ‑a jre.

Matiö 10:22

Nyüüa 'fɩɔ nëmä 'amɩ 'nyüamlɩjraraa 'na 'nyrɩa ‑gʋ, ‑maa nyɔɔlɔ ‑nëmäa' 'iin 'klɩfɔlɔ, ɔmäa' 'ia bɩarafa 'wʋ 'tɔ nɩ, 'ɔnya 'lɩmlɩwʋa.

Matiö 10:39

Nyɔɔlɔ 'bataa' 'ɔa 'kläa ‑wälɩtʋtʋkʋ, 'ɔnya 'ään 'mɔlɔa. ‑Maa nyɔɔlɔ 'mɔlɔa' 'ɔa 'klä 'na ‑gʋ nɩ, 'ɔnya 'ään 'jäa.

'Nyügälɩjawii 2:3

‑Jää ‑sʋɩ ‑nya ‑sɔɔrɔwli 'wʋ 'na 'nyrɩa ‑gʋ, ‑nyɩ ‑sɩa ‑a ‑sɩa ‑nya ‑fɛ 'na 'jrʋpa.

Matiö 19:29

‑Bɛ nyɔɔ o nyɔɔ ma ‑gba ‑nyɛɛ 'ɔa nyëka 'kä, 'palɩ 'ɔa ‑wlajü, ‑wlayörü, tʋ, 'yio, 'ŋlʋʋ, 'jü, 'aiɛ 'ɔa papladii, 'kä 'na 'nyrɩklɩa ‑gʋ, 'ɔnya 'iin 'wʋ ‑glʋɩgböö 'wʋ 'järäa, 'kä 'ɔnya 'klälä 'nyɩa' blöröfa kä 'jä.

2 Korɛɛntënyüü 4:11

A bälɩ, ‑maa a 'jää jäjäwʋ 'taɩn a 'fɩɔ 'lɩ Jesua ‑gʋ, 'kä 'ɔa 'klä 'mä bɩa 'wʋcrɛrɛ ana jäjäfugbaa 'mlɩ.

1 Korɛɛntënyüü 4:10

Amɔlɔ nɩ, sakla amɩ 'Kriisëa ‑gʋ, ‑maa 'amɔlɔ nɩ, 'a bä 'Kriisë 'lɩa 'lɩglanyüü. A 'fʋmlakälɩ, ‑maa 'a bäläkälɩ, 'ünyɩ 'dara amɩ nyüü ‑a, ‑maa 'ü ‑träärälɩ 'amɩ.

Rɔmënyüü 8:36

‑Jäsɩ 'i ‑jɩjraa' nyɔsʋapɔɔkʋ 'lɩ: ‑Na ‑gʋ 'ü 'blaa amɩa 'doo; 'ü 'kplaa amɩ ‑beere ‑bablëë 'ümä ‑plɛlɩ 'bö .

Lukë 21:12

«‑Maa 'ia 'fɩɔlʋ ma nëmä 'lɩjrä nɩ, 'ünya 'amɩ 'kplaa, 'ünya 'amɩ juifëa 'sraaplanyukua 'wliklɩa nyüü 'klɩ faa, 'kä 'ünya 'amɩ ‑jie 'lɩ 'pa. 'Na 'nyrɩa ‑gʋ, 'ünya 'amɩ 'kɩɩɩ nyra 'cifu 'klɩ faa.

Lukë 9:24

‑A ‑gbala 'amɩ, nyɔɔ o nyɔɔ 'bataa' 'ɔa 'kläa ‑wälɩtʋtʋkʋ nɩ, 'ɔnya 'ään 'mɔlɔa. ‑Maa nyɔɔ o nyɔɔ 'mɔlɔa' 'ɔa 'klä 'na ‑gʋ nɩ, 'ia nyɔɔlɔa 'klä nya ‑wälɩträäräa.

Marëkë 8:35

‑A ‑gbala 'amɩ, nyɔɔ o nyɔɔ 'bataa' 'ɔa 'kläa ‑wälɩtʋtʋkʋ nɩ, 'ɔnya 'ään 'mɔlɔa. ‑Maa nyɔɔ o nyɔɔ 'mɔlɔa' 'ɔa 'klä 'na ‑gʋ nyra 'mʋfagogoa ‑gʋ nɩ, 'ɔnya 'ɔa 'klä ‑wälɩtʋa.

Matiö 10:25

'I 'na 'kä ‑sukujʋ 'mä 'ɔa 'kpɩkpɩanyɔɔ ja, ‑bɛ 'jrʋpafɛnyɔɔ 'mä bɩa 'ɔa 'kamanyɔɔ ja. ‑Bɛ 'ü werea' nyukukänyɔɔ Bɛlësebuulë nɩ, ‑asɩ 'ü ‑nëmä 'ɔa nyuku ‑wälɩa nyüü ‑jejre le?

Akëtë 9:16

‑Sʋɛlɛ kä 'fɩɔ 'ɔmäa' 'jä 'na 'nyrɩklɩa ‑gʋ nɩ, 'nyaa 'ɔmɩ 'ɛɛn sraraa.»

Marëkë 13:9

«'Amɔlɔ nɩ, 'ba kä 'ia plɛ. 'Ünya 'amɩ tropina 'lɩ faa, 'ünya 'amɩ ‑gbalɛfi ‑gälɩ ‑gbagbaa juifëa 'sraaplanyuku ‑wälɩ. 'Na ‑gʋ, 'ünya 'amɩ 'cifu nyra 'kɩɩɩ 'klɩ faa, wiili 'a jrea' 'amä 'iin 'lɩsa.

Matiö 27:39

‑Sisinyüü ‑gbata 'wli ‑bɛ 'ü ‑jejre 'ɔɔn

Marëkë 4:17

‑maa 'üa plɛ 'nyɩ 'iin 'kpla ‑a 'kpla 'cɩcasa, 'ünyɩ ‑tʋ wii 'nyügba; 'pɩrɩgälɩ nɩ, üma bä ‑sʋɩ 'lɩ, 'aiɛ üma jrara 'üün 'nyüamlɩ nyɔsʋaawiia ‑gʋ nɩ, 'köklesaplɩɩ 'ü 'wʋä nyɔsʋaawii dɛrɩ.

Matiö 10:18

'Ünya 'amɩ ‑gʋmlanyüü nyra 'kɩɩɩ 'klɩ faa 'na ‑gʋ. ‑Bɛ 'üa 'klʋɩ, 'üü ‑bɛ nyüülü 'nyɩa' juifënyüü bä, 'amä 'üün 'cɩcasalä 'a 'järäa' 'mɩ 'lɩ ‑gbala.

Jaan 9:28

'Ünya ‑jejre 'ɔɔn ‑bɛ 'ü nö: «‑Mɔ bä 'ɔa 'wʋnyɛrɛnyɔɔ, ‑maa amɔlɔ nɩ, Moisëa 'wʋnyɛrɛnyüü a bä.

Filipënyüü 1:29

'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ.