Matiö 5:10 - Kuö Dëdrä Jenɛɛsë Rutë

¹⁰ Abɩa dɔrʋ 'bla nyüülü 'ü nöa' ‑gbigba, 'klɩgägbili 'ü nöa' 'ia ‑gʋ; 'üü kä Cɛɩɩa 'kamaplä!

Matiö 5:10 Referans Kwoze

Jaakë 1:12

Abɩa dɔrʋ 'bla nyɔɔlɔ ‑sɔɔrɔa' 'wʋ ‑sʋɩa 'mlɩ. Ɔma 'nyɩ fɔlɔ ‑sʋɩ 'klɩ ‑a nɩ, 'ɔnya 'pɛɛrɛa: 'ɛɛ bä 'klälä 'Pläkänyɔɔ 'daaa' 'ɔmäa' nyüülü ‑waa' 'ɔɔn ‑nyɩ.

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

Matiö 5:3

«Abɩa dɔrʋ 'bla nyüülü kä bobowli bäa' 'pʋa 'lɩ, 'üü kä Cɛɩɩa 'kamaplä!

Lukë 6:22

«Abɩa dɔrʋ 'bla 'amɩ nyüü ma jrara 'amɩ 'nyüa 'mlɩ, üma 'pala 'amɩ ‑wälɩ, üma ‑jejre 'amɩ, üma bʋblɔ 'ana 'nyrɩ Nyɔɔa 'Jʋa ‑gʋ.

2 Timotee 2:12

‑Bɛ ama ‑sɔɔrɔwʋ ‑sʋɩa 'mlɩ nɩ, a nyra 'ɔɔn nya 'kɩɩa 'kamakʋ 'lɩ 'nyɛrɛa. ‑Maa ama sɔ 'ɔɔn dɛrɩ nɩ, 'ɔa 'mʋgbɛ nya amɩ dɛrɩ sɔa.

Filipënyüü 1:28

'Anyɩ 'cɛrɛ 'ana nyüamlɩjraranyüü ‑wälɩ 'ünyɩ ‑guua 'amɩ 'fëflɛsa. 'Ii 'mä 'üün ‑gbala 'sɩrɩ 'ümäa' 'mɔlɔ. 'Ana ‑nyɛɛ nɩ, 'ii ‑gbala 'amɩ 'sɩrɩ 'anya 'a 'lɩmlɩwʋ. Nyɔsʋa ‑gba 'iin.

Lukë 21:12

«‑Maa 'ia 'fɩɔlʋ ma nëmä 'lɩjrä nɩ, 'ünya 'amɩ 'kplaa, 'ünya 'amɩ juifëa 'sraaplanyukua 'wliklɩa nyüü 'klɩ faa, 'kä 'ünya 'amɩ ‑jie 'lɩ 'pa. 'Na 'nyrɩa ‑gʋ, 'ünya 'amɩ 'kɩɩɩ nyra 'cifu 'klɩ faa.

Jaan 15:20

'Ba 'pa waklöölä 'n ‑gbala käa' 'amɩ plɛ: ‹'Jrʋpafɛnyɔɔ 'nyɩ 'ɔa 'kamanyɔɔ 'wʋ ‑a ‑si.› Üma nʋ 'mɩ ‑gbi ‑gba, 'ünya 'amɩ ‑gbi ‑gba nʋa bɩa; üma ‑träärälɩ 'na mlɩa wii, 'ünya 'lɩ 'ana ni ‑trääräa bɩa.

'Nyügälɩjawii 2:10

‑Sʋɩlɩ ‑nëmäa' 'jä 'nyɩ kä ‑mɩ ŋalɛ 'wʋ. Ponyakli. Sataan nya 'amɩ 'traɩn a: 'ɔnya 'ana ‑tɔrʋpɩɔa ‑mölöö 'kplaa kä 'ɔnya 'üün ‑jie 'lɩ 'pa, 'kä 'anya ‑sʋɩ 'jä ‑kpraalɩa jrüü ‑pʋ. ‑Maa ‑sɔɔrɔwʋ ‑bakää 'ünyɩ 'bla ‑mɩ, ‑bɛ 'mä ‑mɩ 'kläa 'wlugbö ‑nyɩ.

2 Timotee 3:11

‑Nya 'jä 'sɩrɩ 'ü nʋa' 'mɩ ‑gbigba, ‑nya 'jä ‑sʋɩlɩ 'n 'järäa' Antiɔɔsë, Ikoniɔɔ nyra Lisëtrë. Jre ‑sʋɩlɩ kä 'fɩɔ 'n 'jäa' ‑maa 'Pläkänyɔɔ 'ba 'mɩ 'ia wiilia 'fɩɔ mlɩ.

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Marëkë 10:30

'ɔnya 'iin 'wʋ ‑glʋɩgböö 'wʋ 'järäa 'taɩnlɩ a kʋa' ‑plɩɩ ‑gälɩ: 'ɔa nyëka, ‑wlajü, ‑wlayörü, 'yioɩɩ, tʋɩɩ, 'jü nyra papladiia ‑glʋɩgböö käa, 'taɩn 'lɩ a kʋa' ‑plɩɩ ‑gälɩ 'ia 'mlɩ; 'ɔnya bɩa ‑sʋɩ 'jäa, 'kä 'ɔnya 'klälä 'nyɩa' blöröfa kä 'jä ‑srɩɩ ‑mɩlɩ bäa' dɛrɩ 'ia 'mlɩ.

Lukë 6:20

Jesu tɛa' 'ɔa 'wʋnyɛrɛnyüü 'klɩ 'ɔ ‑nëma: «Abɩa dɔrʋ 'bla 'amɩ, 'amɔ 'pʋa 'blaaa', 'amɔ kä Nyɔsʋaa 'kamaplä!

Matiö 10:23

«Üma nʋ 'amɩ ‑gbigba bätälä kä 'mlɩ 'a bäa' nɩ, 'ba sɔ 'lɩ, 'ba mi bätä ‑mölööa 'mlɩ; 'cɩcasa 'n ‑gbala 'amɩ: 'a ‑nëmä Israɛɛlëa bätëa 'fɩɔa 'mlɩ ‑srörökʋ ‑a bɩa 'kä Nyɔɔa 'Jʋ nya ji.

1 Jaan 3:12

a ‑pɩ Kaɛɛn a 'sa bä, ɔ bä käa' Plɛbʋbɔsusua 'jʋ, ‑bɛ 'ɔ 'blaa' 'ɔa ‑wlajʋ. Dɛplɛɛ kä ‑gʋ 'ɔ 'bla 'ɔɔn le? Wiili 'ɔ ma nöa' 'i bʋbɔ, ‑bɛ 'ɔa ‑wlajʋ ma kä 'klɩgägbi.

Akëtë 8:1

Sɔɔlë po nyüülü 'blaa' Etiɛɛnë ‑gälɩ. 'A 'ia ‑srɩlɩa 'mlɩ nyüü 'bala Jerusalɛɛmëa 'cɛcɩnyüüa ‑gbigbanʋnʋkʋ ‑gböösa. Nyüüa 'fɩɔ nya ‑gbaala Judee nyra Samariia ‑tʋtʋ ‑gälɩ 'kä. Apotrëa 'doo 'üü 'nyɩ 'kousɔ.

Akëtë 5:40

'Ünya we apotrëlü, 'ünya ‑gbagba 'üün ‑gbalɛfu ‑gälɩ, 'ünya ‑gbala 'üün, 'ü ‑kanyɩ 'pa Jesua ‑gä, 'ünya 'cɛrɛ 'üün ‑wälɩ.

Matiö 19:14

Jesu nya ‑gbala 'üün: «'Ba 'cɛrɛ 'jü ‑wälɩ ü jijrö 'mɩ ‑gba, 'anyɩ kaka 'üün 'klɩ; 'be nyüülü bäa' 'üa 'saa, 'a 'üü kä cɛɩɩa 'kamaplä.»

Marëkë 10:14

Jesu 'jäa' 'iin nɩ, 'ɔnya ‑tʋ 'crɛ 'ɔ ‑nëma: «'Ba 'cɛrɛ 'jü ‑wälɩ ü jijrö 'mɩ ‑gba; 'a 'nɩ kaka 'üün 'klɩ, 'be nyüülü bäa' 'üa 'saa, 'a 'üü kä Nyɔsʋaa 'kamaplä.

Lukë 22:29

'Ia ‑gʋ, 'n ‑nyɛɛ 'amɩ 'kamaplä, 'sɩrɩ 'na Tʋ nʋa' bɩa 'mɩ,

Jaakë 5:11

'A 'ia ‑gʋ a nö: «A dɔrʋ 'bla ü kpʋkplɔa' 'mlɩ.» 'A 'nu 'sɩrɩ Jɔɔbë kpʋkplɔa' 'mlɩ, 'anya 'jä 'sɩrɩ 'Pläkänyɔɔ nʋa' 'ɔa ‑sʋɩa bɩarafa 'wʋ. 'Pläkänyɔɔ 'si ‑wawakʋ nyra nyatɛrɩ 'klɩ.