Matiö 5:1 - Kuö Dëdrä Jenɛɛsë Rutë

¹ Jesu 'jäa' 'sɩrɩ nyüü ‑sümlöa' nɩ, 'ɔnya 'jra 'dʋgba 'wli 'ɔnya kʋwälɩ. 'Ɔa 'wʋnyɛrɛnyüü nya jijrö 'ɔɔn ‑gba.

Matiö 5:1 Referans Kwoze

Marëkë 3:13

Jesu nya 'jra 'dʋgba 'wli, 'ɔnya were 'lɩ 'ɔa 'wʋnyɛrɛnyüü 'ɔ 'bataa', 'ünya mi 'ɔa 'pɛ 'lɩ.

Matiö 15:29

Jesu nya sɔ 'lɩ 'ɔnya mi Galileea 'niea ‑gba. 'Ɔnya 'jra 'dʋgba 'wli, 'ɔnya kʋwälɩ.

Marëkë 4:1

'I ‑sia' nɩ, Jesu 'prɛrɛa' 'nie ‑gba, 'kpɩa 'ɔ 'kpɩa. Nyüü 'kɔkɔmlɛ nya trara 'ɔɔn 'klɩ. 'Üa ‑sümlökʋa ‑gʋ nɩ, 'ɔnya 'wla ‑gɔlʋ 'lɩ 'kä ‑bɛ 'ɔ kʋ 'nie 'klɩ. Nyüülü kä 'fɩɔ jia', 'a ‑plɩɩ 'kɔtʋ 'wli 'ü kɔ kɔ.

Marëkë 3:20

Jesu nyra 'ɔa 'wʋnyɛrɛnyüü nya mi ‑gbööli. Nyüü 'kɔkɔmlɛ nya 'si 'sɔɔwʋ nyuku 'klɩ; 'ü ‑kanyɩ 'taɩn ‑a 'jä 'ümä dɛɛji nyüüa ‑sümlökʋa ‑gʋ.

Matiö 4:25

Nyüülü prɛa' 'ɔɔn dɛrɩ ‑mää 'üa ‑srɩ 'nyɩ ‑pɛ: 'ü sɔ Galileea ‑tʋtʋ ‑gälɩ, 'ü sɔ Dekapɔlë, ‑mölöö nya sɔ Jerusalɛɛmë, Judee nyra Jurëdɛɛn a 'pɛ ‑mɩdee ‑gälɩ.

Matiö 13:2

Nyüü 'kɔkɔmlɛ nya trara 'ɔɔn 'klɩ. 'Üa ‑sümlökʋa ‑gʋ nɩ, 'ɔnya 'jra ‑gɔlʋ 'lɩ 'ɔnya kʋwälɩ, 'a ‑plɩɩ 'kɔtʋmlɩ nyüülü kä 'fɩɔ jia' 'nyüglö.

Matiö 5:2

'Ɔnya ‑tʋ 'lɩ 'üa 'kpɩkpɩakʋ, 'ɔ nɩnɩa:

Lukë 6:12

'A 'ia 'taɩn 'lɩ Jesu 'jra 'dʋgba 'wli 'ɔmä Nyɔsʋa bibie. ‑Gbialä kä 'fɩɔ kaa' Nyɔsʋa 'ɔ bibie.

Lukë 6:17

Jesu nyra 'üün 'sɔ nya 'cie 'dʋgba 'wli, 'ünya ji ‑plɩɩ blaa' 'kä i 'ɔa 'wʋnyɛrɛnyüü 'kɔkɔmlɛ ‑mölöö bäa'. Nyüülü jia' ‑mää 'üa ‑srɩ 'nyɩ ‑pɛ. 'Ü sɔ Jerusalɛɛmë nyra Judeea ‑tʋtʋ ‑gälɩ. ‑Mölöö nya sɔ bɩa Tiirë nyra Sidɔɔn, 'taniea ‑gba. 'Ü jö 'ɔɔn 'nyaklipo, ‑bɛ ‑mölöö ji bɩa 'üa ‑wusua ‑futokʋa ‑gʋ.

Lukë 6:20

Jesu tɛa' 'ɔa 'wʋnyɛrɛnyüü 'klɩ 'ɔ ‑nëma: «Abɩa dɔrʋ 'bla 'amɩ, 'amɔ 'pʋa 'blaaa', 'amɔ kä Nyɔsʋaa 'kamaplä!

Lukë 9:28

Jesu nʋa' 'saa 'ɔ bɩaa' wii 'papakʋ nɩ, jrüü ‑uundoo 'mä ‑si nɩ, 'ɔnya dɔrɔ Piɛɛrë, Jaan nyra Jaakë 'wʋ, 'ɔ nyra 'üün nya mi 'dʋgba 'döö 'wli 'ümä Nyɔsʋa bibie.

Jaan 6:15

‑Bɛ Jesu jrea' 'saa 'ünya 'ɔa 'klɛɛ jia 'ümä 'ɔɔn 'kɩɩ 'lɩnrörö nɩ, 'ɔa 'doo nya 'patä 'ɔnya 'blöö 'dʋgba 'wli dɛrɩ.