Matiö 4:17 - Kuö Dëdrä Jenɛɛsë Rutë

¹⁷ 'A ‑plɩɩ Jesu 'bala nyüüa nyɔsʋaawiia ‑gbapalakʋ. ‑Jäsɩ 'ɔ ‑gbaaa' nɩ: «'Ba toro 'lɩ ‑balʋ ‑gälɩ, 'be Nyɔsʋaa 'kamaplä 'a 'amɩ ‑gbajijrö!»

Matiö 4:17 Referans Kwoze

Matiö 3:2

‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!»

Akëtë 2:38

'Iibäa' Piɛɛrë nɩ: «'Ba toro 'lɩ ‑balʋ ‑gälɩ, ‑moloo ma bälɩ 'kä 'ü 'paa 'ɔɔn 'nɩwli Jesu 'Kriisëa 'nyrɩklɩ, 'ɔa ‑balʋ 'mä 'ɔmɩ cere, ‑bɛ Nyɔsʋa 'mä 'amɩ 'Nyüna ‑Susu ‑nyɩ.

Lukë 5:32

'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»

Lukë 24:47

‑Bɛ kolo Jerusalɛɛmë 'kä, 'ümä ‑tʋtʋ ‑gälɩa nyüüa 'fɩɔ ‑gbala ü torolɩ ‑balʋ ‑gälɩ, ‑bɛ Nyɔsʋa 'mä 'ümɩ 'uun cere.

Akëtë 17:30

'I 'saa' 'klɩ nɩ, Nyɔsʋa 'cere 'ia 'fɩɔ, 'be nyüü 'nyɩ kä wiili 'ü nöa' ‑a jre. ‑Mlatɩ nɩ, 'ɔ ‑gbala ‑pɩɔa 'fɩɔa nyüüa 'fɩɔ 'ü kä 'ümä ‑balʋ 'pie,

Matiö 9:13

'Ba mi 'ba 'bata ‑taa wiili kʋa' ‑pɩa ‑gbaa: ‹Nyatɛplɛ 'n 'bata, ‑maa ‑mää ‑gbɔ 'sasakʋ 'nyɩ 'bata.› 'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»

Akëtë 26:20

Damasëbätäa nyüü ‑kätɩ nyra Jerusalɛɛmëa nyüü 'n 'pala nyɔsʋaawii ‑gba, ‑a mi Judeea ‑tʋtʋ ‑gälɩa 'fɩɔ nyra nyüülü 'nyɩa' juifë bä, 'n ‑gbala 'üün ü toro 'lɩ ‑balʋ ‑gälɩ, ü ‑sie Nyɔsʋaa 'pɛlɩ kälɩ, ü nʋ 'cɩcagbili sraraa' nyüü 'sɩrɩ 'ünya 'a ‑balʋ 'pie.

Lukë 15:7

'Amɔ 'n ‑gbala, 'asɩ dɔrʋ nëmä bɩa cɛa 'mlɩ 'si 'taɩn 'lɩ ‑balʋnyɔɔ 'doo 'doo 'mäa' 'ɔa ‑balʋ 'klɩ 'nyiere ‑bɛ 'ɔmäa' 'ua ‑gʋ fio. Dɔrʋlʋ nya 'bʋaa ‑gböösa 'kä 'unya 'klɩgänyüüa ‑glʋɩmlɔɔ ‑bɛ ‑pʋ ‑bɛ ‑uunmlɔɔlü (99) 'nyɩa' ‑balʋa 'lɩgälɩtorokʋa ‑gä 'lɩbä.

Akëtë 3:19

'Ii känyrɩ 'ba toro 'lɩ ‑balʋ ‑gälɩ 'kä 'a ‑siie Nyɔsʋaa 'pɛlɩ kälɩ 'ana ‑balʋ 'mä kpëträ.

Lukë 15:10

'Amɔ 'n ‑gbala, 'asɩ dɔrʋ nëmä bɩa Nyɔsʋaa 'aanjë 'bla 'taɩn 'lɩ ‑balʋnyɔɔ 'doo 'doo 'mäa' ‑balʋa 'pie ‑bɛ 'ɔmäa' 'uun 'lɩgälɩtoro.»

Akëtë 20:21

'N ‑gbala juifë nyra grɛɛkë ü 'pie 'üa ‑balʋ 'ümä Nyɔsʋa 'lɩträärä, 'ümä ana 'Pläkänyɔɔ Jesu 'Kriisë plɛtoro.

Ebröönyüü 6:1

'A 'ia ‑gʋ a 'kpɩa nyüükpaküa dii; a ‑si cɛtɛ 'kpɩkpɩakʋlʋ 'paaa' 'Kriisëa ‑gä ‑gba. A ‑kanyɩ 'blöö wiili ‑tuaraa' 'lɩa 'mlɩ dɛrɩ, ibäa': 'fëflɛnʋnʋgbia 'lɩgälɩtorokʋa 'kpɩkpɩadii, 'inyɩ ‑gbaa ‑a kä i fala nyüü jäjä mlɩ, nyra Nyɔsʋaa nyɔsʋaplɛtorokʋa 'kpɩkpɩadii.

Akëtë 11:18

'Ü 'nua' wiili Piɛɛrë 'paa' 'wli nɩ, 'ünya trarakä. 'Ünya 'bʋala Nyɔsʋa; 'ü ‑nëma: «‑Ii! Nyɔsʋa ‑nyɩ bɩa nyüülü 'nyɩa' juifë bä 'nyʋfɔ 'ümä 'lɩ 'üa ‑balʋ ‑gälɩtoro ‑bɛ 'ümä 'cɩca 'klä 'jä!»

Matiö 25:1

«Cɛɩɩa 'kamaplä ‑beere 'sɩrɩ 'ŋlëkaplü ‑pʋ dɔrɔa' 'üa 'napu 'wʋ ‑bɛ 'ü mia' nyɔɔlɔ 'tiea' ‑glaaa.

Matiö 13:47

«'Asɩ cɛɩɩa 'kamaplä ‑beere ‑tatalä 'ü bea' 'tanie 'lɩ ‑bɛ ä 'kplaaa' ‑srüa 'kaɩn 'kaɩn.

Matiö 10:7

«‑Plɩɩlɩ kä 'fɩɔ 'a nëmäa' ‑srörö nɩ, 'ba ‑gbala nyüü ‑maa: ‹Cɛɩɩa 'kamaplä 'a 'amɩ ‑gbajijrö.›

Lukë 9:2

'Ɔnya blɔ 'üün, ü mi ü 'pa Nyɔsʋaa 'kamaplä ‑gä, 'kä 'ü ‑futo ‑wusublanyüü.

Matiö 11:12

Sɔrɔ Jaan Batiisëa jrüü ‑gälɩ ‑a ‑tɔɔ 'saarɩ nɩ, nyüü fa Cɛɩɩa 'kamaplä 'klü ‑gba ‑bɛ 'ü käa' 'klü 'üü dɔrʋ 'ään 'wʋ.

Matiö 13:24

Jesu nya ja tapönänä ‑mölöö, 'ɔ nɩnɩa: «Cɛɩɩa 'kamaplä ‑beere 'sɩrɩ nyɔɔ plaa' 'cɩcadii 'ɔa putu 'lɩ.

Matiö 13:9

Nyɔɔlɔ käa' 'nununyakli, ɔ 'nu!»

Matiö 13:11

'Ɔ ‑nëma: «Nyɔsʋa ‑nyɩ 'amɩ 'klü 'amä 'ɔa cɛɩɩa 'kamapläa 'mlɩa ‑sisiewii jre; ‑maa 'ɔnyɩ 'iin nyüü ‑mülü ‑a ‑nyɩ.

Matiö 6:10

Abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

Lukë 3:23

Jesu kä ‑sɩ ‑glʋ ‑sɩ ‑pʋ 'fɩɔwʋ 'ɔnya 'mä 'ɔa 'jrʋpa 'kä ko. Wiili nyüü jrea' nɩ, Josɛɛfëa 'jʋ 'ɔ bä, Eliia Josɛɛfë,