Matiö 4:10 - Kuö Dëdrä Jenɛɛsë Rutë

¹⁰ Jesu nya ‑gbala 'ɔɔn: «Mumlö 'mɩ 'lɩ dɛrɩ, Sataan! 'I ‑jɩjra nyɔsʋapɔɔkʋa 'mlɩ ‑maa: ‹'Pläkänyɔɔ, ‑na Nyɔsʋa, 'ɔa 'dooa 'klʋɩ ‑nëmä kotifli 'pala, 'ɔa 'doo ‑nëmä ‑pʋpʋa.› »

Matiö 4:10 Referans Kwoze

Lukë 4:8

Jesu nya ‑gbala 'ɔɔn: «Mumlö 'mɩ 'lɩ dɛrɩ, Sataan! 'I ‑jɩjra nyɔsʋapɔɔkʋa 'mlɩ ‑maa: ‹'Pläkänyɔɔ, ‑na Nyɔsʋa, 'ɔa 'dooa 'klʋɩ ‑nëmä kotifli 'pala, 'ɔa 'doo ‑nëmä ‑pʋpʋa.› »

Jaakë 4:7

'Ii känyrɩ, 'ba ‑träärälɩ Nyɔsʋa. 'A 'nɩ ‑nyɩ Sataan 'casɩ, 'ɔmä 'amɩ 'klɩfɔlɔ.

1 Piɛɛrë 5:9

'Anyɩ ‑nyɩ 'ɔɔn 'casɩ, 'ba ‑sɔɔrɔ 'ana nyɔsʋaplɛtorokʋ 'wʋ, 'be 'ana ‑wlajü ‑mülü bäa' 'pläa 'fɩɔa 'mlɩ 'jää bɩa ‑sʋɩ ‑beere 'amɔ.

Matiö 16:23

Jesu nya ‑siekälɩ 'ɔnya ‑gbala Piɛɛrë: «Tʋŋlɔ 'mɩ 'lɩdɛrɩ, Sataan! 'Mɔɔ ‑ji bɔʋdɛrɩ 'pa! Wiili ‑klaaa' ‑plɩɩ, nyüüa ni ‑klaaa, ‑maa ‑mää Nyɔsʋaa ni ‑nyɩ 'klaa!»

Marëkë 1:13

'Ɔ ‑si ‑aaga 'lɩ jrüüa ‑glʋɩsɔɔ; 'ii Sataan 'traɩn 'ɔɔn. 'Klʋɛɛa mlaa ‑tɔrʋpɩɔ 'ɔ ma kʋ. 'Aanjëɩɩ ma kälä 'ɔa wii ‑gba.

Lukë 10:18

'Ɔnya ‑gbala 'üün: «'N 'jä Sataan ‑bɛ 'ɔ sɔ cɛlɩ 'ɔ blö ‑beere ‑mamɛɛ.

Lukë 11:18

Sataan nyra Sataan ma 'bölötɩa nɩ, ‑asɩ 'ɔa 'plä nya ‑wɩara le? 'Be 'a nɩnɩa ‑maa Bɛlësebuulë 'ɔ ‑nyɛɛ 'mɩ 'klü ‑bɛ 'n prɛ domüü o!

Lukë 13:16

‑Maa 'ŋlʋʋlɔ kʋa' ‑pɩ, Abraamëa ‑glügböyrialɔ, ɔ Sataan kpasaa' ‑kpraalɩa ‑sɩ ‑pʋ ‑sɩ ‑uuntää nɩ, 'ɔɔ ‑nëmä ‑jejro ‑fʋflʋpasrɩ 'lɩ?»

Lukë 22:3

Sataan nya 'cere Judaalɔ 'ü 'daraa' Isëkario ‑gälɩ, nyüüpʋnyüüsɔɔa ‑tɔrʋpɩɔanyɔɔ 'ɔ bä.

Lukë 22:31

'Pläkänyɔɔ ‑nëma: «Simɔɔ, Simɔɔ, ‑tre ‑na nyufa: Sataan 'a 'nyʋfɔ 'bete 'ɔmä 'amɩ 'kädögökalɩ ji ‑beere ‑bleee 'ü 'sasragba.

Jaan 13:27

'Flɔɔ klöölä blöa' 'ɔɔn kälɩ dotro, Sataan nya 'cere 'ɔɔn ‑gälɩ. Jesu nya ‑gbala 'ɔɔn: «Dɛɛlɛ ‑nëmäa' nʋ, 'sosowʋ ‑a ‑nʋ 'ɛmɩ.»

Akëtë 5:3

Piɛɛrë nya ‑gbala 'ɔɔn: «Ananiasë, dɛplɛɛ kä ‑gʋ ‑cɛɛrɛ Sataan ‑wälɩ ‑bɛ 'ɔ fa ‑na plɛ le? 'Nyüna ‑Susu ‑saara ‑gbagblɛ ‑nya ‑tʋ putulu ‑paaa' 'perua möliia 'pɛ 'dee ‑wälɩ.

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

1 Korɛɛntënyüü 5:5

'Ba 'sara 'ia 'sama nyɔɔlɔ Sataan kälɩ, 'ɔa 'jajɛ 'mä bʋblɔ, ‑bɛ 'ɔa ‑susu 'mä 'lɩmlɩwʋ 'Pläkänyɔɔ Jesua ‑srɩ 'lɩ.

1 Korɛɛntënyüü 7:5

‑Moloo 'nyɩ blara ‑moloo 'klɩ ima 'nyɩ su nyra nyɔsʋabibiekʋa ‑gʋa 'doo ‑a bä, ‑maa 'ba 'nönröwli ‑kätɩ. ‑Maa ima ‑si nɩ, 'ba 'blöödɛrɩ, Sataan ‑pɩ 'amɩ 'traɩn 'ama 'nyɩ 'ana plɛ ‑a 'kpla.

2 Korɛɛntënyüü 2:11

Sataan ‑pɩ amɩ ‑trɔɔrɔ, 'ia ‑gʋ 'n nö 'imɩ; 'be a jre 'tasɩrɩ dɛɛlɛ 'ɔ 'bataa'.

2 Korɛɛntënyüü 11:14

‑Maa 'inyɩ plɛklɩkalawii ‑a bä, 'be Sataan a 'mʋgbɛ nrörö 'ɔa nyufa pöplö 'aanjë 'lɩ ‑o.

2 Korɛɛntënyüü 12:7

Wiili Nyɔsʋa sraraa' 'mɩ ibäa' plɛklɩkalawii nɩ, 'ɔ ‑tʋ 'mɩ ‑sʋɩ 'doo ‑gälɩ ‑beere 'büti 'järä 'na fugba ‑sʋɩ 'lɩ 'nyɩ ‑pɩ ‑gʋ 'lɩgba. Sataan kälɩ 'ɛ sɔ; 'ɔɔ Nyɔsʋa ‑tʋ 'lɩ 'ɔmä 'mɩ ‑sʋɩ 'lɩ tʋ 'nyɩ ‑pɩ 'lɩgba.