Matiö 3:7 - Kuö Dëdrä Jenɛɛsë Rutë

⁷ Jaan jrea' 'saa Farisinyüü nyra Sadusinyüü 'kɔkɔmlɛ ma jö 'ɔa ‑nyɛɛ 'ɔmä 'üün 'nɩwlipa nɩ, 'ɔnya ‑gbala 'üün: «'Mëmlɛtapaa 'jü 'amɩ, nyɔɔ 'plɛɛ srara 'amɩ Nyɔsʋaa 'crɛlɛ jöa', 'ɛa 'klɩfɔlɔkʋ le?

Matiö 3:7 Referans Kwoze

Matiö 12:34

'Mëmlɛtapaa ‑glügbö 'a bä! ‑Asɩ 'ana polu bʋbɔ ‑bɛ 'a 'paa 'mʋfa wii le? 'Be wii ma nyaa' plɛklɩ 'si, 'a ‑plɩɩ 'mä 'paa wii ‑o.

1 Tɛsalonikënyüü 1:10

‑Bɛ 'a jia' 'ɔa 'Jʋlɔ 'mäa' cɛlɩ sɔ ‑glaa, 'ɔa 'Jʋ Jesu 'ɔ 'baa' jäjänyüüa ‑tɔrʋpɩɔ, 'ɔɔ 'baa amɩ 'crɛlɛ jöa' mlɩ.

Rɔmënyüü 1:18

‑A ‑gbala 'amɩ, 'bala cɛlɩ Nyɔsʋa srara amɩ 'sɩrɩ 'crɛ 'blaaa' 'ɔɔn: nyüü 'nyɩ 'ba 'ɔɔn nyɔɔ 'wʋ ‑a 'plɔʋ, 'ü nö ‑balʋgbia 'fɩɔ. 'A 'üa ‑balʋgbili 'ü nö ‑bɛ 'ü kakla 'cɩcasa ‑fʋflʋ 'klɩ.

Matiö 23:33

Trii 'amɩ! 'Mëmlɛtapaa 'jü 'amɩ! ‑Asɩ 'anya kapulu 'nyɩ 'nyrɔlɔa' 'plɔʋ mlɩ sɔ le?

Rɔmënyüü 5:9

‑Plɩɩ 'i ‑sia' ‑bɛ Nyɔsʋa 'daaa' a bä 'klɩgänyüü 'ɔa ‑torua ‑gʋ nɩ, ‑asɩ 'Kriisë ‑nëmä bɩa amɩ Nyɔsʋaa 'crɛ mlɩ 'ba le?

Matiö 22:23

'Ia ‑srɩlɩa 'mlɩ nɩ, Sadusinyüülü 'daaa' ‑maa nyɔɔ ma jä 'ɔ ‑kanyɩ sɔ 'kuaabre ‑a nɩ, 'ünya jijrö Jesu ‑gba 'ünya 'bete 'ɔɔn:

Matiö 16:6

Jesu nya ‑gbala 'üün: «'Amɔ 'n ‑gbala! 'Ba ‑tre 'ana nyüfë Farisinyüü nyra Sadusinyüüa levurëa ‑gʋ!»

1 Jaan 3:10

‑Jää 'sɩ 'ü jrea' Nyɔsʋaa 'jü nyra Sataan a 'jü: nyɔɔ o nyɔɔ 'nyɩa' 'klɩgä, 'aiɛ ɔnyɩa' 'ɔa ‑wlajʋ ‑wa nɩ, 'ɔnyɩ Nyɔsʋaa 'jʋ ‑a bä.

Jaan 9:40

Farisinyüü 'doorodoolü nyra 'ɔɔn bä ɩa' ‑plɩɩ 'nua' 'iin 'wli 'ünya 'bete 'ɔɔn: «A 'nɔɔ bɩaa?»

Ebröönyüü 11:7

Noea nyɔsʋaplɛtorokʋa ‑gʋ 'ɔ ko 'mɩɩ 'ɔmä 'ɔa ‑gbööö 'lɩmlɩba. Wiili nëmäa' 'lɩjrä ‑bɛ 'i blöa' ‑fälɩ 'ɔa 'nyü ‑gälɩ nɩ, 'ɔ 'dara 'iin wii ‑bɛ 'i ‑kaaŋlʋ 'lɩjrä. 'Ɔa nyɔsʋaplɛtorokʋa ‑gʋ, 'ɔ srara 'sɩrɩ Nyɔsʋa 'mäa' 'pläa ‑gä ‑tʋ. 'A 'ɔa nyɔsʋaplɛtorokʋa ‑gʋ Nyɔsʋa ‑nyɩ 'ɔɔn 'klɩgänyɔɔ, 'iibä 'ɔa ‑jaaa.

Akëtë 26:5

'Ü jrea' 'mɩ ‑mää 'saarɩ ‑a, üma ‑wa 'ünya ‑mɩ ‑gbalaa 'sɩrɩ 'n bäa' 'lɩklacɛcɩlɛ 'üü 'daraa' Farisinyüü, 'üa ‑tɔrʋpɩɔa nyɔɔ 'n bä.

Akëtë 20:31

'Ii känyrɩ 'ba tɛkä 'cɩcasa, 'ba jre 'sa 'n ‑si ‑sɩ tää ‑srɩ ‑bɛ ‑gbia 'nyɩ 'nyüglö ‑a 'nyüglö, 'n 'wuö ‑bɛ 'n ‑gbala 'amɩ wiili Nyɔsʋa 'bataa'.

Akëtë 15:5

‑Maa Farisinyüü ‑mölöö ü toroa' Jesu plɛ nya sɔwʋ, 'ü ‑nëma nyüülü 'nyɩa' juifë bä kä 'ümä 'bölö ‑bɛ 'ümä bɩa 'lɩ Moisëa ‑dɔ ‑träärä.

Akëtë 5:17

‑Gbɔsapɛrɩnyɔɔ kpakö nyra nyüülü kä 'fɩɔ bäa' 'ɔɔn dɛrɩ, ü 'ü 'daraa' Sadusinyüüa ‑glügbünyüü nɩ, wasä 'si 'üün 'klɩ, 'ünya sɔwʋ.

Jaan 8:44

'Amɔlɔ nɩ, 'ana tʋ bä Sataan. Wiili 'ana tʋ 'bataa' 'ii 'a 'bata 'amä nʋ. 'Bala 'pläa 'käkolofa 'wʋ 'ɔ bä nyüüblanyɔɔ, 'ɔnyɩ 'salɩ 'cɩcasa ‑a, 'cɩcasa 'nyɩ 'ɔɔn 'lɩ ‑a bä. Ɔma 'salɩ 'ɔa plɛ 'klɩa wii, 'ia 'fɩɔ bä ‑gbagblɛ. ‑Gbagblɛkänyɔɔ 'ɔ bä, ‑bɛ 'ɔ bä ‑gbagblɛa tʋ.

Jaan 1:24

Nyüülü 'ü blɔa' nɩ, Farisinyüü bäsaa.

Lukë 18:11

Farisinyɔɔlɔ nya 'nyüglö ‑bɛ 'ɔ bibrie Nyɔsʋa 'ɔa plɛklɩ 'ɔ ‑nëma: ‹Nyɔsʋa, 'n 'trɛɛ ‑mɩ 'sɩrɩ 'nyɩa' nyüü ‑mölöö, ü 'jiea', ünyɩa' 'klɩgä, ü 'paaa' bätësa ‑a 'sa bä. 'N 'trɛɛ ‑mɩ ‑gböösa 'sɩrɩ 'nyɩa' ‑taa dapookälɩpɛrɛnyɔɔlɔa 'sa bä.

Lukë 16:14

‑Bɛ Farisinyüü po wiili kä 'fɩɔ Jesu 'paaa' 'nyakli, ‑bɛ 'ü srörö 'ɔɔn, 'be 'ü ‑wa mölii.

Lukë 7:30

‑Maa Farisinyüü nyra ‑dɔkpɩanyüü 'nyɩ wiili Nyɔsʋa 'bataa' 'üa ‑gʋ 'klɩ ‑a 'nyiere, 'ia ‑gʋ 'ünyɩ 'nyie 'ɔmä 'üün 'nɩwlipa.

Marëkë 12:18

Sadusinyüülü 'daaa' ‑maa nyɔɔ ma jä 'ɔ ‑kanyɩ sɔ 'kuaabre ‑a nɩ, 'ünya jijrö Jesu ‑gba, 'ünya 'bete 'ɔɔn:

Marëkë 12:13

'Ünya blɔ 'ɔɔn Farisinyüü 'doorodoo nyra Erɔɔdëa nyüü 'doorodoo dɛrɩ 'ümä 'ɔa 'papawii kälɩ ‑srörö 'ümä 'ɔɔn 'kpla.

Marëkë 8:15

Jesu nya 'pa 'üün ‑tɔɔɔ 'lɩ: «'Ba ‑tre 'ana nyüfë Farisinyüü nyra Erɔɔdëa levurëa ‑gʋ.»

Matiö 22:34

Farisinyüü 'nua' 'sɩrɩ Jesu kalaa' Sadusinyüüa 'më nɩ, 'ünya trara.

Matiö 22:15

Farisinyüü nya mi 'ünya pla 'ɔa 'kpɛɛ 'sɩrɩ 'ümäa' 'ɔa 'papawii kälɩ ‑srörö ‑bɛ 'ümä 'ɔɔn 'kpla.

Matiö 12:24

‑Maa Farisinyüülü 'nua' 'iin 'wli, 'ü ‑nëma: «‑Taa nyɔɔlɔ, domüüa 'cifi Bɛlësebuulë 'ɔ ‑srörö kälɩ ‑bɛ 'ɔ prɛ domüü.»

Matiö 5:20

«'Amɔ 'n ‑gbala, 'ana 'klɩgägäkʋ ma 'nyɩ Farisinyüü nyra ‑dɔkpɩanyüü 'wʋ ‑a ‑si, 'a ‑nëmä Cɛɩɩa 'kamapläa 'mlɩ ‑a pa 'plɔʋ.

Jenɛɛsë 3:15

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

Ebröönyüü 6:18

'A 'ia dii 'sɔɔlüa ‑gʋ, i kä 'mlɩ Nyɔsʋa 'nyɩa' 'lɩbɩa 'ɔmäa' ‑gbagblɛ kä nɩ, ama 'jä 'iin 'i 'jrara ana 'klü ‑gböösa, amɔlɔ fɔlɔa' plɛgälɩpiepiekʋlʋ 'ɔ ‑tʋa' ana 'klɔɔtrʋ dɛrɩ.

Matiö 15:12

'Ii känyrɩ 'ɔa 'wʋnyɛrɛnyüü nya jijrö 'ɔɔn ‑gba, 'ü ‑nëma: «‑Tʋ ‑plɩɩ Farisinyüü 'nyü ‑gba? 'Ü 'nua' wiili ‑paa' 'wli nɩ, 'i pa 'üün ‑gba ‑gböösa?»

Matiö 16:1

Farisinyüü nyra Sadusinyüü nya ji Jesu bɔʋdɛrɩ 'pa. 'Ü ‑gbala 'ɔɔn ɔ srara 'üün ‑saragbia tielɛ sɔa' cɛlɩ.