Matiö 27:54 - Kuö Dëdrä Jenɛɛsë Rutë

⁵⁴ 'Sʋgɩakamanyɔɔ nyra ‑mülü ‑glaara ɩa' Jesu ‑gälɩ 'jäa' ‑tʋtʋa tɩtrɛdɛɛ nyra wiilia 'fɩɔ ‑sia' nɩ, ŋalɛ nya 'blaa 'üün ‑gböösa. 'Ü ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

Matiö 27:54 Referans Kwoze

Marëkë 15:39

'Sʋgɩakamanyɔɔlɔ bä ɩa' ‑plɩɩ 'jäa' 'sɩrɩ Jesu 'kpöa' ‑bɛ 'sɩrɩ 'ɔ nʋa' ‑fʋflʋa 'lɩbadɛɛ nɩ, 'ɔ ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

Matiö 27:36

'Ünya kʋwälɩ ‑bɛ 'ü ‑gäälä 'ɔɔn 'nyiöli.

Matiö 27:43

'Ɔ ‑nyɩ 'ɔa nyufa Nyɔsʋa kälɩ, abɩa Nyɔsʋa 'balɩ 'ɔɔn mlɩ ɔma ‑wa 'ɔɔn! 'Be 'ɔɔ ma nö: ‹'Mɔɔ bä Nyɔsʋaa 'Jʋ.› »

Akëtë 27:43

‑Maa 'sʋgɩaa 'kamanyɔɔ 'nyie 'Pɔɔlë 'mä 'lɩmlɩwʋ, 'ia ‑gʋ 'ɔnyɩ 'nyie ‑a 'nyie: 'ɔnya ‑gbala nyüülü jrea' 'nie, 'ü 'pa 'nɩdari 'ümä 'kɔtʋmlɩ mi.

Akëtë 27:1

'Taɩn 'lɩ 'ü 'daaa' ‑maa 'mɩɩ amä fa amä Italii mi nɩ, 'ünya ‑nyɩ 'Pɔɔlë nyra ‑jienyüü ‑mölöö 'sʋgɩaa 'kamanyɔɔ 'doo kälɩ, 'ɔɔ 'ü 'daraa' Juliusë. 'Ɔ 'kama 'kɩɩ kpakö Sesaa 'sʋgɩanyüü ‑mölöö.

Akëtë 23:23

'Kamanyɔɔ nya we 'ɔa 'sʋgɩaa 'kamanyüüa ‑tɔrʋpɩɔa 'cifu 'sɔɔ, 'ɔ ‑nëma: «'Ba 'papla 'sʋgɩaa ‑glʋɩpʋ (200) ‑gba nyra 'sʋgɩalë kʋäa' ‑sɩ ‑gälɩ, 'üa ‑glʋɩtää ‑bɛ ‑pʋ, nyra ‑mülü 'paaa' 'die, 'üa ‑glʋɩpʋ, 'ümä Sesareebätä mi ‑gbiaraa ‑gliiibei ‑uumlɔɔ 'lɩ.

Akëtë 21:32

'Köklesaplɩɩ 'ɔnya 'papla 'ɔa 'sʋgɩa nyra 'üa 'cifu ‑gba 'ünya fɔ 'ünya ji 'lɩ. Nyüülü 'jäa' 'kamanyɔɔlɔ nyra 'sʋgɩa nɩ, 'ünya 'nyüglö 'Pɔɔlëa bɔtɔkʋ.

Matiö 8:5

Jesu paa' Kapɛrënaumëbätä nɩ, 'sʋgɩanyɔɔ kpakö nya 'jrara 'ɔɔn 'klɩ, 'ɔnya bibie 'ɔɔn

Matiö 4:3

'Traɩnyɔɔ Sataan nya jijrö 'ɔɔn ‑gba 'ɔnya ‑gbala 'ɔɔn ‑maa: «‑Ama bä Nyɔsʋaa 'Jʋ nɩ, 'pala 'täkëlë kʋa' ‑pɩ wii ‑gba 'ümä 'flɔɔ 'lɩ 'cicri.»

'Nyügälɩjawii 11:13

'A ‑plɩɩ ‑tʋtʋ kʋ 'unya tɩtrɛ ‑gböösa. Bätäa 'lɩböblökʋa ‑pʋa 'pɛ 'dee nya ‑gblooo, nyüüa ‑diipʋ ‑dii ‑uunsɔɔ ‑glʋɩpʋ (7 000) järä 'ia 'mlɩ. Ŋalɛ nya 'bla ‑gböösa ‑mülü tɩɔa' 'lɩ, ‑bɛ 'ü 'bʋala Nyɔsʋalɔ bäa' cɛlɩ.

Rɔmënyüü 1:4

‑Maa Nyɔsʋa 'baa' 'ɔɔn 'kuaabre nɩ, 'Nyüna ‑Susu nya srara 'ɔɔn 'sɩrɩ 'ɔ bäa' Nyɔsʋaa 'Jʋlɔ käa' 'klü, 'sɩrɩ 'ɔ bäa' Jesu 'Kriisë ana 'Pläkänyɔɔ.

Akëtë 23:17

'Pɔɔlë nya we 'sʋgɩanyüüa 'cifi 'doo, 'ɔnya ‑gbala 'ɔɔn: «Fala 'jʋlɔ kʋa' ‑pɩ 'kamanyɔɔa ‑nyɛɛ, bälɩ 'ɔmä 'ɔɔn ‑gbala.»

Akëtë 10:1

Nyɔɔ 'doo ma bä kä Sesareebätä 'ɔɔ 'ü 'dara Kɔrënɛɛyë. 'Ɔ ma 'kama 'sʋgɩanyüü ‑glügbölä 'ü 'daraa' «Italiia 'sʋgɩa».

Akëtë 2:37

'Ü 'nua' wiili 'ɔ 'paa' 'wli nɩ, 'i pa 'üün ‑gba. 'Ünya 'bete Piɛɛrë nyra apotrë ‑mülü: «‑Wlajü 'amɩ, ‑asɩ anya nʋ le?»

Jaan 19:7

'Iibäa' juifë nɩ: «A kä ‑dɔ. Ana ‑dɔ nɩnɩa 'ɔ kä 'ɔmä jä, dɛɛlɛ kä ‑gʋ 'ɔ 'daraa' 'ɔa nyufa Nyɔsʋaa 'Jʋ.»

Lukë 22:70

Nyüüa 'fɩɔ ‑nëma: «‑Mɔ bä Nyɔsʋa 'Jʋ?» 'Ɔ ‑nëma: «'Ana 'mʋgbɛ 'a nɩnɩa, 'ɔɔ 'n bä.»

Matiö 27:40

‑bɛ 'ü nö: «‑Mɔ ‑gbloooa' Nyɔsʋaanyuku kpaku ‑bɛ ɔ 'paa' 'uun jrüü tääa 'mlɩ nɩ, ‑ama bä Nyɔsʋaa 'Jʋ nɩ, 'balɩ ‑na nyufa mlɩ, 'kä ‑ciie krʋa ‑gälɩ!»

Matiö 26:63

‑Maa Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «'Lɩbä Nyɔsʋaa 'nyrɩklɩa ‑gʋ, ‑gbala 'mɩ! ‑Mɔ bä 'Kriisë, Nyɔsʋaa 'Jʋ?»

Matiö 27:51

'A ‑plɩɩ dɔʋlʋ pösö ɩa' Nyɔsʋaanyuku kpaku ‑wälɩ ‑gaalalɩ ‑plou, kolo 'ua 'wlugba 'kä ‑a ‑tɔɔ 'lɩ ‑wälɩ. ‑Tʋtʋ tɩtrɛ, 'täkë ‑gaglalɩ.