Matiö 27:4 - Kuö Dëdrä Jenɛɛsë Rutë

⁴ 'Ɔnya ‑gbala 'üün ‑maa: «‑Balʋ 'n nʋ, 'nyaa 'sara nyɔɔlɔ 'nyɩa' dɛɛ nʋ jäjä kälɩ!» 'Iibäa' nyüülü nɩ: «‑Mää ana ‑gbʋʋ ‑a. ‑Na wii bäsaa!»

Matiö 27:4 Referans Kwoze

1 Jaan 3:12

a ‑pɩ Kaɛɛn a 'sa bä, ɔ bä käa' Plɛbʋbɔsusua 'jʋ, ‑bɛ 'ɔ 'blaa' 'ɔa ‑wlajʋ. Dɛplɛɛ kä ‑gʋ 'ɔ 'bla 'ɔɔn le? Wiili 'ɔ ma nöa' 'i bʋbɔ, ‑bɛ 'ɔa ‑wlajʋ ma kä 'klɩgägbi.

1 Piɛɛrë 1:19

'Kriisëa ‑torulu käa' ‑gböösa ‑gba, 'uu 'ɔ nʋ. Jesu ‑beere kä ‑bablëëjʋ 'nyɩa' bʋbɔdɛɛ ‑gba kä, ɔ kä ‑gba 'nyɩa' 'kpafa bä.

Ebröönyüü 7:26

'A 'samaa 'nyüna ‑gbɔsapɛrɩnyɔɔ kpakö a 'bata, 'ɔ ‑kaapɩɔ bʋbɔgbi nʋ; 'ɔ ‑kaapɩɔ ‑balʋ nʋ, 'ɔnya sɔ ‑balʋnyüü dɛrɩ, Nyɔsʋa nya 'jrara 'ɔɔn cɛɩɩa 'wliklɩ.

Titë 1:16

'Ü nɩnɩa 'ü jre Nyɔsʋa, ‑maa wiili 'ü nöa', 'i ‑gbala nyüü 'sɩrɩ 'i bäa' ‑gbagblɛ, 'ü bä cacɩ 'wʋ, 'ünyɩ ‑träärälɩ Nyɔsʋa ‑a ‑bɛ 'ünyɩ 'nɩmɩ 'lɩ ‑a bɩa ü nʋ 'cɩcadɛɛ 'dee.

1 Timotee 4:2

‑Glagälɩsrörönyüüa ‑gbagblɛ 'kpɩkpɩakʋ nëmä 'üa plɛ fa. 'Ünyɩ ŋalɛ ‑a kä 'ümä ‑balʋ nʋ, ‑beere 'sɩrɩ dete fumölu 'pütöa' nyɔɔ ‑bɛ 'ɔnyɩ 'jäa' 'ɛa mɩmɩakʋ.

Rɔmënyüü 3:19

‑Bɛ a jre 'iin 'sɩrɩ wiili kä 'fɩɔ ‑dɔ 'paaa' nɩ, nyüülü kä 'fɩɔ bäa' ‑dɔ ‑wälɩ 'üü 'u 'daa, nyüüa 'më 'mä blörö ‑bɛ 'pläa 'fɩɔ ‑pɩ ‑gä kä Nyɔsʋaa 'klɔɔtrʋ.

Akëtë 13:28

‑Bɛ wiili kä ‑gʋ 'ümäa' 'ɔɔn 'pɔnɩ 'inyɩ 'lɩ ‑a bä, ‑maa 'asɩɛ 'ünya ‑gbala Pilatë 'ɔ 'sa 'ɔɔn 'ümä 'ɔɔn 'bla.

Jaan 19:7

'Iibäa' juifë nɩ: «A kä ‑dɔ. Ana ‑dɔ nɩnɩa 'ɔ kä 'ɔmä jä, dɛɛlɛ kä ‑gʋ 'ɔ 'daraa' 'ɔa nyufa Nyɔsʋaa 'Jʋ.»

Lukë 23:47

'Sʋgɩakamanyɔɔ 'jäa' wiili nröröa' nɩ, Nyɔsʋa 'ɔ 'bʋala; 'ɔ ‑nëma: «'Cɩcasa, nyɔɔlɔ kʋa' ‑pɩ 'ɔ ‑gä ɩ 'klɩ.»

Lukë 23:41

Ana nɩlɩ nɩ, 'ü kä ‑gä 'ümä amɩ 'pɔnɩ, 'be wiili a nʋa' 'ia 'pɛɛ bäsaa. ‑Maa ‑taa nyɔɔlɔ nɩ, 'ɔnyɩ ‑balʋ ‑a nʋ.»

Lukë 23:22

'Ɔnya 'bete 'üün tääfawʋ: «Bʋbɔgbi 'plɛɛ 'ɔ nʋ le? 'Nyɩ 'jä dɛɛlɛ 'ɔ nʋa' i kä ‑gʋ 'ɔmäa' 'blara 'wʋ ‑a. 'Ii känyrɩ nɩ, 'sɛpɛ 'mä 'ɔɔn 'sɛpɛ ‑bɛ 'mä 'ɔɔn ‑wälɩ 'cɛrɛ.»

Matiö 27:54

'Sʋgɩakamanyɔɔ nyra ‑mülü ‑glaara ɩa' Jesu ‑gälɩ 'jäa' ‑tʋtʋa tɩtrɛdɛɛ nyra wiilia 'fɩɔ ‑sia' nɩ, ŋalɛ nya 'blaa 'üün ‑gböösa. 'Ü ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

Matiö 27:19

'Ɔ ‑ka ‑tʋʋä ɩ ‑gä ‑bɛ 'ɔa 'ŋlʋʋ blɔ nyɔɔ 'doo, ɔ ji ɔ ‑gbala 'ɔɔn: «Nyɔɔlɔ kʋa' ‑pɩa ‑gʋ sanyülü 'n saa' sɩara 'mɩ 'saarɩ; 'ii känyrɩ ‑nyɩ blö 'ɔa wii 'lɩ, 'ɔnyɩ dɛɛ ‑a nʋ.»

'Nyügälɩjawii 11:10

'Üa 'sɔɔlüa jäjäkʋ nya ‑tʋtʋ ‑gälɩa nyüü dɔrʋ 'wʋ käa. 'Ünya ‑glɩsɩglɩsɩ nʋa, 'ünya dii 'lɩ ‑nyɛnyrɛa 'be nyɔsʋaamlɩpalanyüü 'sɔɔlü nʋ ɩa' ‑tʋtʋ ‑gälɩa nyüü ‑gbigba ‑kanyɩ 'lɩ ‑a bä.