Matiö 27:24 - Kuö Dëdrä Jenɛɛsë Rutë

²⁴ Pilatë jrea' 'saa 'ɔnyɩ 'lɩ ‑a bɩa ɔ nʋ dɛɛ, ‑bɛ ‑jria nëmäa' 'lɩcakla nɩ, 'ɔnya dɔrɔ 'nɩ 'wʋ 'üa 'klʋɩ 'ɔnya su 'ɔa wlu. 'Ɔnya ‑gbala 'üün ‑maa: «'Klɩgänyɔɔlɔ kʋa' ‑pɩa ‑toru 'nyɩ 'na kälɩ ‑a bä. 'Ana wii 'i bä!»

Matiö 27:24 Referans Kwoze

Matiö 27:4

'Ɔnya ‑gbala 'üün ‑maa: «‑Balʋ 'n nʋ, 'nyaa 'sara nyɔɔlɔ 'nyɩa' dɛɛ nʋ jäjä kälɩ!» 'Iibäa' nyüülü nɩ: «‑Mää ana ‑gbʋʋ ‑a. ‑Na wii bäsaa!»

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

Matiö 26:5

'Ü ‑nëma: «Anyɩ kä ‑a kä amä 'iin nʋ ‑glɩsɩglɩsɩa ‑srɩ 'lɩ, nyüü ‑pɩ ‑gbata.»

Akëtë 3:14

'A sɔ nyɔɔlɔ bäa' 'Nyünanyɔɔ dɛrɩ, ɔ bäa' 'Klɩgänyɔɔ. 'Anya 'daa abɩa Pilatë 'cɛrɛ nyüüblanyɔɔ ‑wälɩ.

Jaan 19:4

Pilatë nya 'cie 'sɔɔwʋ 'ɔnya ‑gbala 'üün: «'Ba ‑jää 'ɔɔn! 'Ɔɔ 'n ja 'amɩ ‑fälɩ 'amä 'saa jre ‑balʋlʋ 'ɔ nʋa', 'nyɩ 'jä 'uun 'wʋ ‑a.»

Matiö 27:54

'Sʋgɩakamanyɔɔ nyra ‑mülü ‑glaara ɩa' Jesu ‑gälɩ 'jäa' ‑tʋtʋa tɩtrɛdɛɛ nyra wiilia 'fɩɔ ‑sia' nɩ, ŋalɛ nya 'blaa 'üün ‑gböösa. 'Ü ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

Matiö 27:9

'Asɩ nyɔsʋaamlɩpalanyɔɔ Jeremiia mlɩa wii nʋ 'inya nrörö 'kasa; ‑jäsɩ 'ɔ ‑gba käa': «'Ü 'ba 'üa möliia 'mlɩ mölii ‑glʋ ‑bɛ ‑pʋ, 'iibä 'ɔa 'perulu Israɛɛlënyüü ‑nyɩa'.

Matiö 27:19

'Ɔ ‑ka ‑tʋʋä ɩ ‑gä ‑bɛ 'ɔa 'ŋlʋʋ blɔ nyɔɔ 'doo, ɔ ji ɔ ‑gbala 'ɔɔn: «Nyɔɔlɔ kʋa' ‑pɩa ‑gʋ sanyülü 'n saa' sɩara 'mɩ 'saarɩ; 'ii känyrɩ ‑nyɩ blö 'ɔa wii 'lɩ, 'ɔnyɩ dɛɛ ‑a nʋ.»

Matiö 27:23

‑Gofɩanëma kpakö nya 'bete 'üün: «Bʋbɔgbi 'plɛɛ 'ɔ nʋ le?» 'Ünya 'klere 'sɔɔwʋ 'wʋ, 'ünya ‑gbolomlɩ: «Kolo 'ɔɔn krʋa ‑gälɩ!»

Jaan 13:9

Simɔɔ Piɛɛrë ‑nëmä: «'Pläkänyɔɔ, ‑mää 'na bei ‑gba ‑a 'doo ‑nëmä su; su bɩa 'na 'dari nyra 'na 'wli.»