Matiö 26:55 - Kuö Dëdrä Jenɛɛsë Rutë

⁵⁵ Jesu nya ‑gbala ‑jria: «Dɛplɛɛ kä ‑gʋ 'a ji 'mɩ 'kpla, ‑bɛ 'a ja ‑järë nyra tii ‑beere nyüü ji 'jejienyɔɔ 'kpla le? 'Maa bä 'ana ‑tɔrʋpɩɔ ‑srɩ o ‑srɩ; 'n 'kpɩara Nyɔsʋaanyuku kpaku ‑wälɩ, 'anyɩ 'mɩ ‑a 'kpla.

Matiö 26:55 Referans Kwoze

Jaan 8:2

‑Suwla ‑ŋʋɩsɩɩ 'ɔnya mi 'sɔɔwʋ Nyɔsʋaanyuku kpaku ‑wälɩ. Nyüüa 'fɩɔ nya trara 'ɔa ‑gba; 'ɔnya kʋwälɩ ‑bɛ 'ɔ 'kpɩa 'üün.

Marëkë 12:35

Jesu 'kpɩaraa' Nyɔsʋaanyuku ‑wälɩ nɩ 'ɔnya 'bete: «'A jre ‑gbaalä kä ‑gʋ ‑dɔkpɩanyüü 'daaa' ‑maa 'Kriisë bä Daviidëa 'jʋ?

Jaan 7:28

Jesu 'kpɩaraa' Nyɔsʋaanyuku kpaku ‑wälɩ nɩ, 'ɔnya nyra: «'A jre 'mɩ, 'anya jre 'na sɔrɔfa nɩ? 'Na 'mʋgbɛ 'nyɩ 'wʋ ‑a sɔ 'nyɩ ji ‑a ji. Nyɔɔlɔ blɔa' 'mɩ, 'ɔ bä plɛtoronyɔɔ, ‑maa 'anyɩ 'ɔɔn jre ‑a jre.

Jaan 7:14

‑Glɩsɩglɩsɩ 'mä 'lɩ mümlökalɩ mi nɩ, Jesu nya pa Nyɔsʋaanyuku kpaku ‑wälɩ ‑bɛ 'ɔ 'kpɩa.

Matiö 21:23

Jesu paa' Nyɔsʋaanyuku kpaku ‑wälɩ nɩ, nyüü 'ɔ 'kpɩa. ‑Gbɔsapɛrɩnyüü kpakü nyra juifënyüüa tagbü nya jijrö 'ɔɔn ‑gba, 'ünya 'bete 'ɔɔn: «‑Na 'ciö 'plɛɛ ‑bɛ ‑nö 'saa le? Nyɔɔ 'plɛɛ ‑gbala 'saa ‑mɩ le?»

Matiö 26:47

'Ɔ ‑ka 'paa wii dotro ‑bɛ Judaa 'tɔ, nyüüpʋnyüüsɔɔa ‑tɔrʋpɩɔa nyɔɔ 'doo, 'ɔɔ ‑bɛ nyüü 'kɔkɔmlɛ, 'üa kälɩa ‑järë nyra tii. ‑Gbɔsapɛrɩnyüü kpakü nyra juifënyüüa tagbü blɔ 'üün.

Marëkë 10:1

Jesu nya sɔwʋ, 'ɔnya 'prɛrɛ 'nielɛ 'ü 'daraa' Jurëdɛɛn, 'ɛa 'pɛ ‑mɩdee ‑gälɩ, 'i 'ɔ ‑srörö 'ɔnya 'tɔrɔ Judeea ‑tʋtʋ ‑gälɩ. Nyüü nya 'patä 'ünya trara 'ɔɔn 'klɩ; 'kpɩkpɩakʋ bäa' 'ɔa ‑dɔ nɩ, 'ɔ ‑tʋ 'sɔɔwʋ 'lɩ 'üa 'kpɩkpɩakʋ.

Lukë 4:20

'Ɔ kpaa' ‑pɔɔkʋlʋ 'klɩ nɩ, 'ɔnya ‑nyɩ 'uun nyɔɔlɔ kʋa' 'ɔa ‑gba, 'ɔnya kʋwälɩ. 'Ɔɔ nyüülü kä 'fɩɔ bä ɩa' 'sraaplanyukulua ‑wälɩ tɛklɩ.

Lukë 19:47

‑Srɩ o ‑srɩ, Nyɔsʋaanyuku kpaku ‑wälɩ 'ɔ 'kpɩara nyüü. ‑Gbɔsapɛrɩnyüü kpakü nyra ‑dɔkpɩanyüü, nyra juifëa 'wliklɩa nyüü 'bata 'sɩrɩ 'ümäa' 'ɔɔn 'bla.

Lukë 20:1

'Ia jrüü 'doo 'lɩ nɩ, Jesu 'kpɩa ɩ nyüü Nyɔsʋaanyuku kpaku ‑wälɩ, ‑bɛ 'ɔ 'sara 'lɩ nyüü Nyɔsʋaa 'Mʋfagogo, ‑bɛ ‑gbɔsapɛrɩnyüü kpakü, ‑dɔkpɩanyüü, nyra tagbü 'tɔ 'ɔɔn ‑gba.

Jaan 8:20

Jesu nöa' ‑plɩɩ 'saa 'ɔ 'paaa' wii nɩ, Nyɔsʋaanyuku kpaku ‑wälɩ 'ɔ 'kpɩara. ‑Plɩɩ 'lɩ 'ü 'pɛɛrɛa' nyɔsʋamölii, 'ii 'ɔ kʋ; ‑maa nyɔɔ 'nyɩ 'ɔɔn 'kpla ‑a 'kpla, 'ɔa 'taɩn ‑kaaŋlʋ 'lɩjrä.