Matiö 26:52 - Kuö Dëdrä Jenɛɛsë Rutë

⁵² Jesu nya ‑gbala 'ɔɔn: «Pla ‑na ‑jɛrɛ 'ɛa tugba 'lɩ; 'be nyɔɔ ‑flooroa' ‑jɛrɛ nɩ, ‑jɛrɛ nëmä 'ɔɔn 'bla!

Matiö 26:52 Referans Kwoze

'Nyügälɩjawii 13:10

Nyɔɔlɔ käa' 'ɔmä ‑jie 'lɩ mi nɩ, 'ɔnya ‑jie 'lɩ mia. Nyɔɔlɔ käa' 'ɔmäa' ‑jɛrɛ 'klɩ järä nɩ, ‑jɛrɛ 'ümä nʋ 'ümä 'ɔɔn 'bla. ‑Jää wiili kä ‑gʋ nyɔsʋaanyünanyüü käa' 'ümäa' 'mlɩkpʋkplɔ ‑bɛ 'ümäa' Nyɔsʋa plɛtoro.

Jenɛɛsë 9:6

Nyɔɔ ma 'blaa nyɔɔ nɩ, nyɔɔ nëmä bɩa 'ɔa ‑toru 'kägblɔɔ; 'be Nyɔsʋa nʋ nyɔɔ 'ɔa 'sa.

Rɔmënyüü 12:19

'Na ‑wawanyüü 'amɩ, 'ana 'mʋgbɛ 'nyɩ ‑fu ana 'wlia tou, 'ba 'cɛrɛ Nyɔsʋaa 'crɛ ‑wälɩ ɛ ji. 'I ‑jɩjra: 'Pläkänyɔɔ nɩnɩa: «'Mɔɔ ‑fuuö 'ana 'wli 'lɩa tou. 'Nyaa 'ua 'kpa 'saa.»

1 Piɛɛrë 3:9

Nyɔɔ ma nʋ 'amɩ ‑balʋ ‑gba, 'anyɩ nʋ ‑balʋ 'anyɩ 'sa ‑balʋa 'kpa. Nyɔɔ ma ‑jree 'amɩ nɩ, 'anyɩ ‑jree 'ɔɔn bɩa. ‑Maa 'ba 'pa 'ɔɔn 'nɩ; 'be 'a jre 'iin 'sɩrɩ Nyɔsʋa werea' 'amɩ 'iin 'lɩ, 'ɔmä 'amɩ 'nɩ 'pa.

'Nyügälɩjawii 16:6

'Ü ‑gblɔɔɔa' nyɔsʋaanyünanyüü nyra nyɔsʋaamlɩpalanyüüa ‑toru 'kä nɩ, 'a 'ia ‑gʋ 'ünyɩ 'üün ‑toru 'ümä 'mla; 'ü 'wʋ 'iin 'klɩ!»

1 Tɛsalonikënyüü 5:15

'Ba ‑tre 'ana nyüfë, nyɔɔ 'nyɩ nʋ ‑balʋ 'ɔnyɩ 'sa ‑balʋa 'kpa; ‑maa 'ba prɛ wiili 'naa' dɛrɩ 'taɩn a 'fɩɔ 'lɩ, 'ba nönrö 'iin 'ana ‑tɔrʋpɩɔ nyra nyüüa 'fɩɔa ‑tɔrʋpɩɔ.

Matiö 5:39

‑Maa ‑jäsɩ 'n ‑gbalaa' 'amɩ nɩ, nyɔɔ ma nʋ ‑mɩ ‑balʋ ‑gba nɩ, ‑nyɩ 'sa 'ia 'kpa. Nyɔɔ ma 'pa ‑na 'dupa ‑glagbʋ ‑gba 'kpa nɩ, to bɩa 'ɔɔn 'sɔɔa nu 'klɩ.