Matiö 26:42 - Kuö Dëdrä Jenɛɛsë Rutë

⁴² 'Ɔ tʋŋlɔa' 'lɩ 'üün dɛrɩ 'sɔɔwʋ nɩ, 'ɔnya bibie Nyɔsʋa: «'Na Tʋ, ‑taa ‑sʋɩa ‑köwölä ma 'nyɩ 'mrɛɛ ‑a 'mrɛɛ 'ämä 'mɩ 'lɩdɛrɩtʋŋlɔ, ‑bɛ ama nya 'ään 'mla nɩ, abɩa wiili ‑baataa nrörö.»

Matiö 26:42 Referans Kwoze

Matiö 26:39

'Ɔ mia' 'klɔɔtrʋ jie nɩ, 'ɔnya be 'ɔa nyufa ‑tʋtʋ 'wʋ ‑bɛ 'ɔ bibie Nyɔsʋa: «'Na Tʋ, ima 'mrɛɛ, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! ‑Maa 'na ni 'nyɩ tɩɔ 'lɩ, abɩa ‑na ni tɩɔ 'lɩ!»

Ebröönyüü 4:15

‑Mää 'kä ana ‑gbɔsapɛrɩnyɔɔ kpakö 'nyɩ 'lɩ ‑a bɩa ɔ 'jä ana nyatɛrɩ ana 'fʋmakʋa ‑gʋ ‑a. 'Ü tɛlɩ 'ɔa 'mʋgbɛ diia 'fɩɔa 'mlɩ ‑beere amɔ, ‑maa 'ɔnyɩ ‑balʋ ‑a nʋ.

Matiö 6:10

Abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

Matiö 20:22

Jesu nya ‑gbala 'üün: «Wiili 'a 'daaa' ‑a nʋa' 'anyɩ 'iin jre ‑a jre ‑bɛ 'a 'bete 'iin. ‑Sʋɩa ‑köwölä 'nëmäa' 'mla, 'a bɩalɩ 'amä 'ään 'mla? 'Aiɛ 'sɩrɩ 'mäa' 'nɩwlipala, 'kä 'anya 'saa 'nɩwlipaa?» 'Ünya 'nyie: «A bɩalɩ.»

Matiö 26:43

'Ɔ mia' ji 'ɔ jrä 'sɔɔwʋ 'üün 'mʋmɔ 'lɩ; 'üa 'nyü bäkälɩ.

Marëkë 14:36

'Ɔ nɩnɩa: «Aba, 'na Tʋ, ‑bɩa wiia 'fɩɔ mlɩ, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! 'Ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»

Lukë 22:42

‑maa: «'Na Tʋ, ‑ama ‑wa, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! ‑Maa 'ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»

Jaan 6:38

'Nyɩ cɛlɩ ‑a sɔ 'mä 'na plɛ 'klɩa wii nʋ, ‑maa 'n ji 'mä nyɔɔlɔ blɔa' 'mɩ, 'mä 'ɔa ni nʋ.