Matiö 26:41 - Kuö Dëdrä Jenɛɛsë Rutë

⁴¹ 'Anyɩ 'mʋmɔ 'ba bibie Nyɔsʋa 'a ‑pɩ ‑balʋ 'lɩ blö. Nyɔɔ 'klaa 'mʋfa bobowli ‑maa 'ɔa fugba 'nyɩ 'klü ‑a kä.»

Matiö 26:41 Referans Kwoze

Lukë 22:46

'Ɔnya ‑gbala 'üün: «Dɛplɛɛ kä ‑gʋ 'a 'mʋmɔ le? 'Ba sɔwʋ 'kä 'a bibie Nyɔsʋa, 'a ‑pɩ ‑balʋ 'lɩ blö.»

Marëkë 14:38

'Anyɩ 'mʋmɔ, 'ba bibie Nyɔsʋa 'a ‑pɩ ‑balʋ 'lɩ blö. Nyɔɔ 'klaa 'mʋfa bobowli, ‑maa 'ɔa fugba 'nyɩ 'klü ‑a kä.»

Ɛfɛsënyüü 6:18

'Ba bibie Nyɔsʋa 'taɩn a 'fɩɔ 'lɩ. Wiili kä 'fɩɔ 'a ‑waa', i 'a 'bataa', 'ba ‑gbala 'ia 'fɩɔ Nyɔsʋa, ‑maa abɩa 'Ɔa ‑Susu ji 'amɩ ‑gba. 'Anyɩ sɩa, 'ba nʋ 'imɩa 'doo, 'kä 'a bibie nyɔsʋaanyüüa 'fɩɔa 'wli 'lɩ.

Matiö 6:13

‑Nyɩ tɛ bɩa amɩ 'klɩ anyɩ mi ‑balʋ 'lɩ, ‑maa 'ba amɩ Plɛbʋbɔsusu kälɩ, 'be ‑mɔ kä 'pläa 'kamakʋ, 'klü nyra 'bʋalakʋ 'plɔʋplɔʋ. 'Asɩ i bä.

Lukë 21:36

'Ia ‑gʋ, 'ba ‑tre 'ana nyüfë, 'ba bibie Nyɔsʋa 'amä 'cɩcanyüü bä, 'amä 'ia wiili kä 'fɩɔ 'mäa' 'lɩjrä mlɩ 'wʋ, ‑bɛ 'amä Nyɔɔa 'Jʋ 'klɩ 'nyüglö.»

'Nyügälɩjawii 16:15

«‑Jää, 'nyaa jia ‑beere 'jejienyɔɔ. Abɩa dɔrʋ 'bla nyɔɔlɔ 'nyɩ 'mʋmɔa', ‑bɛ ɔ ‑tʋʋäa' 'ɔa 'koti ‑wälɩ 'kä 'ɔ ‑pɩ ‑gbagba 'pa ‑bɛ 'nyüsü ‑pɩa' 'bla nyüüa 'klɩ.»

1 Korɛɛntënyüü 16:13

'Anyɩ 'mʋmɔ, abɩa 'ana nyɔsʋaplɛ nyɔnyrɔ, 'ama nëmä wii nʋ 'ba nʋ 'imɩ nyɩbɛsa, 'ba 'paplaklü 'lɩ.

1 Piɛɛrë 5:8

'Ba ‑tre 'ana nyüfë, 'anyɩ 'mʋmɔ; 'be 'ana ‑gbakäklɛnyɔɔ Sataan 'nyɛɛ ‑beere sruku 'kpöö u 'bata nyɔɔlɔ 'umäa' ji.

1 Korɛɛntënyüü 10:13

'Traɩnkʋlʋ jräa' 'amɩ ‑gälɩ 'nyɩ 'dɔ ‑a bä 'kä nyüüa 'fɩɔa 'traɩnkʋa ‑gʋ. ‑Maa Nyɔsʋa ‑träärälɩ 'ɔa 'papawii, 'ɔ ‑nëmä 'nyie ‑a 'nyie 'traɩnkʋ 'mä 'amɩ 'wʋsi, ‑maa 'ana 'traɩnkʋ ma jrälɩ nɩ, 'ɔnya 'amɩ 'cerefa nyra 'ia 'klü ‑nyɩa 'amä 'iin ‑gbötö.

2 Piɛɛrë 2:9

'Ia 'fɩɔlʋ 'ii srara 'sɩrɩ 'Pläkänyɔɔ jrea' 'sɩrɩ 'ɔmäa' 'klɩgänyüü ‑sʋɩ 'lɩba, ‑bɛ 'sɩrɩ 'ɔmäa' nyüülü 'nyɩa' 'klɩgä ‑wälɩtʋ ‑bɛ 'üa ‑gätʋtaɩn 'mäa' 'wlijrä.

Matiö 24:42

'A 'ia ‑gʋ 'anyɩ 'mʋmɔ, 'be 'taɩn 'lɩ kä 'mlɩ 'ana 'Pläkänyɔɔ 'mäa' ji 'anyɩ 'iin jre ‑a jre.

'Nyügälɩjawii 3:10

'N ‑gbalaa' ‑mɩ ‑a kpʋkplɔmlɩ ‑sʋɩa 'mlɩ ‑beere 'mɔɔ, ‑bɛ ‑nʋa' 'imɩ nɩ, 'ia ‑gʋ 'na 'mʋgbɛ 'nyaa ‑mɩ 'nyiöli ‑gääläa 'taɩn 'lɩ ‑sʋɩ 'mäa' 'pläa 'fɩɔa 'mlɩ ji. ‑Sʋɩlɩ jö 'imä ‑tʋtʋ ‑gälɩa nyüüa 'fɩɔ 'lɩtɛ.

1 Piɛɛrë 4:7

Diia 'fɩɔa bɩarafa 'a 'lɩjijrö. 'A 'ia ‑gʋ, 'anyɩ 'mʋmɔ, 'ba jre 'ana nyufaa 'tierekʋ 'amä Nyɔsʋa bibie.

Lukë 22:40

'Ɔ 'tɔa' ‑plɩɩlɩ nɩ, 'ɔnya ‑gbala 'üün: «'Ba bibie Nyɔsʋa 'a ‑pɩ ‑balʋ 'lɩ blö.»

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

1 Korɛɛntënyüü 9:27

'N 'suö 'na 'jajɛ 'wʋ, ‑bɛ 'n 'kplaa 'ɛɛn ‑beere ‑geeigbi. 'N nö 'imɩ 'sɩrɩ 'na 'mʋgbɛlɔ 'palaa' nyüü nyɔsʋaawii ‑gba, ‑pɩa' fʋfɔlʋa 'mlɩ sɔ.

Matiö 25:13

'Ii känyrɩ 'anyɩ 'mʋmɔ, 'be 'anyɩ 'taɩnlɩ nyra jrüülü kä 'mlɩ Nyɔɔa 'Jʋ 'mäa' ji ‑a jre.

Matiö 26:38

'Ɔnya ‑gbala 'üün: «'Na ‑susua 'kpɔkpɔɔkʋ nëmä 'mɩ 'bla; 'ba kʋ ‑pɩ 'a nyra 'mɔɔ anyɩ 'mʋmɔ.»

Rɔmënyüü 8:3

‑Dɔ 'nyɩ 'lɩ ‑a bɩa u nʋ 'iin, 'be 'jajɛ 'fʋmla 'uun. ‑Maa Nyɔsʋa nʋ 'imɩ; ‑balʋa ‑gʋ 'ɔ nrörö 'ɔa 'mʋgbɛa 'Jʋ nyɔɔ 'lɩ ‑beere amɔ ‑balʋnyüü, 'ɔmä ‑balʋlʋ bäa' nyüü 'lɩa ‑gä ‑tʋ.

Lukë 11:4

Cere amɩ ana ‑balʋ, 'be ana 'mʋgbɛ, a cere nyüülü nöa' amɩ ‑balʋ ‑gba, 'üa ‑balʋ. 'Nyɩ tɛ bɩa amɩ 'klɩ anyɩ mi ‑balʋ 'lɩ, ‑maa 'ba amɩ Plɛbʋbɔsusu kälɩ.»

Lukë 8:13

'Täkëtʋtʋlʋ kä ‑gälɩ 'u böblöa' nɩ, 'a nyüülü üma 'nua' nyɔsʋaawii 'wli ü 'kplaaa' 'iin dɔrʋsa, ‑maa 'ünyɩ tigblii ‑a kä. 'Üa nyɔsʋaplɛ 'nyɩ tʋŋlʋlɩ ‑a, üma tɛlɩ 'üün dotro, 'ü 'cɛrɛ 'ia 'fɩɔ ‑wälɩ.