Matiö 26:28 - Kuö Dëdrä Jenɛɛsë Rutë

²⁸ 'Be 'na ‑toru bäsaa, kuö dëdräa ‑toru, 'uu ‑gblɔɔkä nyüü 'kɔkɔmlɛa ‑gʋ, 'üa ‑balʋ 'mä cere.

Matiö 26:28 Referans Kwoze

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

'Nyügälɩjawii 7:14

'Nëma: «'Pläkänyɔɔ, ‑mɔ jre 'iin.» 'Ɔ ‑nëma: «Ü kʋa' ‑pɩ nɩ, 'a ü 'jäa' ‑sʋɛ kpaki. 'Ü pɔtɔ 'üa 'koti, 'ünya ‑srörö 'iin ‑Bablëëjʋa ‑toru 'lɩ 'inya 'pɔlɔ.

1 Korɛɛntënyüü 11:25

'Ü bɩaraa' 'lɩ nɩ, 'asɩ 'ɔ nʋ bɩa 'ɔnya dɔrɔ ‑köwö 'wʋ, 'ɔ ‑nëma: «‑Taa ‑köwölä nɩ, 'ää bä kuö dëdrälä 'palaa' 'na ‑toru 'lɩ. 'Asɩ 'amäa' 'ään 'mla nɩ, 'ba nʋ 'imɩ 'amä 'na ‑gä plɛ 'pa.»

1 Jaan 2:2

'Ɔɔ 'sa 'ɔa nyufa ana ‑balʋa ‑gʋ Nyɔsʋaa 'crɛ nya 'ciewʋ. ‑Mää ana 'dooa ‑gʋ ‑a, ‑maa 'pläa 'fɩɔa ‑gʋ bɩa.

Ebröönyüü 13:20

Abɩa Nyɔsʋalɔ ‑nyɛɛa' plɛgälɩflɛrɛkʋ, ɔ ‑sröröa' kuölä 'nyɩa' blöröfa kä a ‑toru kälɩ ‑bɛ 'ɔ 'baa' jäjänyüüa ‑tɔrʋpɩɔ ana 'Pläkänyɔɔ Jesulɔ bäa' ‑bablëëgbanyɛrɛnyɔɔ kpakö nɩ,

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Kolɔɔsënyüü 1:14

'Ɔɔ känyrɩ anya 'wʋlɩmlɩ: 'iibä 'a 'ɔa ‑gʋ ana ‑balʋ cere.

Lukë 22:19

'Ɔnya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Na fugba bäsaa, ä 'saraa' 'ana ‑gʋ. 'Ba nʋ 'imɩ 'amä 'na ‑gä plɛ 'pa.»

Kolɔɔsënyüü 1:20

'Ɔnya ‑srörö 'ɔɔn kälɩ 'ɔmä 'ɔɔ ‑bɛ wiia 'fɩɔ 'wlinönrö. 'Ɔa 'Jʋa ‑torulu ‑gblɔɔa' 'kä krʋa ‑gälɩ 'ɔ ‑srörö kälɩ 'ɔnya ja 'üa ‑tɔrʋpɩɔ 'wlinönrökʋ, 'ɔɔ ‑bɛ diili kä 'fɩɔ bäa' cɛa 'mlɩ nyra ibäa' ‑tʋtʋ ‑gälɩ.

Rɔmënyüü 5:19

Nyɔɔ 'doo 'nyɩa' Nyɔsʋaa mlɩa wii nyɔɔwʋba nɩ, 'a 'ia ‑gʋ nyüü 'kɔkɔmlɛ nʋ ‑balʋnyüü. 'Asɩ nyɔɔ 'doo 'ba Nyɔsʋaa mlɩa wii nyɔɔwʋ nyüü 'kɔkɔmlɛ nya nʋ 'klɩgänyüü.

Marëkë 14:24

'Ɔnya ‑gbala 'üün: «'Na ‑toru bäsaa, kuö dëdräa ‑toru, 'uu ‑gblɔɔkä nyüü 'kɔkɔmlɛa ‑gʋ.

'Nyügälɩjawii 7:9

I kʋa' ‑pɩ ‑sia' nɩ, 'n 'jä nyüü 'kɔkɔmlɛ 'kɔkɔmlɛ ünyɩa' ‑täsäsa bä: ‑tʋtʋ ‑gälɩa ‑glügbüa 'fɩɔa, ‑glügbüa 'fɩɔ, ‑tʋtʋ ‑gälɩa nyüüa 'fɩɔ nyra nyüüa mlɩa 'papawiia 'fɩɔ. 'Ü 'nyüglö 'kɩɩkpata nyra ‑bablëëjʋa 'klʋɩ. 'Ü pa 'pɔlɔ 'koti 'lɩ ‑bɛ ‑napusragbɩ bä 'üa kälɩ.

Rɔmënyüü 5:15

‑Maa wiili Adaan nʋa' nyra Nyɔsʋaa 'flɛɛlɩa wiiwälɩcɛrɛkʋ 'nyɩ dɛɛ 'dee ‑a bä. Nyɔɔ 'dooa ‑balʋa ‑gʋ nyüü 'kɔkɔmlɛ ma jä nɩ, Nyɔsʋaa ‑gbinanakʋ ‑siwʋ ‑gböösa: nyɔɔ 'doo Nyɔsʋa ‑srörö kälɩ, Jesu 'Kriisëa ‑gbinanakʋ kälɩ 'ɔ ‑srörö 'ɔnya ‑gbäträ 'ɔa ‑gbinanakʋ nyüü 'kɔkɔmlɛ 'wʋ kä.

Marëkë 1:4

'Ii 'lɩ Jaan 'tɔrɔ ‑aaga 'lɩ. 'Ɔ ma 'paa nyüü 'nɩwli, ‑bɛ 'ɔ ma ‑gbala 'üün ü toro 'lɩ ‑balʋ ‑gälɩ 'ümä 'nɩwlipa Nyɔsʋa 'mä 'üa ‑balʋ cere.

Matiö 6:12

Cere amɩ ana ‑balʋ 'sɩrɩ ana 'mʋgbɛ cerea' nyüülü nöa' amɩ ‑balʋ ‑gba, 'üa ‑balʋ.

Matiö 26:27

'Ɔnya dɔrɔ ‑köwö 'wʋ, 'ɔ bɩaa' Nyɔsʋa 'tɛtrɛɛkʋ, 'ɔnya ‑nyɩ 'ümɩ 'uun; 'ɔ ‑nëma: «'Ana 'fɩɔ 'ba 'mla.

Matiö 26:29

'N ‑gbala 'amɩ, 'n ‑ka ‑nëmä viinyënʋ ‑a 'mla 'plɔʋ ima 'nyɩ 'Na Tʋa 'kamapläa 'mlɩ ‑a bä; 'a ‑nyɛɛ 'nyraa 'amɔ 'mä 'sɔɔwʋ 'uun 'mlala.»

Lukë 22:20

'Ü bɩaa' dɛɛjijikʋ nɩ, 'asɩ 'ɔ nʋ bɩa 'ɔnya dɔrɔ ‑köwö 'wʋ 'ɔ ‑nëma: «‑Taa ‑köwölä nɩ, 'ää bä kuö dëdrä 'palaa' 'na ‑toru 'lɩ; 'uu ‑gblɔɔkä 'ana ‑gʋ.

Ebröönyüü 10:29

'Ii känyrɩ, nyɔɔ ma 'pala Nyɔsʋaa 'Jʋ 'crʋ ‑gälɩ nɩ, ɔma bobo ‑maa kuöa ‑torulu kpëtäa' 'ɔɔn ‑gba 'nyɩ ‑gbaa ‑a kä nɩ, ɔma ‑jree ‑Susulu sraraa' amɩ Nyɔsʋaa ‑gbinanakʋ nɩ, 'anyɩ bobo bobo ‑a 'sɩrɩ 'ia nyɔɔlɔ 'wʋa' 'sɔɔwʋ 'pʋnɩkʋ 'klɩ?