Matiö 26:13 - Kuö Dëdrä Jenɛɛsë Rutë

¹³ 'Cɩcasa 'n ‑gbala 'amɩ, ‑pɩɔ o ‑pɩɔ ‑taa 'mʋfagogolä 'mäa' 'sara 'pläa 'fɩɔa 'mlɩ nɩ, wiili 'ŋlʋʋlɔ nʋa', nyüü nya 'ia ‑gä 'paa ‑bɛ 'ünya 'ɔa ‑gä plɛ 'pa.»

Matiö 26:13 Referans Kwoze

Marëkë 14:9

'Cɩcasa 'n ‑gbala 'amɩ, ‑pɩɔ o ‑pɩɔ ‑taa 'mʋfagogolä 'mäa' 'sara 'pläa 'fɩɔa 'mlɩ nɩ, wiili 'ŋlʋʋlɔ nʋa', nyüü nya 'ia ‑gä 'paa ‑bɛ 'ünya 'ɔa ‑gä plɛ 'pa.»

Matiö 24:14

‑Taa 'Kamapläa 'Mʋfagogolä kʋa' ‑pɩ nya 'blɩa 'fɩɔa 'mlɩ 'saraa, 'fɩɔwʋ 'kä 'plä nya bɩa.

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

'Nyügälɩjawii 14:6

'Nyaa 'jä 'aanjë ‑moloo ‑bɛ 'ɔ ‑preere cɛa ‑tɔrʋpɩɔ. 'Ɔ 'klaa 'Mʋfagogolä 'nyɩ bɩaa' 'plɔʋ, ä 'ɔmäa' nyüülü kä 'fɩɔ kʋa' ‑tʋtʋ ‑gälɩ ‑gbapala: ‑tʋtʋ ‑gälɩa ‑glügbüa 'fɩɔ, nyüüa ‑glügbüa 'fɩɔ, nyüüa mlɩa 'papawiia 'fɩɔ, nyra ‑tʋtʋ ‑gälɩa nyüüa 'fɩɔ.

1 Timotee 2:6

'ɔ 'sa 'ɔa 'klä ana ‑pi 'lɩ, 'kä nyüüa 'fɩɔ 'mä 'lɩmlɩwʋ. 'Ii srara wiili Nyɔsʋa ‑tʋa' 'lɩ, ‑bɛ i jräa' 'lɩ 'ia 'taɩnlɩ 'ɔ ‑tʋa' 'lɩa 'mlɩ.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

2 Korɛɛntënyüü 10:18

'Ii känyrɩ, ‑mää nyɔɔlɔ 'kɔlɔa' 'ɔa nyufa nɩ, ‑mää 'ɔɔ 'nyɩ 'wʋsi, ‑maa ‑mɔlɔ 'Pläkänyɔɔ 'kɔlɔa'.

Rɔmënyüü 15:19

'ɔ nʋ 'iin ‑saragbia tie 'lɩ nyra plɛklɩkalawii 'lɩ Nyɔsʋaa ‑Susua 'nyrɩklɩ. 'Bala Jerusalɛɛmë ‑a mi Ilireea ‑tʋtʋ ‑gälɩ nɩ, Jesu 'Kriisëa 'Mʋfagogoa 'doo 'n 'sa.

Rɔmënyüü 10:18

‑Maa 'bete 'n 'bete: 'Ünyɩ 'nu ‑a 'nu? 'Ü 'nu! 'Üa mlɩa wii mi ‑tʋtʋa 'fɩɔ ‑gälɩ, 'üa 'papawii nya mi 'pläa blöröfa 'wʋ.

Lukë 24:47

‑Bɛ kolo Jerusalɛɛmë 'kä, 'ümä ‑tʋtʋ ‑gälɩa nyüüa 'fɩɔ ‑gbala ü torolɩ ‑balʋ ‑gälɩ, ‑bɛ Nyɔsʋa 'mä 'ümɩ 'uun cere.

Marëkë 16:15

'Ɔnya ‑gbala 'üün: «'Ba mi 'pläa 'fɩɔ ‑gälɩ, 'ba 'saralɩ nyüüa 'fɩɔ 'mʋfagogo.

Marëkë 13:10

‑Maa abɩa 'mʋfagogo 'sara ‑kätɩ ‑tʋtʋ ‑gälɩa ‑glügbüa 'fɩɔa 'mlɩ.

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

Akëtë 10:4

'Ɔnya ‑pʋpɔ 'ɔɔn tee ŋalɛ nya 'bla 'ɔɔn, 'ɔ ‑nëma: «Dɛplɛɛ le, 'Pläkänyɔɔ?» 'Iibäa' 'aanjë nɩ: «‑Na nyɔsʋabibiekʋ nyra 'sɩrɩ nöa' 'pʋablanyüü nɩ, 'i 'tɔ Nyɔsʋaa ‑gba, 'ɔnyɩ ‑na ‑gä ‑a ‑trɔ.