5 Nyüü 'kɔkɔmlɛ nya 'na 'nyrɩ jaa 'kä 'ünya ji 'kä 'ünya 'daa: ‹'Mɔɔ bä 'Kriisë,› 'kä 'ünya nyüü 'kɔkɔmlɛ 'nyʋfɔ 'wʋ 'ba.
'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.
‑Gbagblɛ nyɔsʋaamlɩpalanyüü 'kɔkɔmlɛ nya jia 'kä 'ünya nyüü 'kɔkɔmlɛ mlüülɩpa.
'Na 'jü 'amɩ, ‑gälɩblörögliii 'lɩ a bä. 'A 'nu 'sɩrɩ ‑gbagblɛ 'kriisë jöa', ‑bɛ ‑plɩɩlɩ a 'palaa' wii nɩ, ‑gbagblɛ 'kriisë 'kɔkɔmlɛ 'a ji. 'Ii ‑gbala amɩ 'sɩrɩ a bäa' ‑gälɩblörögliii 'lɩ.
'Na Tʋa 'nyrɩklɩ 'n jrörö, ‑bɛ 'anyɩ 'kʋɛɛ 'mɩ 'lɩ. Nyɔɔ ‑moloo ma jrörö 'ɔa 'mʋgbɛa 'nyrɩklɩ, 'anya 'ɔɔn 'lɩ 'kʋɛɛa.
Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.
'Aiɛ 'n ‑gbala 'amɩ, 'anya 'ana ‑balʋ 'lɩ järäa. 'Ama 'nyɩ ɔ 'n bäa' wii ‑a 'dara 'anya 'ana ‑balʋ 'lɩ järäa.»
'Ia ‑gʋ Jesu nya ‑gbala 'üün: «'Taɩn 'lɩ 'amäa' Nyɔɔa 'Jʋ 'jrara nɩ, 'a ‑plɩɩ 'amä nyɔɔlɔ 'n bäa' jre, ‑bɛ 'sɩrɩ 'nyɩ nʋa' 'na 'dooa plɛ 'klɩa wii, ‑maa 'n nöa' wiili Tʋ 'kpɩaa' 'mɩ.
Nyɔɔ 'plɛɛ bä ‑gbagblɛnyɔɔ le? 'A nyɔɔlɔ nöa' ‑maa Jesu 'nyɩ 'Kriisë ‑a bä; 'ɔɔ bä ‑gbagblɛ 'kriisë, 'ɔɔ blara Tʋ nyra 'Jʋ 'klɩ.
‑Susulu 'nyɩ 'salɩ 'sɩrɩ Jesu 'Kriisë ‑srörö nyɔɔ 'lɩ nɩ, ‑mää Nyɔsʋaa ‑nyɛɛ 'unyɩ sɔ. ‑Gbagblɛ 'kriisëa ‑susulu kä jijigä 'a 'nua' 'wli ‑bɛ unyaa' 'pläa 'mlɩ ji nɩ, 'uu bäsaa.