44 'A 'ia ‑gʋ, 'ana 'mʋgbɛ 'ba ‑ëlere, Nyɔɔa 'Jʋ nya jia 'taɩnlɩ 'kä 'mlɩ 'anyɩa' 'ɔɔn boblo.
'Ii 'ü mi ‑su ‑bɛ nyɔɔlɔ 'tiea' 'tɔ. ‑Mülü ‑ëlere ɩa' nyra 'ɔɔn nya pa 'titiö nyuku ‑wälɩ, tatu nya 'pala.
'Ii känyrɩ 'anyɩ 'mʋmɔ, 'be 'anyɩ 'taɩnlɩ nyra jrüülü kä 'mlɩ Nyɔɔa 'Jʋ 'mäa' ji ‑a jre.
'A 'ia ‑gʋ 'anyɩ 'mʋmɔ, 'be 'taɩn 'lɩ kä 'mlɩ 'ana 'Pläkänyɔɔ 'mäa' ji 'anyɩ 'iin jre ‑a jre.
'Ana 'mʋgbɛ 'ba ‑ëlere! Nyɔɔa 'Jʋ nya jia 'taɩnlɩ 'kä 'mlɩ 'anyɩa' 'ɔɔn boblo.»
'Ba srara nyüüa 'fɩɔ 'ana ‑gbinanakʋ. 'Pläkänyɔɔ jö 'lee 'ɔmä ji.
'Be Nyɔɔa 'Jʋa jijitaɩn nya ‑beere ‑mamɛɛa 'bɩbɩ sɔa' 'jrʋa 'wʋsɔrɔfa 'wʋ ‑bɛ 'ɛ 'cerea' 'jrʋa 'pifa 'wʋ.
A 'kpö dɔrʋsa, a srara ana dɔrʋ 'kä a 'bʋala 'ɔɔn, 'be ‑Bablëëjʋa 'titisrɩ 'a 'lɩjrä; 'ɔa 'ŋlʋʋ ‑ëlere!
'Na ‑wlajü 'amɩ, ‑moloo 'nyɩ 'pala ‑plɛlɩ wii 'ɔnyɩ ‑srɛ 'ɔa ‑moloo, Nyɔsʋa ‑pɩ 'ana ‑gä ‑tʋ. 'Ba tɛlɩ: ‑gätʋnyɔɔ bä nyukua 'mäklɩ.
«‑Maa 'ba jresaa: nyukukänyɔɔ ma jre 'taɩn 'lɩ kä 'mlɩ ‑jejienyɔɔ 'mäa' 'ɔɔn ‑gbapa nɩ, 'ɔ ‑nëmä 'mʋmɔ ‑a 'mʋmɔ 'jejienyɔɔ ‑pɩ 'ɔa nyuku ‑wälɩ pa.
‑Maa 'ba jresaa: nyukukänyɔɔ ma jre 'taɩn 'lɩ kä 'mlɩ ‑jejienyɔɔ 'mäa' 'ɔɔn ‑gbapa nɩ, 'ɔ ‑nëmä 'mʋmɔ ‑a 'mʋmɔ 'jejienyɔɔ ‑pɩ 'ɔa nyuku ‑wälɩ pa.
'Ia ‑gʋ, 'ba ‑tre 'ana nyüfë, 'ba bibie Nyɔsʋa 'amä 'cɩcanyüü bä, 'amä 'ia wiili kä 'fɩɔ 'mäa' 'lɩjrä mlɩ 'wʋ, ‑bɛ 'amä Nyɔɔa 'Jʋ 'klɩ 'nyüglö.»