Matiö 24:14 - Kuö Dëdrä Jenɛɛsë Rutë

¹⁴ ‑Taa 'Kamapläa 'Mʋfagogolä kʋa' ‑pɩ nya 'blɩa 'fɩɔa 'mlɩ 'saraa, 'fɩɔwʋ 'kä 'plä nya bɩa.

Matiö 24:14 Referans Kwoze

'Nyügälɩjawii 14:6

'Nyaa 'jä 'aanjë ‑moloo ‑bɛ 'ɔ ‑preere cɛa ‑tɔrʋpɩɔ. 'Ɔ 'klaa 'Mʋfagogolä 'nyɩ bɩaa' 'plɔʋ, ä 'ɔmäa' nyüülü kä 'fɩɔ kʋa' ‑tʋtʋ ‑gälɩ ‑gbapala: ‑tʋtʋ ‑gälɩa ‑glügbüa 'fɩɔ, nyüüa ‑glügbüa 'fɩɔ, nyüüa mlɩa 'papawiia 'fɩɔ, nyra ‑tʋtʋ ‑gälɩa nyüüa 'fɩɔ.

Rɔmënyüü 10:18

‑Maa 'bete 'n 'bete: 'Ünyɩ 'nu ‑a 'nu? 'Ü 'nu! 'Üa mlɩa wii mi ‑tʋtʋa 'fɩɔ ‑gälɩ, 'üa 'papawii nya mi 'pläa blöröfa 'wʋ.

Lukë 24:47

‑Bɛ kolo Jerusalɛɛmë 'kä, 'ümä ‑tʋtʋ ‑gälɩa nyüüa 'fɩɔ ‑gbala ü torolɩ ‑balʋ ‑gälɩ, ‑bɛ Nyɔsʋa 'mä 'ümɩ 'uun cere.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Matiö 10:7

«‑Plɩɩlɩ kä 'fɩɔ 'a nëmäa' ‑srörö nɩ, 'ba ‑gbala nyüü ‑maa: ‹Cɛɩɩa 'kamaplä 'a 'amɩ ‑gbajijrö.›

Matiö 9:35

'I ‑sia' nɩ, Jesu mö bätë jie nyra bätë kpaküa 'mlɩ ‑bɛ 'ɔ 'kpɩa nyüü 'üa 'sraaplanyëkaa ‑wälɩ, 'ɔ 'sara 'lɩ 'üün 'Kamapläa 'Mʋfagogo, ‑bɛ 'ɔ ‑futo nyüüa ‑wusua 'fɩɔ nyra 'üa mɩmɩakʋa 'fɩɔ.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Matiö 24:6

'Anya toulu 'nyɩa' 'amɩ 'lɩdɛrɩtʋŋlɔ nyra ‑mulu tʋŋlɔa' 'amɩ 'lɩdɛrɩa wii 'wlinua ‑maa 'ana plɛ 'nyɩ ‑taaralɩ; 'ia 'fɩɔlʋ kä 'imä 'lɩjrä. ‑Maa ‑mää bɩarataɩn ‑kaaŋlʋ 'saabä.

Matiö 4:23

Jesu nya mi Galileea 'pläa 'fɩɔ ‑gälɩ, 'ɔ 'kpɩa nyüü 'üa 'sraaplanyëka ‑wälɩ ‑bɛ 'ɔ 'sara 'lɩ 'Kamapläa 'mʋfagogo, ‑bɛ 'ɔ 'pʋɔ nyüülü ‑wusu 'blaaa' nyra ü 'jääa' mɩmɩakʋa 'fɩɔ.

Akëtë 17:6

'Ünyɩa' 'lɩ 'üün jrä nɩ, 'ünya 'kpla Jasɔɔnëa 'klüa nɔ nyra ‑wlajü ‑mölöö, 'ünya fa 'üün bätäa 'wliklɩnyüü. 'Ünya 'kpölɩkä: «Nyüülü kʋa' ‑pɩ, 'üü 'caklaa' nyüüa 'fɩɔ 'lɩ, 'a 'üü ji ‑tɛ,

'Nyügälɩjawii 3:10

'N ‑gbalaa' ‑mɩ ‑a kpʋkplɔmlɩ ‑sʋɩa 'mlɩ ‑beere 'mɔɔ, ‑bɛ ‑nʋa' 'imɩ nɩ, 'ia ‑gʋ 'na 'mʋgbɛ 'nyaa ‑mɩ 'nyiöli ‑gääläa 'taɩn 'lɩ ‑sʋɩ 'mäa' 'pläa 'fɩɔa 'mlɩ ji. ‑Sʋɩlɩ jö 'imä ‑tʋtʋ ‑gälɩa nyüüa 'fɩɔ 'lɩtɛ.

Akëtë 20:25

«‑Bɛ 'n jre 'iin ɔ, 'amɔlɔ kä 'fɩɔ 'n ‑pia' ‑gälɩ ‑bɛ 'n 'saa Nyɔsʋaa 'kamapläa ‑gäa ‑gogo nɩ, 'a ‑ka ‑nëmä 'na 'klʋɩ ‑a 'jä.

Matiö 24:3

Jesu nya mi Oliivëa 'dʋgba 'wli kʋ, 'ɔa 'wʋnyɛrɛnyüü nya mi 'ɔɔn 'bete 'üa 'kpɔa ‑tɔrʋpɩɔ: «‑Gbala amɩ, 'taɩn 'plɛɛ 'lɩ 'ia 'fɩɔlʋ 'mä 'lɩjrä le? ‑Asɩ anya ‑na jijijrüü nyra 'pläa bɩara 'taɩn jre le?»

'Nyügälɩjawii 16:14

'A domüüa ‑sisi nö ‑saragbi. 'Pläa 'fɩɔa 'kɩɩɩa 'pɛlɩ 'ü mö 'ümä 'üün ‑gbapapla 'ümä tou ‑fu 'Nɩmrɛɛ Nyɔsʋaa ‑srɩ kpakia 'taɩn 'lɩ.

Lukë 4:5

Sataan nya fa 'ɔɔn 'dʋgba kpakö 'wli, 'a ‑plɩɩ 'ɔ kʋ dotro 'ɔnya srara 'ɔɔn ‑tʋtʋ ‑gälɩa ‑glügbüa 'fɩɔ.

Akëtë 1:2

'ii 'ɔ nʋ nʋ 'ɔa cɛa 'mlɩa 'jrarajrüü nya jrälɩ. 'Ɔ ‑kaaŋlʋa cɛa 'mlɩ 'jra nɩ, 'Nyüna ‑Susu nya ‑srörö 'ɔɔn kälɩ 'ɔnya ‑gbala nyüülü 'ɔ nröröa' apotrë 'lɩ.

Akëtë 11:28

'Üa ‑tɔrʋpɩɔa 'doolɔ bäa' 'lɩ 'ü 'daraa' Agabusë, 'ɔnya sɔwʋ, 'Nyüna ‑Susu nya ‑srörö 'ɔɔn kälɩ 'unya ‑gbala nyüü ‑maa ‑gbëkananie nya ‑tʋtʋa 'fɩɔ ‑gälɩ palaa. 'I nrörö kä Sesaa Kloodëa 'taɩn 'lɩ.

Matiö 18:19

«'Amɔ 'n ‑gbala, 'pɩrɩgälɩ 'nɩ, 'ana ‑tɔrʋpɩɔa nyüü 'sɔɔ ma 'nönröwli ‑bɛ üma ‑sɛ dɛɛ o dɛɛ nɩ, 'na Tʋlɔ bäa' cɛlɩ nya 'ümɩ 'ɛɛn ‑nyɩa.

Lukë 2:1

'A 'ia 'taɩn 'lɩa mlɩ 'kɩɩ kpakölɔ 'ü 'daraa' Sesaa Ogusë ‑jɩjra ‑pɔɔkʋ ü ‑jɩjra nyüülü kä 'fɩɔ bäa' Rɔmëa ‑tʋtʋ ‑gälɩa 'nyrɩ.

Marëkë 13:10

‑Maa abɩa 'mʋfagogo 'sara ‑kätɩ ‑tʋtʋ ‑gälɩa ‑glügbüa 'fɩɔa 'mlɩ.

Akëtë 17:31

'be 'ɔ ‑tʋ 'lɩ jrüülü kä 'mlɩ 'ɔmäa' nyüüa 'fɩɔa ‑gä tʋ 'cɩcasa 'lɩ. Nyɔɔ 'doo 'ɔ 'baalɩ 'ɔɔ 'ɔ ‑nyɩ 'iin kälɩ. 'Taɩn 'lɩ 'ɔ 'baa' 'ɔɔn jäjänyüüa 'bre nɩ, 'ɔ srara 'ɔɔn nyüüa 'fɩɔ, 'ümä 'iin jä 'sɩrɩ 'ɔɔ Nyɔsʋa 'baalɩ.»

Akëtë 19:27

‑Yɛɛ, ana 'jrʋpa nya bʋblɔa ‑tɛɛ, ‑maa ana nyɔsʋa kpakö Atemesëa nyuku ‑nëmä ‑gbaa ‑a kä, nyukulu kä ‑wälɩ Asiia 'fɩɔ nyra 'blɩa 'pläa 'fɩɔ ‑pʋpʋaa'. 'Ua 'nyrɩ ‑ka ‑nëmä mi ‑a mi.»

Ebröönyüü 1:6

'Sɔɔwʋ nɩ, 'ɔ jaa' 'ɔa ‑Kätɩ 'Jʋ 'pläa 'mlɩ nɩ, 'ɔ nɩnɩa: Abɩa Nyɔsʋaa 'aanjëɩɩa 'fɩɔ trara 'ɔɔn 'wli !

Ebröönyüü 2:5

'Plälä jöa' ä kä ‑gä a 'paaa' nɩ, ‑mää 'aanjë Nyɔsʋa 'nyɩ 'äa 'klü ‑gälɩkäläkʋa 'klü ‑nyɩ.