Matiö 22:24 - Kuö Dëdrä Jenɛɛsë Rutë

²⁴ «'Kpɩkpɩanyɔɔ, Moisë ‑gbala amɩ: ‹Nyɔɔ ma jä ‑bɛ 'ɔ ma 'nyɩ 'jʋ ‑a kä nɩ, 'ɔa ‑wlajʋ kä 'kusroŋlʋʋlɔ 'ɔ nyra 'ɔɔn 'mä nyɔɔlɔa 'jü ‑gu.›

Matiö 22:24 Referans Kwoze

Lukë 20:28

«'Kpɩkpɩanyɔɔ, Moisëa ‑dɔ ‑gbalaa' amɩ nɩ: ‹Nyɔɔa ‑wlajʋ nyra 'ɔa 'ŋlʋʋ ma 'nyɩ 'jʋ ‑a ‑gu ‑bɛ ɔma jä nɩ, 'ɔa ‑wlajʋ kä 'kusroŋlʋʋlɔ 'ɔ nyra 'ɔɔn 'mä 'ɔa ‑wlajʋa 'jü ‑gu.›

Marëkë 12:19

«'Kpɩkpɩanyɔɔ, ‑jää 'sɩ Moisëa ‑dɔ ‑gbalaa' amɩ nɩ: ‹Nyɔɔa ‑wlajʋ nyra 'ɔa 'ŋlʋʋ ma 'nyɩ 'jʋ ‑a ‑gu ‑bɛ ɔma jä nɩ, 'ɔa ‑wlajʋ kä 'kusroŋlʋʋlɔ 'ɔ nyra 'ɔɔn 'mä 'ɔa ‑wlajʋa 'jü ‑gu.›

Lukë 6:46

«Dɛplɛɛ kä ‑gʋ 'a nö ‑maa: 'Pläkänyɔɔ, 'Pläkänyɔɔ, ‑bɛ 'anyɩ nʋ wiili 'n ‑gbalaa' 'amɩ le?

Matiö 22:36

«'Kpɩkpɩanyɔɔ, ‑dɔa 'fɩɔa ‑tɔrʋpɩɔ, ‑mʋ 'plɛɛ ‑siwʋ le?»

Matiö 22:16

'Ünya blɔ 'üa 'wʋnyɛrɛnyüü nyra Erɔɔdëa nyüü Jesu dɛrɩ, ü 'bete 'ɔɔn: «'Kpɩkpɩanyɔɔ, a jre 'iin 'sɩrɩ ‑saaa' 'lɩ 'cɩcasa, ‑bɛ ‑kpɩaa' 'cɩcasa Nyɔsʋaa 'nyʋfɔ. Nyɔɔ 'nyɩ ‑mɩ ŋalɛ 'wʋ ‑a kä, ‑nyɩ ‑gbasa nyüü 'lɩ ‑a.

Matiö 7:21

«‑Mää nyüülü kä 'fɩɔ werea' 'mɩ: ‹'Pläkänyɔɔ, 'Pläkänyɔɔ› nɩ, ‑mää ‑nëmä cɛɩɩa 'kamapläa 'mlɩ pa. Nyɔɔlɔ nöa' wiili 'na Tʋlɔ bäa' cɛlɩ ‑gbala 'ɔɔn nɩ, 'ɔa 'doo nëmä 'lɩ pa.

Rutë 1:11

‑Maa Naomii ‑nëma: «'Ba 'blöö, 'na 'ŋlëkayerü 'amɩ! Dɛplɛɛ kä ‑gʋ 'nyraa 'amɔ 'mä 'mi le? 'Na 'mlɩ ‑ka bä nyɩbɛjü 'mä 'üün ‑gu 'ümä 'amɩ kä?

Jenɛɛsë 38:11

'Ii känyrɩ Judaa nya ‑gbala 'ɔa 'jʋa 'ŋlʋʋ Tamarë ‑maa: «'Be 'na 'jʋ Sela ‑ka bä 'jʋjɔ, 'ii känyrɩ 'kusroŋlʋʋ bä, ‑maa mi ‑kätɩ ‑a kʋ ‑na tʋa ‑nyɛɛ, 'na 'jʋ 'mä 'bʋa 'fɩɔwʋ.» 'Be ŋalɛ 'blaa 'ɔmɩ 'ɔa 'jʋ ‑pɩ bɩa jä ‑beere 'ɔa ‑wlajü. Tamarë nya mi 'ɔa tʋa ‑nyɛɛ.

Jenɛɛsë 38:8

Judaa nya ‑gbala Ona: «Mi ‑a kä ‑na ‑wlajʋa 'kusroŋlʋʋ, 'kä nyra 'ɔɔn ‑guuö 'jü ‑na ‑wlajʋa 'nyrɩ ‑pɩ tɩɔ.»

Rutë 3:13

'Prere ‑pɩ. ‑Srɩ ma pa nɩ, amä 'iin 'jä ɔma nya 'nyie 'sɩrɩ 'ɔɔ bäa' ‑na käkänyɔɔ. Ɔma 'nyie, 'i 'na ɔ nʋ 'imɩ. Ɔma 'blara 'sɩrɩ 'ɔɔ käa' ‑mɩ 'klɩ nɩ, Yawea 'nyrɩklɩ 'nyaa 'iin nʋa! 'Pi, ‑srɩ 'mä amɩ jrä.»

Rutë 4:5

Boasë ‑nëma: «‑Ama dɔrɔ ‑putulu 'wʋ Naomiia kälɩ nɩ, ‑kä ‑mä bɩa 'ɔɔn 'ɔa 'jʋlɔ jäa' a 'ŋlʋʋ Moabëyria Rutë kälɩ 'ba, ‑mä 'ɔa 'jü ‑gu 'ɔa ‑jaaa ‑pɩ tɩɔ.»

Matiö 22:25

‑Bɛ ana ‑tɔrʋpɩɔ nɩ, a kä kä ‑wlajü ‑uunsɔɔ. Kpaköa nɔ ‑kätɩ 'ti, 'ɔnyɩ 'jʋ ‑a ‑gu 'ɔnya jä. 'Ɔa ‑wlajʋ 'doo nya dɔrɔ 'ŋlʋʋlɔ 'wʋ.

Lukë 20:33

'I 'na ɔ, nyüü ma sɔ ‑srɩɩ 'kuaabre, ‑mɔ 'plɛɛ nya 'ŋlʋʋlɔ kä ɔ le? 'Be 'ɔ kä 'üa ‑uunsɔɔa 'fɩɔ ‑o?»