22 'Ü 'nua' 'iin 'wli nɩ, 'üa plɛklɩkala. 'Ünya ‑sɔ 'ɔɔn ‑gba, 'ünya mi.
'Ü jre 'iin 'sɩrɩ tapönänälä Jesu 'paa' käläa' 'üün ‑gba. 'Ia ‑gʋ 'ü 'bata 'ümä 'ɔɔn 'kpla, ‑maa nyüülü ‑gblɔɔa' ‑plɩɩ 'kä 'üa ŋalɛ 'blaa 'üün. 'Ünya 'cɛrɛ 'ɔɔn ‑wälɩ 'ünya mi.
Abɩa Nyɔsʋaa ‑gbinanakʋ nyra 'cɩcawii 'si 'taɩn a 'fɩɔ 'lɩ 'ana mlɩ, 'amä nyüüa ‑gälɩ 'sasakʋ jre.
‑Maa 'ünyɩ 'ɔɔn du ‑a du dɛtʋa 'mlɩ, 'be 'Nyüna ‑Susu ‑nyɛɛ 'ɔɔn dɛtʋa jejrekʋ.
Nyɔɔ 'doo 'nyɩ 'lɩ ‑a bä 'ɔmä 'ɔɔn ‑gälɩsa. Sɔrɔ 'ia jrüülüa ‑gälɩ, nyɔɔ ‑kanyɩ 'ɔɔn 'bete ‑a 'bete.
Nyüülü 'nua' 'iin 'wli nɩ, 'i kala 'üün plɛklɩ.
«'Ba mi! Blɔ 'n blɔ 'amɩ ‑beere ‑bablëëjü bä 'klʋɛɛa ‑fäa ‑tɔrʋpɩɔ. 'Ia ‑gʋ 'ba ‑tre 'ana nyüfë ‑beere ‑trii ‑bɛ 'ba 'wlalɩkä ‑beere ‑sögü.
'Be 'mɔɔ nëmä 'ana mlɩ wii 'pa; 'mɔɔ nëmä 'amɩ 'lɩgaglakʋ ‑nyɩ. 'Ana 'nyüamlɩjraranyüüa 'fɩɔ ‑nëmä 'amɩ ‑a du 'papawii 'lɩ, 'ü ‑nëmä 'amɩ 'klɩ ‑a 'nyüglö.
Jesu 'nua' 'iin 'wli nɩ, 'i kala 'ɔɔn plɛklɩ. 'Ɔnya ‑gbala nyüülü prɛa' 'ɔɔn dɛrɩ ‑maa: «'Cɩcasa 'n ‑gbala 'amɩ, 'nyɩ 'samaa plɛtoronyɔɔ Israɛɛlënyüüa 'mʋgbɛa ‑tɔrʋpɩɔ ‑a 'järä.