Matiö 21:41 - Kuö Dëdrä Jenɛɛsë Rutë

⁴¹ 'Iibäa' 'üün nɩ: «Nyatɛrɩ ‑nëmä 'nɩmɩ 'ɔɔn 'bla ‑a 'bla 'kä 'ɔnya 'jrʋpafɛnyüülü 'blaa, 'kä 'ɔnya 'lɩ 'jrʋpafɛnyüü ‑mölöö ‑tʋ, 'ü nëmä 'ɔɔn 'ɔa nɛ ‑nyɩ 'ɛa 'sasataɩn.»

Matiö 21:41 Referans Kwoze

Akëtë 18:6

Juifënyüü 'nyɩ 'ɔɔn 'casɩ ‑a ‑nyɩ, 'ünya ‑jejre 'ɔɔn. 'Ia ‑gʋ 'Pɔɔlë nya ‑gbɔplɔ 'lɩ 'ɔa 'koti 'ɔnya ‑gbala 'üün: «Abɩa 'ana ‑toru ‑gblɔɔ 'ana 'wli 'kä! 'Mɔɔlɔ 'nyɩ 'lɩ 'mlɩ ‑a bä! 'Bala 'saarɩ ‑gälɩ nɩ, nyüülü 'nyɩa' juifë bä, 'üa ‑nyɛɛ 'n mö.»

Matiö 21:43

'A 'ia ‑gʋ 'n ‑gbala 'amɩ 'sɔɔwʋ: «'Ünya 'amɩ Nyɔsʋaa 'kamaplä kälɩ 'baa, 'kä 'ünya 'ään nyüülü käa' 'cɩcagbi kälɩ ‑nyɩ.

Akëtë 28:28

'Ii känyrɩ, 'ba jresaa Nyɔsʋaa 'lɩmlɩwʋwʋkʋlʋ nɩ, nyüülü 'nyɩa' juifë bä 'üü 'ɔ ‑nyɩ 'ɔa ‑gogo; 'üülü nɩ, 'ünya 'ɔɔn 'nyaklipoa.»

Ebröönyüü 12:25

'Ba ‑tre 'ana nyüfë, nyɔɔlɔ 'paaa' wiia ‑gʋ, 'a ‑pɩ 'ɔa mlɩa wii ‑gbɔ. Nyüülü 'nyɩa' nyɔɔlɔ 'palaa' 'üün wii ‑gba ‑pɩ ‑tʋtʋ ‑gälɩ 'nyaklipo nɩ, 'ünyɩ 'pɔnɩkʋa mlɩ ‑a sɔ. Ana 'mʋgbɛ ama 'nyɩ po nyɔɔlɔ kä 'papawii sɔa' cɛɩɩa 'mlɩ, 'ɔ ‑gbalaa' amɩ 'nyakli ‑a nɩ, 'ɔnya amɩ 'pɔnɩa ‑gböösa.

Ebröönyüü 2:3

‑Asɩ anya 'pɔnɩkʋ mlɩ sɔ ama 'nyɩ 'kpla 'mʋfasa 'samaa 'lɩmlɩwʋwʋkʋ kpakulua wii ‑ale? 'Be 'Pläkänyɔɔ ‑kätɩ ‑gbala amɩ 'lɩmlɩwʋwʋkʋlʋa ‑gä, 'fɩɔwʋ ‑mülü 'nua' 'iin 'wli nya ji 'sɔɔwʋ amɩ 'iin ‑gbala.

1 Tɛsalonikënyüü 2:16

'Ünyɩ ‑nyɩ amɩ 'casɩ ‑a amä nyüülü 'nyɩa' juifë bä wii ‑gba 'pala 'ü ‑pɩ 'lɩmlɩwʋ, 'asɩ 'ü nö 'ü 'papla 'üa ‑balʋ ‑gälɩa 'doo. ‑Maa 'imä 'wlarakalɩ mi nɩ, Nyɔsʋaa 'crɛ blö 'üün ‑gälɩ.

Akëtë 28:8

Publiusëa tʋ 'pi ‑tʋtʋ 'wʋ, ‑tumlɩ nyra 'fʋgbalʋ 'kpla 'ɔɔn. 'Pɔɔlë nya pa 'ɔɔn dɛrɩ 'ɔnya 'pie 'ɔɔn 'dari ‑gälɩ, 'ɔnya bibie Nyɔsʋa, nyɔɔlɔ nya 'pʋ.

Akëtë 15:7

'Ü ‑topoa' ‑topo, Piɛɛrë nya sɔwʋ 'ɔ ‑nëma: «'Na ‑wlajü 'amɩ, 'a jre 'iin, 'i 'saa' 'klɩ dotro 'mɔɔ Nyɔsʋa 'balɩ ana ‑tɔrʋpɩɔ 'mä wii 'pa, nyüülü 'nyɩa' juifë bä 'mä 'Mʋfagogo 'wlinu, ‑bɛ 'ümä nyɔsʋaplɛ nʋ 'ümä 'lɩ 'iin 'kʋɛɛ.

Matiö 3:12

'Ɔ 'klaa 'ɔa papɛɛ kälɩ 'ɔmä ‑bleeejaju nyra 'ɛa frɩ ‑gbasasra, 'ɔmä 'ɛɛn nyiklili 'jrara, ‑maa 'ɔnya 'ɛa frɩ kapulu 'nyɩ bɩaraa' a mlɩ 'pütröa.»

Matiö 21:34

Rɛsɛɛn a 'sasataɩn jräa' 'lɩ nɩ, 'ɔnya blɔ 'ɔa nyüü nyüülü ‑fɛɛɛrɛa' putulua 'mlɩ 'jrʋpa, 'üa ‑nyɛɛ, ü ‑nyɩ 'üün 'ɔa nɛ rɛsɛɛn, ü ja 'ɔmɩ 'ɛɛn.

Matiö 21:40

Jesu nya 'bete 'üün: «Viinyëputukänyɔɔ ma ji nɩ, dɛplɛɛ 'ɔmä 'ia 'jrʋpafɛnyüülü ‑gba nʋ le?»

Lukë 20:16

'Ɔnya jia; 'ɔnya 'jrʋpafɛnyüülü kʋa' ‑pɩ 'blaa, 'kä 'ɔnya 'lɩ 'jrʋpafɛnyüü ‑mölöö ‑tʋ.» Nyüülü 'nua' 'iin 'wli nɩ, 'ü ‑nëma: «'Inyɩ bäsaa!»