Matiö 20:30 - Kuö Dëdrä Jenɛɛsë Rutë

³⁰ ‑Jää 'nɔnɔnyüü 'sɔɔ kʋ ‑plɩɩ 'nyʋfɔ ‑gba. 'Ü 'nua' 'sɩrɩ Jesu ‑sööö ɩa' nɩ, 'ünya ‑gbolomlɩ 'ünya we: «'Pläkänyɔɔ, Daviidëa 'Jʋ, 'jä ana nyatɛrɩ!»

Matiö 20:30 Referans Kwoze

Marëkë 10:46

'Ünya 'tɔ Jerikoo. Jesu nyra 'ɔa 'wʋnyɛrɛnyüü 'cie ɩ bätä, ‑bɛ nyüü 'kɔkɔmlɛ bä 'üün dɛrɩ. 'Nɔnɔnyɔɔ 'doo bälɩ 'ɔɔ 'ü 'dara Batimee, Timieea 'jʋ. 'Ɔ kʋ ‑plɩɩ 'nyʋfɔ ‑gba ‑bɛ 'ɔ ‑sɛɛɛ mölii.

Matiö 22:42

«Wii 'plɛɛ 'a jrere 'Kriisë ‑gälɩ le? Nyɔɔ 'plɛɛ kä 'jʋ 'ɔ bä le?» 'Iibäa' 'üün nɩ: «Daviidëa 'jʋ 'ɔ bä.»

Matiö 21:14

'Nɔnɔnyüü nyra kpakpanyüü nya jijrö 'ɔɔn ‑gba Nyɔsʋaanyuku kpaku ‑wälɩ 'ɔnya 'pʋɔ 'üün.

Matiö 21:9

Nyüülü 'nyɛrɛa' 'ɔa 'klɩ nyra ‑mülü bäa' 'ɔa dɛrɩ 'kpöö ‑bɛ 'ü nö: «Osana , Daviidëa 'Jʋ! ‑Jɔrʋ pala nyɔɔlɔ jröröa' 'Pläkänyɔɔa 'nyrɩklɩ! Osana, a 'bʋala Nyɔsʋalɔ bäa' cɛlɩ !»

Akëtë 2:30

‑Maa 'ɔ bäa' nyɔsʋaamlɩpalanyɔɔ ‑bɛ 'ɔ jre 'iin 'sɩrɩ Nyɔsʋa 'sɔrɩa', ‑bɛ 'ɔ ‑gbalaa' 'ɔɔn ‑maa 'ɔa 'jüa ‑tɔrʋpɩɔ 'ɔmä ‑srɩɩ nyɔɔ 'ba 'ɔmä 'ɔa 'kɩɩkpata ‑gälɩ kʋ.

Lukë 7:21

'A 'ia 'taɩn 'doo 'lɩa mlɩ, Jesu ‑futo ‑wusublanyüü 'kɔkɔmlɛ nyra nyüü ‑mülü bäa' ‑sʋɩ 'lɩ. 'Ɔnya prɛ ‑balʋsisili bä ɩa' nyüü ‑mölöö 'lɩ. 'Ɔnya ‑jie 'nɔnɔnyüü 'kɔkɔmlɛa 'nyü 'ünya 'jäkä.

Lukë 4:18

'Pläkänyɔɔa ‑Susu bä 'mɩ ‑gälɩ, 'ɔnya 'balɩ 'mɩ 'mä 'pʋablanyüü 'Mʋfagogo 'sa. 'Ɔ blɔ 'mɩ 'mä nyüülü ‑kanyɩa' plɛtorofa kä plɛlɩpa ; 'mä ‑jienyüü ‑gbala 'sɩrɩ 'ü ‑kanyɩa' ‑jienyüü bä, ‑bɛ 'mä 'nɔnɔnyüü ‑gbala, 'ü 'mrɛɛ 'ü 'jäkä, 'mä nyüülü 'jääa' ‑sʋɩ, ‑sʋɩ 'lɩ 'ba .

Matiö 15:22

‑Jää Kanaan a 'brea 'ŋlʋʋ 'doo ma bäa' 'lɩ, 'ɔnya jijrö 'ɔɔn ‑gba 'ɔnya 'pawii ‑gböösa 'ɔ ‑nëmä: «'Pläkänyɔɔ, Daviidëa 'Jʋ, 'jä 'na nyatɛrɩ! Domoo sɩara 'na 'ŋlëkayria ‑gböösa!»

Matiö 13:4

'Asɩ 'ɔ ‑gbaaa' 'iin ‑bɛ 'ɔ möa' nɩ, 'jaju ‑moloo böblö 'nyʋfɔ 'mlɩ, 'kä nyisie jö 'ua 'fɩɔ.

Matiö 20:31

‑Jria nya fa 'üün 'mä dɛrɩ ü 'kpla 'mä; ‑maa 'ünya 'kpölɩkä ‑gböösa: «'Pläkänyɔɔ, Daviidëa 'Jʋ, 'jä ana nyatɛrɩ!»