Matiö 20:26 - Kuö Dëdrä Jenɛɛsë Rutë

²⁶ 'Inyɩ bä 'ana ‑tɔrʋpɩɔ. ‑Maa nyɔɔlɔ 'bataa' 'ɔmäa' kpaköa nɔ bä 'ana ‑tɔrʋpɩɔ nɩ, ɔ bä 'ana 'jrʋpafɛnyɔɔ;

Matiö 20:26 Referans Kwoze

Marëkë 10:43

'Inyɩ bä 'ana ‑tɔrʋpɩɔ. ‑Maa nyɔɔlɔ 'bata 'ɔmäa' kpaköa nɔ bä 'ana ‑tɔrʋpɩɔ nɩ, ɔ bä 'ana 'jrʋpafɛnyɔɔ;

Marëkë 10:45

Nyɔɔa 'Jʋ 'nyɩ ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

Marëkë 9:35

'Ɔnya kʋwälɩ 'ɔnya we nyüüpʋnyüüsɔɔlü, 'ɔnya ‑gbala 'üün: «Nyɔɔ ma 'bata 'ɔɔ 'mä ‑kätɩa nɔ bä nɩ, ɔ bä nyüüa 'fɩɔa 'täpaa nɔ; ɔ bä nyüüa 'fɩɔa 'jrʋpafɛnyɔɔ.»

1 Piɛɛrë 5:3

'Ana 'klügälɩkäläkʋ 'nyɩ nrörö nyüülü 'ü tɩa' 'amɩ ‑gba ‑goou 'lɩ, ‑maa 'ba bä 'üa ‑gʋ ‑gälɩtɛnyüü.

Lukë 18:14

'Amɔ 'n ‑gbala: «‑Taa nyɔɔlɔ nɩ, 'ɔɔ ‑gäklɩ Nyɔsʋaa 'klʋɩ ‑gälɩ 'ɔnya mi ‑gbööli, ‑mää ‑mɔlɔ ‑a; 'be nyɔɔ o nyɔɔ 'jraraa' 'ɔa nyufa 'ɔnya 'wʋcierea, ‑maa nyɔɔlɔ 'ciea' 'ɔa nyufa 'wʋ 'ɔnya 'jraraa.»

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.

Matiö 25:44

'Kä 'üa 'mʋgbɛ nya 'ɔɔn 'bete: ‹'Pläkänyɔɔ, 'taɩn 'plɛɛ 'lɩ a 'jä ‑na ‑gbëkablaa nɔ, ‑bɛ anyɩ ‑mɩ jijrɛ ‑nyɩ le? 'Aiɛ ‑bɛ 'mamlatʋ 'bla ‑mɩ ‑bɛ anyɩ ‑mɩ 'nɩ ‑nyɩ le? 'Taɩn 'plɛɛ 'lɩ ‑bä nyɔtugbanyɔɔ ‑bɛ anyɩ ‑mɩ 'lɩkʋɛɛ le? 'Aiɛ ‑bɛ ‑paa ‑gbagba ‑bɛ anyɩ ‑mɩ 'sroo le? 'Taɩn 'plɛɛ 'lɩ ‑wusu 'bla ‑mɩ, 'aiɛ ‑bɛ ‑bä ‑jie 'lɩ ‑bɛ anyɩ ‑mɩ ‑gbaji le?›

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.

Filemɔɔ 1:13

'N 'bata ɩ ‑a ‑tʋ ɩ 'ɔɔn ‑wälɩ 'ɔmä 'mɩ ‑gbaji ‑na ‑pi 'lɩ ‑tɛ ‑jie 'lɩ 'n bäa' 'Mʋfagogoa ‑gʋ.

2 Timotee 1:18

Abɩa 'Pläkänyɔɔ 'jä 'ɔa nyatɛrɩ ‑Gätʋsrɩ 'lɩ. ‑Na 'mʋgbɛ ‑jre 'wʋ ‑srülü 'ɔ jia' 'mɩ ‑gba Ɛfɛsëbätä.

2 Korɛɛntënyüü 1:24

‑Mää amä 'amɩ dɛɛlɛ 'amäa' plɛtoro 'lɩ kpɛrɛ ‑a, ‑maa 'sɩrɩ amɔ ‑bɛ 'amɔ 'mäa' 'jrʋpa 'wʋfɛrɛ 'ana ‑jɔrʋa ‑gʋ. 'Ii a 'bata; 'be 'ana nyɔsʋaplɛtorokʋ ‑sɔɔrɔwʋ.

Akëtë 13:5

'Ü 'tɔa' Salaminëbätä nɩ, 'ünya 'pala nyɔsʋaawii juifëa 'sraaplanyuku ‑wälɩ. Jaan bä bɩa 'lɩ 'ɔ jö 'üün ‑gba.

Jaan 18:36

'Iibäa' Jesu nɩ: «‑Mää ‑pɩ ‑tʋtʋ ‑gälɩ 'na 'kamaplä 'nyɩ bä. 'Na 'kamaplä ma bä ɩ ‑pɩ ‑tʋtʋ ‑gälɩ nɩ, 'na 'jrʋpafɛnyüü nya ɩ 'na 'wli 'lɩa tou ‑fua, 'nyɩ ‑pɩ juifë kälɩ blö. ‑Maa ‑mää 'iin ‑a, 'na 'kamaplä 'nyɩ ‑pɩ ‑tʋtʋ ‑gälɩ ‑a bä.»

Matiö 27:55

'Ŋlëgë 'kɔkɔmlɛ bä ɩ 'lɩ, 'ü tʋŋlɔlɩdɛrɩ ‑bɛ 'ü ‑pʋpɔ. 'A 'ŋlëgëlü ma jaraa' Jesu, ü ma käläa' 'ɔa wii ‑gba 'bala Galilee.

'Nyügälɩjawii 17:6

'Nyaa 'jä 'ŋlʋʋlɔa 'nʋ 'blaa nɔ. Nyɔsʋaanyünanyüü nyra nyüülü 'paa' Jesua ‑gä, 'üa ‑toru 'ɔ 'mla. 'N 'jäa' 'ɔɔn, 'na plɛklɩkala ‑gböösa.

Matiö 20:27

‑bɛ nyɔɔ o nyɔɔ bäa' 'ana ‑tɔrʋpɩɔ ɔ 'bataa' 'wliklɩa kʋkʋkʋ nɩ, ɔ bä 'ana ‑geei.

Lukë 22:26

‑Maa 'inyɩ bä 'ana ‑tɔrʋpɩɔ! Nyɔɔlɔ 'bata 'ɔmäa' 'ana ‑tɔrʋpɩɔa nyɔɔkpakü bä nɩ, ɔ bä 'ana blaaa nɔ; nyɔɔ 'bataa' 'kamakʋ 'ana ‑tɔrʋpɩɔ nɩ, ɔ bä 'ana 'fɩɔa 'jrʋpafɛnyɔɔ.