Matiö 19:29 - Kuö Dëdrä Jenɛɛsë Rutë

²⁹ ‑Bɛ nyɔɔ o nyɔɔ ma ‑gba ‑nyɛɛ 'ɔa nyëka 'kä, 'palɩ 'ɔa ‑wlajü, ‑wlayörü, tʋ, 'yio, 'ŋlʋʋ, 'jü, 'aiɛ 'ɔa papladii, 'kä 'na 'nyrɩklɩa ‑gʋ, 'ɔnya 'iin 'wʋ ‑glʋɩgböö 'wʋ 'järäa, 'kä 'ɔnya 'klälä 'nyɩa' blöröfa kä 'jä.

Matiö 19:29 Referans Kwoze

Filipënyüü 3:8

'Pɩrɩgälɩ nɩ, 'Kriisë Jesua jejrekʋa ‑gʋ 'n 'jää diia 'fɩɔwʋ ‑beere diili 'nyɩa' ‑tɔɔ kä. 'Na 'Pläkänyɔɔ 'Kriisëlɔ 'n toroa' plɛ, 'ɔɔ bä 'cɩca wiili. 'Ɔa ‑gʋ 'n 'nyiere diia 'fɩɔa ‑wälɩcɛrɛkʋ 'klɩ, ‑yɛɛ, 'n 'jää 'iin 'wʋ ‑beere dɛɛ 'ü bea' 'kʋtʋfʋ ‑gälɩ, 'kä 'mä 'Kriisë 'kpla;

Lukë 14:26

«Nyɔɔ ma 'daa nyra 'ɔɔn 'mä 'nyɛ, ‑bɛ ɔma 'nyɩ 'mɩ ‑a ‑wa ɔma 'nyɩ 'ɔa tʋ nyra 'ɔa 'yio 'wʋ ‑a ‑si, ɔma 'nyɩ 'ɔa 'ŋlʋʋ nyra 'ɔa 'jü 'wʋ ‑a ‑si, ɔma 'nyɩ 'ɔa ‑wlajü nyra 'ɔa ‑wlayörü 'wʋ ‑a ‑si, ‑bɛ ɔma 'nyɩ 'mɩ ‑a ‑wa, ɔma 'nyɩ 'ɔa 'mʋgbɛa 'klä 'wʋ ‑a ‑si nɩ, 'ɔnyɩ 'lɩ ‑a bɩa 'ɔmä 'na 'wʋnyɛrɛnyɔɔ bä.

Matiö 16:25

‑A ‑gbala 'amɩ, nyɔɔ o nyɔɔ 'bataa' 'ɔa 'kläa ‑wälɩtʋtʋkʋ nɩ, 'ɔnya 'ään 'mɔlɔa. ‑Maa nyɔɔ o nyɔɔ 'mɔlɔa' 'ɔa 'klä 'na ‑gʋ nɩ, 'ɔnya 'ään 'jäa.

Matiö 6:33

'Ba 'bata ‑kätɩ Nyɔsʋaa 'kamaplä nyra 'ɔa 'klɩgägäkʋ, ‑bɛ 'ɔmä 'lɩ 'amɩ ‑taa diilia 'fɩɔ 'wlibɩa.

1 Piɛɛrë 4:14

Nyüü ma ‑jejre 'amɩ 'Kriisëa ‑gʋ nɩ, i bä 'ana dɔrʋ, 'be ‑Susulu käa' 'bʋalakʋ, Nyɔsʋaa ‑Susu, 'uu bä 'amɩ ‑gälɩ. 'Üa ‑nyɛɛ ‑jejre 'ü ‑jejre 'ɔɔn, ‑maa 'ana në 'pɛlɩ nɩ 'ɔ 'bʋala.

Matiö 10:22

Nyüüa 'fɩɔ nëmä 'amɩ 'nyüamlɩjraraa 'na 'nyrɩa ‑gʋ, ‑maa nyɔɔlɔ ‑nëmäa' 'iin 'klɩfɔlɔ, ɔmäa' 'ia bɩarafa 'wʋ 'tɔ nɩ, 'ɔnya 'lɩmlɩwʋa.

Jaan 15:19

'Ama bä ɩ 'pläa 'mlɩa nyüü nɩ, 'plä nya ɩ 'amɩ ‑waa, 'be 'äa nü 'a bä. ‑Maa 'n 'baa' 'amɩ 'pläa ‑tɔrʋpɩɔ ‑bɛ 'a ‑kanyɩa' 'pläa nü bä nɩ, 'a 'ia ‑gʋ 'plä jrara 'amɩ 'nyüa 'mlɩ.

Lukë 6:22

«Abɩa dɔrʋ 'bla 'amɩ nyüü ma jrara 'amɩ 'nyüa 'mlɩ, üma 'pala 'amɩ ‑wälɩ, üma ‑jejre 'amɩ, üma bʋblɔ 'ana 'nyrɩ Nyɔɔa 'Jʋa ‑gʋ.

Matiö 5:11

«Abɩa dɔrʋ 'bla 'amɩ nyüü ma ‑jejre 'amɩ, üma nʋ 'amɩ ‑gbi ‑gba, üma 'pa 'ana ‑gʋ bʋbɔwii nyra üma ‑tʋ bɩa 'amɩ ‑gbagblɛ ‑gälɩ 'na ‑gʋ.

1 Korɛɛntënyüü 2:9

‑Maa 'i ‑jɩjra nyɔsʋapɔɔkʋ 'lɩ 'kä: Dɛɛlɛ 'nyiö 'nyɩa' 'jä, ɛ 'nyaklu 'nyɩa' 'wli 'nu, ‑bɛ wiili 'nyɩa' nyɔɔa plɛklɩ ji, Nyɔsʋa ‑ëlere 'ia 'fɩɔ nyüülü ‑waa' 'ɔɔn, 'üa ‑gʋ .

Akëtë 9:16

‑Sʋɛlɛ kä 'fɩɔ 'ɔmäa' 'jä 'na 'nyrɩklɩa ‑gʋ nɩ, 'nyaa 'ɔmɩ 'ɛɛn sraraa.»

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Matiö 19:16

‑Jää nyɔɔ 'doo ji ɔ 'bete Jesu: «'Cɩca 'kpɩkpɩanyɔɔ, 'cɩcadii 'plɛɛ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?»

Matiö 13:23

‑Maa papladiili blöa' 'mʋfa ‑tʋtʋ ‑gälɩ, 'a nyɔɔlɔ poa' nyɔsʋaawii 'nyakli ‑bɛ 'ɔ 'nöa'. 'Ɔɔ ‑beere papladiili kä ‑gö 'döö tʋäa' ‑glʋɩgböö (100), ‑mölöö tʋäa' ‑glʋɩtää (60), ‑bɛ ‑mölöö tʋäa' ‑glʋ ‑bɛ ‑pʋ (30).»

2 Korɛɛntënyüü 5:16

'A 'ia ‑gʋ, 'bala 'saarɩ ‑gälɩ, 'sɩrɩ ‑pɩ ‑tʋtʋ ‑gälɩa nyɔɔ bäa' ‑mää 'sɩ anyɩ 'jä nyɔɔ 'wʋ. ‑Bakää a 'kpla kä 'saa 'Kriisë nɩ, 'köklesa ‑plɩɩ nɩ, ‑mää 'sɩ a ‑kanyɩ 'kpla 'ɔɔn.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Matiö 13:8

‑Moloo nya böblö 'mʋfa ‑tʋtʋ 'lɩ; 'unya ‑ga, 'unya tʋ 'mʋfasa. ‑Gö ‑mölöö tʋä 'jajua ‑glʋɩgböö (100), ‑mölöö tʋä 'jajua ‑glʋɩtää (60), ‑bɛ ‑mölöö tʋä 'jaju ‑glʋ 'jaju ‑pʋ (30).

3 Jaan 1:7

'Be Jesua 'nyrɩa ‑gʋ 'ü mi, 'ü ‑pɩ bɩa nyüülü 'nyɩa' Nyɔsʋa jre 'üa kälɩa dɛɛ ‑gbafɛ.

Lukë 5:11

'Ü jaa' ‑goli 'nie 'mäklɩ nɩ, 'a ‑plɩɩ 'ü tɩ 'üa diia 'fɩɔ 'ünya ‑mɛ 'ɔɔn ‑gälɩ.

Jaan 4:36

Nyɔɔlɔ möa' ‑gbaakalɩ, 'ü 'baalɩ 'kä 'ü ‑nyɛɛɛ 'ɔɔn, 'ɛɛ 'ɔ ‑tʋʋä ‑wälɩ 'klälä 'nyɩa' blöröfa käa ‑gʋ. 'Ia 'taɩn 'lɩ, nyɔɔlɔ ‑goooa' ‑bɛ ‑mɔlɔ 'bööa' nö dɔrʋ.