Matiö 19:22 - Kuö Dëdrä Jenɛɛsë Rutë

²² ‑Maa ‑sëgbanyʋklɔlɔ 'nua' ‑taa wiili 'wli nɩ, 'ɔa 'klü jä 'lɩ ‑bɛ 'ɔ mö, 'be 'ɔ kä dii 'kɔkɔmlɛ.

Matiö 19:22 Referans Kwoze

Matiö 6:24

«Nyɔɔ 'nyɩ 'lɩ ‑a bä 'ɔmä 'kamanyüü 'sɔɔa 'jrʋpa 'wʋfɛrɛ. 'Ɔnya 'doo 'nyüamlɩjraraa 'kä 'ɔnya ‑mɔlɔ ‑wa. 'Aiɛ 'ɔnya 'lɩ 'doo ‑trääräa ‑gböösa, 'kä 'ɔnya ‑mɔlɔ sawʋ 'pa. 'Anyɩ 'lɩ ‑a bɩa 'amä Nyɔsʋaa 'jrʋpa nyra möliia 'jrʋpa 'wʋ ‑fɛrɛ.

Matiö 13:22

Papladiili blöa' nänëa mlɩ nɩ, 'a nyɔɔlɔ 'nööa' nyɔsʋaawii 'wli, ‑maa 'ɔa plɛ ‑ka bä ‑tʋtʋ ‑gälɩa dii dɛrɩ, 'ɔa 'nyü ‑ka fɔlɔa' 'bɩɔ dɛrɩ 'fʋflɛsa. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

Ɛfɛsënyüü 5:5

‑Bɛ 'ba jre bɩa 'saa nyɔɔlɔ nöa' ‑sagbili Nyɔsʋa 'nyɩ 'bataa', 'aiɛ ɔ nöa' diili plaa' ‑fre 'lɩ, 'aiɛ ɔ käa' tɛ, 'iibä ‑a ‑tɩ ‑plɩɩ Nyɔsʋa ‑bɛ ‑a bibie dii ‑mɩdoo. 'Ia nyɔɔlɔ ‑nëmä ‑jaaa ‑a ji 'Kriisë nyra Nyɔsʋaa 'kamapläa 'mlɩ.

Marëkë 10:22

‑Maa nyɔɔlɔ 'nua' wiili Jesu 'paa' 'wli nɩ, 'inyɩ 'ɔa plɛ ‑a 'bla; 'ɔa 'koi 'jɔklɔ ‑bɛ 'ɔ mö; 'be 'ɔ kä dii 'kɔkɔmlɛ.

Matiö 16:26

‑Bɛ 'sɔɔwʋ nɩ, nyɔɔ ma 'sa 'ɔa 'klä ‑bɛ ɔma ji 'plä 'wʋa 'bɩɔa 'fɩɔ nɩ, ‑gbaa 'plɛɛ 'u kä le? Dɛplɛɛ 'ɔ ‑ka 'mä ‑plɩɩ 'sa, ‑bɛ 'ɔmä 'lɩ 'ɔa 'klä mlɩ 'ba le?

Lukë 18:23

‑Maa 'ɔ 'nua' wiili Jesu 'paa' 'wli nɩ, 'i pala 'ɔɔn sɩɔ, 'be 'ɔ ji 'bɩɔ ‑gböösa.

Matiö 14:9

'I pa 'kɩɩ ‑gba, ‑maa 'be tuponyüüa 'fɩɔa 'klɩ 'ɔnya 'pa kä wiili, 'ia ‑gʋ 'ɔ ‑nëma 'ü ja 'iin 'ŋlëkayrialɔ.

Marëkë 6:26

'I pa 'kɩɩ ‑gba, ‑maa 'be tuponyüüa 'fɩɔa 'klɩ 'ɔnya 'pa kä wiili, 'üa ‑gʋ, 'ɔnyɩ 'lɩ ‑a bɩa ɔ blara 'ŋlëkayrialɔ 'klɩ.

Matiö 19:21

Jesu nya ‑gbala 'ɔɔn: «‑Ama 'bata ‑mä 'wlijrä nɩ, mi, 'pa diili kä 'fɩɔ ‑klaaa' 'peru, ‑nyɩ 'iin 'pʋablanyüü, ‑bɛ ‑mä 'bɩɔ cɛlɩ kälä, 'kä ‑jö ‑bɛ 'nyraa ‑mɔ 'mä 'nyɛ.»

Matiö 19:23

Jesu nya ‑gbala 'ɔa 'wʋnyɛrɛnyüü ‑maa: «'Cɩcasa 'n ‑gbala 'amɩ, 'inya 'lɩklaa 'kä 'bɩɔjinyɔɔ 'mä cɛɩɩa 'kamapläa 'mlɩ pa.»

Jaan 16:20

'Tasɩrɩa 'cɩcasa 'n ‑gbala 'amɩ, 'anya 'wua, 'anya ‑sɩsraa, ‑bɛ dɔrʋ nya 'plä 'blaa. 'Anya 'kpɔɔa, ‑maa 'ana 'kpɔkpɔɔkʋ nya dɔrʋ 'lɩ ‑sröröa.