Matiö 19:16 - Kuö Dëdrä Jenɛɛsë Rutë

¹⁶ ‑Jää nyɔɔ 'doo ji ɔ 'bete Jesu: «'Cɩca 'kpɩkpɩanyɔɔ, 'cɩcadii 'plɛɛ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?»

Matiö 19:16 Referans Kwoze

Judë 1:21

'Ba kʋ Nyɔsʋaa ‑wawakʋ 'lɩ, ‑bɛ 'ba ‑glaaa ana 'Pläkänyɔɔ Jesu 'Kriisëlɔ ‑nyɛɛa' 'klälä 'nyɩa' blöröfa kä, 'ɔa nyatɛrɩ.

Jaan 3:15

‑bɛ ü kä 'fɩɔ toroa' 'ɔɔn plɛ ‑pɩ jä, ‑maa 'ümä 'klälä 'nyɩa' blöröfa kä 'jä.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

1 Jaan 1:2

'Klälä srara 'äa nyufa: anya 'jäjrä 'ämɩ, 'a 'äa ‑gä a 'paa. 'A 'klälä 'nyɩa' blöröfa kä ‑bɛ ä bä käa' Tʋa ‑gba, ä sraraa' amɩ 'äa nyufa nɩ, 'äa ‑gä a ‑gbala 'amɩ.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Titë 3:7

amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

1 Jaan 2:25

‑Bɛ dɛɛlɛ 'ɔ 'daaa' 'ɔmäa' amɩ ‑nyɩ nɩ, 'ɛɛ bä 'klälä 'nyɩa' blöröfa kä.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

1 Timotee 6:19

Üma nʋ 'imɩ nɩ, 'ünya 'cɩca 'bɩɔ ‑gbapaplaa, u 'surua' ‑sraakäpɩa ‑gʋ ‑bɛ 'ümä 'klälä 'nyɩa' blöröfa kä 'jä.

1 Timotee 6:12

‑Fu 'cɩca ‑golulu bäa' nyɔsʋaplɛtorokʋ; 'kpla ‑gböösa 'klälä 'nyɩa' blöröfa kä. 'A 'kläläa ‑gʋ 'ɔ we ‑mɩ. ‑Nya 'nyiere kä Jesu 'klɩ nyüü 'kɔkɔmlɛa 'klʋɩ.

Akëtë 16:30

'Ɔnya 'cie 'üün, 'ɔnya 'bete 'üün: «'Na nyüü 'amɩ, dɛplɛɛ 'nëmä nʋ ‑bɛ 'mä 'lɩmlɩwʋ le?»

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Jaan 12:25

Nyɔɔlɔ ‑waa' 'ɔa 'klä, 'ɔnya 'ään 'mɔlɔa. ‑Maa nyɔɔlɔ 'nyɩa' 'ɔa 'klä ‑wa ‑pɩ ‑tʋtʋ ‑gälɩ nɩ, 'ɔ ‑nëmä 'ään 'mɔlɔ ‑a 'mɔlɔ; 'ɔnya 'klälä 'nyɩa' blöröfa kä 'jäa.

Jaan 10:28

'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba.

Jaan 6:68

'Iibäa' Simɔɔ Piɛɛrë nɩ: «'Pläkänyɔɔ, nyɔɔ 'plɛɛ kä ‑nyɛɛ anya ‑plɩɩ mi le? ‑Na mlɩa wii ‑nyɛɛ 'klälä 'nyɩa' blöröfa kä.

Jaan 6:47

'Tasɩrɩa 'cɩcasa 'n ‑gbala 'amɩ, nyɔɔlɔ toroa' 'mɩ plɛ kä 'klälä 'nyɩa' blöröfa kä.

Jaan 5:39

'A ‑täsä 'cɩcasa nyɔsʋapɔɔkʋ 'mʋfasa 'ana plɛ nɩnɩa, 'ii 'mä 'amɩ 'klälä 'nyɩa' blöröfa kä ‑nyɩ, ‑bɛ ‑jɩjradiili, 'ii 'paa 'na ‑gä.

Jaan 4:14

‑maa nyɔɔ o nyɔɔ nëmäa' 'nɩlɩ 'nëmäa' 'ɔɔn ‑nyɩ 'mla nɩ, 'mamlatʋ ‑ka ‑nëmä 'ɔɔn 'bla ‑a 'bla 'plɔʋ, ‑bɛ 'nɩlɩ 'nëmäa' 'ɔɔn ‑nyɩ nɩ, 'inya 'ɔa 'kläa 'mlɩ ‑gbaalaa ‑beere 'niea sɔrɔfa, 'kä 'inya 'ɔɔn 'klälä 'nyɩa' blöröfa kä ‑nyɩ.»

Matiö 19:29

‑Bɛ nyɔɔ o nyɔɔ ma ‑gba ‑nyɛɛ 'ɔa nyëka 'kä, 'palɩ 'ɔa ‑wlajü, ‑wlayörü, tʋ, 'yio, 'ŋlʋʋ, 'jü, 'aiɛ 'ɔa papladii, 'kä 'na 'nyrɩklɩa ‑gʋ, 'ɔnya 'iin 'wʋ ‑glʋɩgböö 'wʋ 'järäa, 'kä 'ɔnya 'klälä 'nyɩa' blöröfa kä 'jä.

1 Timotee 1:16

‑Maa Nyɔsʋa 'jä 'na nyatɛrɩ, 'kä Jesu 'Kriisë 'mä 'mɩ kälɩ ‑srörö, 'mɔɔ bäa' ‑balʋnyüüa 'wliklɩa nɔ nɩ, ‑bɛ 'ɔmä 'ɔa plɛböblökʋa 'fɩɔ srara. 'Ɔ nʋ 'imɩ 'ɔmä nyüü srara 'sɩrɩ 'ɔ 'mrɛɛa' 'ɔmäa' nʋ ‑bɛ nyüülü toroa' 'ɔɔn plɛ 'mäa' 'klälä 'nyɩa' blöröfa kä 'jä.

Matiö 19:26

Jesu nya tɛ 'üün 'klɩ, 'ɔ ‑nëma: «'Inyɩ nʋnʋsa ‑a bä nyɔɔa ‑nyɛɛ, ‑maa Nyɔsʋaa ‑nyɛɛ diia 'fɩɔ bä nʋnʋsa.»

Matiö 19:15

'Ɔnya 'pepe 'üün klʋgbë ‑gälɩ, 'ɔnya sɔwʋ 'ɔnya mi.