Matiö 18:7 - Kuö Dëdrä Jenɛɛsë Rutë

⁷ «Abɩa busukʋ jrä 'plä ‑gälɩ nyüüa 'käkpakpakʋa ‑gʋ. 'Be diili 'kpakpaa' nyüü 'kä ‑nëmä 'üün ‑a wala, ‑maa busukʋ jrä nyɔɔlɔ 'i jaraa' kälɩ ‑gälɩ!

Matiö 18:7 Referans Kwoze

Lukë 17:1

Jesu nya ‑gbala 'ɔa 'wʋnyɛrɛnyüü: «Wii nya 'nyrɩkäa 'kä nyüü nya böblö 'plɔʋplɔʋ. ‑Maa busukʋ jrä nyɔɔlɔ 'i jaraa' kälɩ ‑gälɩ!

1 Korɛɛntënyüü 11:19

Abɩa 'crɛ bäblä 'mlɩ 'ana ‑tɔrʋpɩɔ ‑bɛ ‑mülü ‑trääräa' 'lɩ Nyɔsʋa 'mä jrere.

Matiö 26:24

Mö Nyɔɔa 'Jʋ mö, 'sɩrɩ 'i ‑jɩjraa' nyɔsʋapɔɔkʋ 'lɩ. ‑Maa nyɔɔlɔ 'saa' 'ɔɔn, 'inya bʋbɔa 'ɔa ‑gʋ. 'I ‑si 'wʋ 'kä 'ünyɩ ‑gu ɩ 'ɔmɩ!»

Judë 1:4

'Be nyüü ‑mölöö ‑sisie 'ünya pa 'ana ‑tɔrʋpɩɔ, ‑bɛ 'ünyɩ pɩ Nyɔsʋa ‑a. 'Ü totrolɩ 'papawiili 'paaa' Nyɔsʋaa ‑gbinanakʋ ‑gälɩ, 'ümä ‑gʋ ‑sagbili Nyɔsʋa 'nyɩ 'bataa' nʋ. 'Ünyɩ Jesu 'Kriisëlɔ kä 'doo bäa' ana 'Kamanyɔɔ nyra ana 'Pläkänyɔɔ ‑a jre. Nyɔsʋaa ‑pɔɔkʋ 'a kä 'pɔnɩkʋlʋ ‑glaaa' 'üün 'lɩsa sököö.

Titë 2:8

Abɩa ‑na 'papawii 'na, nyüü ‑pɩ 'iin kälɩsrörö 'ü ‑pɩ ‑mɩ 'daa. ‑Ama nʋ 'saa nɩ, 'nyüsü nya ‑na 'nyüamlɩjraranyüü 'blaa, 'be 'ü ‑nëmä ana ‑gʋ bʋbɔwiia dɛɛ jɔ 'doo ‑a 'pa.

Titë 2:5

'Ü kä 'ümä wiia 'kpakplakʋ jre, 'ünyɩ bä ‑fre 'lɩ, ü ‑gäälä 'üa ‑jarɛ 'nyiöli, ü kä 'cɩcagbi ‑bɛ ü ‑träärälɩ 'üa dʋɔɩɩ ‑gböösa. 'Ia 'taɩn 'lɩ nyüü ‑nëmä nyɔsʋaawiia ‑gʋ bʋbɔwii ‑a 'pa.

1 Timotee 6:1

Nyüülü kä 'fɩɔ bäa' ‑goou kä 'ümä 'lɩ 'üa 'kamanyüü ‑träärä ‑gböösa, nyɔɔ ‑pɩ Nyɔsʋaa 'nyrɩ nyra ana 'kpɩkpɩakʋa ‑gʋ bʋbɔwii 'pa.

Akëtë 1:16

«'Na ‑wlajü 'amɩ, wiili ‑jɩjraa' nyɔsʋapɔɔkʋ 'lɩ kä ɩ 'imä nrörö: 'Nyüna ‑Susu 'tuto Daviidë 'ɔnya tɩ ‑srɩ dɛrɩ, 'ɔnya 'pa Judaa ‑gä, 'sɩrɩ ɔ sraraa' nyüü Jesua ‑pɩɔ ‑bɛ 'ü 'nyüglöa' 'ɔɔn.

Jaan 17:12

'Nyraa 'üün 'sɔ ma bä käa' 'pläa 'mlɩ nɩ, 'mɔɔ ma ‑tʋʋä 'üün 'nyügba ‑na 'nyrɩklɩ. 'N ‑tʋ nyüülü ‑nyɩa' 'mɩ 'nyügba. 'Üa ‑tɔrʋpɩɔa nyɔɔ 'doo 'nyɩ 'mɔlɔ ‑a 'mɔlɔ, ima 'nyɩ ɔ nëmä ɩa' 'mɔlɔ 'ɔa 'doo ‑a bä, wiili ‑jɩjraa' nyɔsʋapɔɔkʋ 'lɩ, 'i jrälɩ.

Marëkë 13:7

‑Srɩ 'lɩ 'amäa' toua 'nyrɩ 'wli 'nu, nyra 'sɩrɩ 'u ‑flooroa' 'plä ‑gälɩ nɩ, 'ana plɛ 'nyɩ ‑gbakä; 'i kä 'imä 'lɩjrä. ‑Maa ‑mää 'pläa bɩarataɩn ‑kaaŋlʋ 'saabä.

Jenɛɛsë 13:7

'Ia ‑gʋ, ‑yrɛ nya blö Abramëa mlaagbanyɛrɛnyüü nyra Lɔɔtëa mlaagbanyɛrɛnyüüa ‑tɔrʋpɩɔ. ‑Bɛ 'ia 'taɩn 'lɩ Kanaanyüü nyra Perisiitënyüü kʋ bɩa ‑tʋtʋlʋa ‑gälɩ.

Matiö 16:23

Jesu nya ‑siekälɩ 'ɔnya ‑gbala Piɛɛrë: «Tʋŋlɔ 'mɩ 'lɩdɛrɩ, Sataan! 'Mɔɔ ‑ji bɔʋdɛrɩ 'pa! Wiili ‑klaaa' ‑plɩɩ, nyüüa ni ‑klaaa, ‑maa ‑mää Nyɔsʋaa ni ‑nyɩ 'klaa!»