Matiö 18:5 - Kuö Dëdrä Jenɛɛsë Rutë

⁵ ‑Bɛ nyɔɔ o nyɔɔ 'kʋɛɛa' 'lɩ 'jʋ o 'jʋ ‑beerea' ‑taa 'jʋlɔ 'na 'nyrɩklɩ nɩ, 'mɔɔ 'ɔ 'kʋɛɛlɩ.

Matiö 18:5 Referans Kwoze

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

Galaatënyüü 4:14

'Na 'jajɛ 'nyɩ kä 'ia 'sa ‑a bä, ‑maa 'anyɩ 'mɩ 'lɩ ‑a 'srara. 'Nyɩ 'amɩ plɛklɩ ‑a 'böbö, ‑maa 'lɩ 'a 'kʋɛɛ 'mɩ ‑beere Nyɔsʋaa 'aanjë, 'i ‑beere 'mɔɔ bä Jesu 'Kriisëa 'mʋgbɛ.

Jaan 13:20

'Tasɩrɩa 'cɩcasa 'n ‑gbala 'amɩ, nyɔɔlɔ 'mäa' 'lɩ 'na bɔblɔnyɔɔ 'kʋɛɛ nɩ, 'mɔɔ 'ɔ 'kʋɛɛlɩ, ‑bɛ nyɔɔlɔ 'kʋɛɛa' 'mɩ 'lɩ nɩ, nyɔɔlɔ blɔa' 'mɩ, 'ɔɔ 'ɔ 'kʋɛɛlɩ.»

Marëkë 9:37

«'Sɩrɩ 'jʋjɔlɔ kʋa' ‑pɩ bäa', nyɔɔ o nyɔɔ 'kʋɛɛa' 'lɩ 'jʋlɔ 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, ‑mää 'na 'doo 'ɔnyɩ 'lɩkʋɛɛ, ‑maa nyɔɔlɔ blɔa' 'mɩ 'ɔɔ 'ɔ 'kʋɛɛlɩ.»

Lukë 9:48

'Ɔnya ‑gbala 'üün: «Nyɔɔ ‑o nyɔɔ 'kʋɛɛa' 'lɩ 'samaa 'jʋjɔlɔ kʋa' ‑pɩ, 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, nyɔɔlɔ blɔa' 'mɩ 'ɔɔ 'ɔ 'kʋɛɛ 'lɩ. ‑Mɔlɔ bäa' 'ana 'fɩɔa dɛrɩ 'täpaa nɔ, 'ɔɔ nëmä 'wliklɩa nɔ bä.»

Marëkë 9:41

Nyɔɔ o nyɔɔ nëmäa' 'amɩ 'mamlanɩa ‑glasɩ 'dee ‑nyɩ 'kä 'Kriisëa nyüü 'a bäa' 'ia ‑gʋ nɩ; 'cɩcasa 'n ‑gbala 'amɩ, 'ia nyɔɔlɔ nya 'pɛɛrɛa 'mʋfagbili 'ɔ nʋa' 'ia ‑gʋ.»

Matiö 25:45

'Kä 'ɔnya 'üün ‑gbalaa: ‹'Cɩcasa 'n ‑gbala 'amɩ, 'asɩ 'anyɩ jia' 'jüplüjielüa ‑tɔrʋpɩɔa 'doo ‑gba nɩ, 'mɔɔ 'a nö 'iin ‑gba.›

Matiö 7:8

'Be nyɔɔ o nyɔɔ ‑sɛa' Nyɔsʋa ‑nyɛɛ 'ɔɔn; nyɔɔlɔ 'bataa' 'ɔ 'jää dɛɛlɛ 'ɔ 'bataa'; 'kä nyɔɔlɔ bɔtɔa' tatu, 'ɔ 'saa 'ɔɔn tatu 'klɩ.

Matiö 18:4

'Ii känyrɩ, nyɔɔ o nyɔɔ 'ciea' 'ɔa nyufa 'wʋ ‑beere 'jʋlɔ kʋa' ‑pɩ nɩ, 'ɔɔ bä 'wʋsia nɔ cɛɩɩa 'kamaplä 'lɩ.

Matiö 18:6

«‑Maa nyɔɔ ma 'tutro ‑taa 'jülü toroa' 'mɩ plɛ, 'üa ‑tɔrʋpɩɔa 'doo ‑balʋ 'lɩ nɩ, 'i ‑siwʋ ü 'pa 'ia nyɔɔlɔ diisrorotäkä ‑susugbee 'kä 'ü bere 'ɔɔn 'taniea ‑fli.