Matiö 18:15 - Kuö Dëdrä Jenɛɛsë Rutë

¹⁵ «‑Na ‑wlajʋ ma nʋ ‑mɩ ‑balʋ ‑gba nɩ, mi ‑a ‑jää 'ɔɔn 'ana 'sɔɔ 'kä ‑srara 'ɔɔn wiili 'ɔ nʋa'. Ɔma 'nu ‑mɩ 'wli nɩ, ‑nya 'sɔɔwʋ ‑na ‑wlajʋ 'lɩkʋɛɛ.

Matiö 18:15 Referans Kwoze

Kolɔɔsënyüü 3:13

'Ba jöjrögba, ‑moloo ma nʋ ‑moloo wii ‑gba 'ima 'nyɩ 'ɔɔn 'tʋ ‑a kä nɩ, 'ba cecre wii. 'Sɩrɩ 'Kriisë cerea' bɩa 'amɩ 'ana ni: 'ana 'mʋgbɛ 'ba nʋ bɩa dɛɛ 'dee.

Galaatënyüü 6:1

'Na ‑wlajü 'amɩ, nyɔɔ ma nʋ ‑balʋ, ‑bɛ 'ama 'kplara 'ɔɔn ‑gälɩ nɩ, 'amɔ ‑trääräa' 'lɩ ‑Susu nɩ, 'ba 'pa 'ɔmɩ ‑tɔɔ 'lɩ plɛblösa. ‑Na 'mʋgbɛ ‑tre ‑na nyufa, ‑nyɩ ‑pɩ bɩa ‑balʋ 'lɩ blö.

2 Tɛsalonikënyüü 3:15

‑Maa 'anyɩ 'jä 'ɔɔn ‑beere 'nyüamlɩjraranyɔɔ, ‑maa 'ba kolo 'ɔa 'nyiöli 'wli ‑wlajʋsa.

Matiö 18:35

Jesu ‑nëma: «'Ana ‑tɔrʋpɩɔa nyɔɔ ma 'nyɩ 'ɔa plɛa 'fɩɔ ‑a nʋ ɔma 'nyɩ cere 'ɔa ‑wlajʋ 'ɔa ‑balʋ ‑a nɩ, 'asɩ 'na Tʋlɔ bäa' cɛlɩ 'mä 'amɩ nʋ.»

Rɔmënyüü 12:21

'Anyɩ 'cɛrɛ ‑balʋ ‑wälɩ 'unyɩ ‑sie 'amɩ 'lɩ ‑maa 'ba nʋ 'cɩcagbi 'ba du ‑balʋ.

1 Piɛɛrë 3:1

'Ŋlëgë 'amɩ, 'ba 'cie 'wʋ 'ana dʋɔɩɩa 'klʋɩ. 'Ia 'taɩn 'lɩ ‑mölöö ma bälɩ üma 'nyɩ ‑träärälɩ nyɔsʋaawii ‑a nɩ, 'ana nʋnʋgbi 'mä 'iin nʋ 'ümä 'lɩ Nyɔsʋa ‑träärä, ‑bakää 'anyɩ 'üün wii ‑gba 'pala.

1 Korɛɛntënyüü 8:12

'Ama nʋ 'ia 'samaa ‑balʋ 'ana ‑wlajü ‑gba nɩ, 'ama 'cakla 'üa plɛ 'lɩ nɩ, 'Kriisë 'a nö ‑balʋ ‑gba.

2 Korɛɛntënyüü 7:12

'Ii känyrɩ, 'n ‑jɩjraa' 'amɩ 'wʋ nɩ, ‑mää nyɔɔlɔ nʋa' ‑balʋ ‑a, 'aiɛ ɔ 'ü nʋa' ‑balʋ ‑gba ‑a ‑gʋ ‑a. 'N ‑jɩjra 'amɩ 'wʋ 'kä 'sɩrɩ 'a fumöa' ana ‑gʋ nɩ, 'imä 'saabä 'ana ‑tɔrʋpɩɔ nyra Nyɔsʋaa 'klʋɩ.

1 Tɛsalonikënyüü 4:6

Nyɔɔ 'nyɩ nʋ 'ɔa ‑wlajʋ 'iia 'samaa' ‑balʋ ‑gba, 'be Nyɔsʋa nya 'ia bʋbɔgbili 'pɔnɩa. Anya ɩ 'amɩ 'iin ‑gbala 'wʋ 'kɔkɔmlɛ 'wʋ.

Matiö 18:14

'Asɩ 'ana Tʋlɔ bäa' cɛlɩ 'nyɩ 'bata 'nɩmɩ 'bata ‑a 'ɔa 'jʋ 'doo 'mä 'mɔlɔ.

Matiö 18:21

Piɛɛrë nya jijrö Jesu ‑gba 'ɔnya 'bete 'ɔɔn: «'Pläkänyɔɔ, 'na ‑wlajʋ ma nʋ 'mɩ ‑balʋ ‑gba nɩ, 'wʋ ‑srüplɛɛ 'wʋ 'mä 'ɔmɩ 'iin cere le? 'Wʋ ‑uunsɔɔ 'wʋ?»

Titë 3:10

Nyɔɔ ma ji 'cɛcɩ 'kägba nɩ, ‑gbala 'ɔɔn ɔ fio, ka 'doo, 'sɔɔ. Ɔma 'nyɩ 'nunu ‑a nɩ, nyra 'ɔɔn sɔsrɔgba.