Matiö 18:14 - Kuö Dëdrä Jenɛɛsë Rutë

¹⁴ 'Asɩ 'ana Tʋlɔ bäa' cɛlɩ 'nyɩ 'bata 'nɩmɩ 'bata ‑a 'ɔa 'jʋ 'doo 'mä 'mɔlɔ.

Matiö 18:14 Referans Kwoze

2 Piɛɛrë 3:9

'Pläkänyɔɔ ‑nëmä dɛrɩ ‑a ‑wlɛ 'kä 'ɔnya wiili 'ɔ 'daaa' nʋ. ‑Mölöö nɩnɩa 'ɔ ‑pʋala 'kä 'ɔmä wiili 'ɔ 'daaa' nʋ. ‑Maa 'ɔ kä plɛblöblökʋ ana 'pɛlɩ, 'be 'ɔnyɩ 'bata 'bata ‑a nyɔɔ 'mä ana ‑tɔrʋpɩɔ sɔ; wiili 'ɔ 'bataa' nɩ, 'ü toro 'lɩ ‑balʋ ‑gälɩ.

Jaan 17:12

'Nyraa 'üün 'sɔ ma bä käa' 'pläa 'mlɩ nɩ, 'mɔɔ ma ‑tʋʋä 'üün 'nyügba ‑na 'nyrɩklɩ. 'N ‑tʋ nyüülü ‑nyɩa' 'mɩ 'nyügba. 'Üa ‑tɔrʋpɩɔa nyɔɔ 'doo 'nyɩ 'mɔlɔ ‑a 'mɔlɔ, ima 'nyɩ ɔ nëmä ɩa' 'mɔlɔ 'ɔa 'doo ‑a bä, wiili ‑jɩjraa' nyɔsʋapɔɔkʋ 'lɩ, 'i jrälɩ.

Jaan 21:15

'Ü bɩaraa' 'lɩ nɩ, Jesu nya 'bete Simɔɔ Piɛɛrë: «Jonaasëa 'jʋ Simɔɔ, ‑wa 'mɩ ‑nya ‑si ü kʋa' ‑pɩ 'wʋ?» 'Ɔ ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.» 'Iibäa' Jesu nɩ: «'Fini 'na ‑bablëëjü 'klɩ.»

Ebröönyüü 12:13

'Ba 'sa 'nyifili ‑gäa' 'klɩ, ‑mülü 'tokoa', 'üa bei ‑pɩ 'klɔɔ ‑maa 'ümä 'pʋ.

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

Lukë 12:32

«Ŋalɛ 'nyɩ 'bla 'amɩ, 'amɔ ‑beerea' ‑bablëëkpa jɔ, 'be 'tʋ 'i kä Tʋ, 'ɔnya ‑nyɩ 'amɩ 'kamaplälä.

Matiö 6:32

'Be 'ia ‑taa diilia 'fɩɔlʋ nɩ, nyüülü 'nyɩa' Nyɔsʋa jre 'bata 'iin ‑gböösa. 'Be 'ana Tʋlɔ bäa' cɛlɩ, 'ɔ jre diilia 'fɩɔ 'makɩa' 'amɩ.

Matiö 6:9

«'Ii känyrɩ ‑jäsɩ 'a käa' 'amäa' Nyɔsʋa bibie: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala.

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

Matiö 18:13

Ɔma 'jä 'ɛmɩ nɩ, 'cɩcasa 'n ‑gbala 'amɩ, dɔrʋ nya 'ɔɔn 'blaa. Dɔrʋlʋ nɩ, 'unya 'bʋaa ‑gböösa 'kä 'unya ‑bablëëlëa ‑glʋɩmlɔɔ ‑bɛ ‑pʋ ‑bɛ ‑uunmlɔɔlë (99) 'nyɩa' 'mɔlɔa dɔrʋ 'wʋsi.

Matiö 18:15

«‑Na ‑wlajʋ ma nʋ ‑mɩ ‑balʋ ‑gba nɩ, mi ‑a ‑jää 'ɔɔn 'ana 'sɔɔ 'kä ‑srara 'ɔɔn wiili 'ɔ nʋa'. Ɔma 'nu ‑mɩ 'wli nɩ, ‑nya 'sɔɔwʋ ‑na ‑wlajʋ 'lɩkʋɛɛ.