Matiö 18:10 - Kuö Dëdrä Jenɛɛsë Rutë

¹⁰ «'Ba ‑tre 'ana nyüfë ‑bɛ 'anyɩ 'pa 'ia ‑tɔrʋpɩɔa 'jʋ 'doo sawʋ, 'be 'n ‑gbala 'amɩ: 'üa 'aanjëlü bäa' cɛlɩ, 'ü kʋ 'na Tʋlɔ bäa' cɛlɩ, 'ɔa 'klɩ 'plɔʋplɔʋ.

Matiö 18:10 Referans Kwoze

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.

Lukë 16:22

'Taɩn 'doo 'lɩ nɩ, 'pʋablanyɔɔlɔ nya jä, 'aanjë nya fa 'ɔa ‑susu Abraamëa ‑gba. 'Bɩɔjinyɔɔlɔ nya jä bɩa, 'ünya ‑tʋ 'ɔɔn.

Matiö 24:31

Dɛglɛ nya wiimlɩbablaa ‑gböösa, 'kä 'ɔnya 'ɔa 'aanjë jaa 'ümä 'ɔa nyüülü 'ɔ 'baa' 'lɩ, ü bäa' ‑tʋtʋa kotü mlɔɔ 'lɩ, ‑gbapapla, sɔ cɛa 'käkolofa 'wʋ ‑a mi ‑a ‑tɔɔ cɛa blöröfa 'wʋ.»

Lukë 1:19

'Iibäa' 'aanjë nɩ: «'Mɔɔ bä Gabriɛɛlë, 'mɔɔ 'ma Nyɔsʋaa ‑gba 'kä. 'Ɔɔ blɔ 'mɩ ‑a ji ‑a ‑gbala ‑mɩ ‑taa 'mʋfawiili.

Matiö 18:14

'Asɩ 'ana Tʋlɔ bäa' cɛlɩ 'nyɩ 'bata 'nɩmɩ 'bata ‑a 'ɔa 'jʋ 'doo 'mä 'mɔlɔ.

Matiö 18:6

«‑Maa nyɔɔ ma 'tutro ‑taa 'jülü toroa' 'mɩ plɛ, 'üa ‑tɔrʋpɩɔa 'doo ‑balʋ 'lɩ nɩ, 'i ‑siwʋ ü 'pa 'ia nyɔɔlɔ diisrorotäkä ‑susugbee 'kä 'ü bere 'ɔɔn 'taniea ‑fli.

Matiö 2:19

Erɔɔdë jäa' ‑bɛ Josɛɛfë ‑ka bäa' Ejiipëtë nɩ, Josɛɛfë 'järä 'Pläkänyɔɔa 'aanjë sanyü 'lɩ.

Matiö 2:13

Wiijrenyüülü mia' nɩ, 'Pläkänyɔɔa 'aanjë nya 'tɔrɔ Josɛɛfë 'nyü ‑gälɩ, 'ɔnya ‑gbala 'ɔɔn ‑maa: «Sɔwʋ dɔrɔ 'jʋlɔ nyra 'ɔa 'yio 'wʋ, 'ba fɔ 'ba mi Ejiipëtë, 'be Erɔɔdë 'bata 'ɔmä 'jʋlɔ 'bla. 'Ii 'ba kʋ kʋ 'kä 'mɔɔ 'n ‑gbala ‑mɩ 'ba 'blöö.»

Matiö 1:20

'Ɔ ‑ka bobo 'iin ‑bɛ 'Pläkänyɔɔa 'aanjë 'tɔrɔ 'ɔɔn 'klɩ sanyü 'lɩ, 'ɔnya ‑gbala 'ɔɔn: «Josɛɛfë, Daviidëa 'jʋ, ŋalɛ 'nyɩ 'bla ‑mɩ ‑mä Marii kä, 'Nyüna ‑Susua 'klü nʋ 'iin 'ɔnya bä nʋgbla 'lɩ.

1 Tɛsalonikënyüü 4:8

'A 'ia ‑gʋ nyɔɔlɔ 'nyɩ ‑trääräa' 'lɩ 'ia 'kpɩkpɩawiili nɩ, ‑mää nyɔɔa wii 'ɔnyɩ 'balɩ ‑maa Nyɔsʋalɔ ‑nyɛɛa' amɩ 'Nyüna ‑Susu, 'ɔa wii 'ɔ 'baalɩ.

1 Korɛɛntënyüü 11:22

'Anyɩ nyëka ‑a kä? ‑Bɛ dɛplɛɛ kä ‑gʋ 'anyɩ jrörödɛɛ ‑bɛ 'anyɩ 'mlara 'lɩ le? ‑Ale Nyɔsʋaa 'Cɛcɩ 'a 'bata 'amä cɛlɩ be? Nyüülü 'nyɩa' dɛɛ kä, 'üü 'a 'bata 'amä 'nyüsü 'blara? ‑Asɩ ‑a ‑gba le? ‑A 'bʋala 'amɩ? 'Nëmä 'amɩ ‑a 'bʋala 'plɔʋ!

1 Korɛɛntënyüü 16:11

'Ii känyrɩ nyɔɔ 'nyɩ 'pa 'ɔɔn sawʋ. 'Ba ji 'ɔɔn ‑gba, 'ɔa fugba 'lɩ 'mä flɛrɛ ‑bɛ 'ɔmä 'na ‑nyɛɛ ji, 'be 'ɔɔ 'n ‑glaaa, 'ɔɔ ‑bɛ ‑wlajülü falaa' 'ɔɔn.

Rɔmënyüü 14:10

‑Bɛ dɛplɛɛ kä ‑gʋ ‑srɛɛɛ ‑na ‑wlajʋ le? 'Aiɛ, dɛplɛɛ kä ‑gʋ ‑jraara ‑na ‑wlajʋ 'nyüa 'mlɩ le? 'Be ana 'fɩɔ nya 'Kriisëa tropina 'klɩ 'nyüglöa ‑o.

Akëtë 27:23

'be Nyɔsʋalɔ käa' 'mɩ ɔ kä 'jrʋpa 'n ‑fɛɛɛa' nɩ, 'ɔa 'aanjë jijrö 'mɩ ‑gba ‑taa ‑gbiaralä.

Akëtë 12:23

'A ‑plɩɩ Nyɔsʋaa 'aanjë kʋ dotro 'ɔnya 'kala 'ɔɔn dɛɛ; 'be 'ɔnyɩ Nyɔsʋa ‑a 'bʋala. Tʋa nya pa 'ɔɔn 'ɔnya jä.

Akëtë 12:15

'Ünya ‑gbala 'ɔɔn: «Sa kla ‑mɩ!» ‑Maa 'ɔ nɩnɩa 'kpɔɔ 'cɩcasa bäsaa. 'Ünya ‑gbala 'ɔɔn: «'Ɔa 'aanjë bäsaa!»

Akëtë 10:3

Jrüü 'doo 'lɩ ‑bɛ 'jrʋ möa' ‑gbiajrʋ ‑wälɩ nɩ, Nyɔsʋa nya jaa 'ɔɔn sanyü 'nyü ‑gälɩ. 'Ɔnya 'jä Nyɔsʋaa 'aanjë; 'aanjëlɔ nya pa 'ɔa ‑nyɛɛ, 'ɔnya we 'ɔɔn: «Kɔrënɛɛyë!»

Akëtë 5:19

‑Maa ‑gbiara nɩ, 'Pläkänyɔɔa 'aanjë nya 'sa ‑jienyukua tatia. 'Ɔ 'ciea' 'üün nɩ, 'ɔnya ‑gbala 'üün ‑maa:

1 Timotee 4:12

Nyɔɔ 'nyɩ fɛrɛ ‑na sëgbadɛɛ! Bä nyɔsʋaplɛtoronyüüa 'klɩtɛnyɔɔ, ‑na 'papawiia 'mlɩ, ‑na nʋnʋgbia 'mlɩ, ‑na ‑wawakʋ 'lɩ, ‑na ‑susu 'lɩ ‑na nyɔsʋaplɛtorokʋ 'lɩ nyra ‑na ‑fre 'klɩfɔlɔkʋ 'lɩ.

1 Korɛɛntënyüü 9:22

Nyüülü 'fʋmaa' a ‑tɔrʋpɩɔ 'n 'fʋma, 'mä 'fʋmanyüü 'jä. 'N nrörö 'na nyufa nyüüa 'fɩɔa 'sa, 'mä ‑gʋ 'lɩ 'doorodoo mlɩba.

Rɔmënyüü 15:1

Amɔlɔ ‑sɔɔrɔa' 'wʋ nɩ, ‑mää wiili käa' amɩ 'tʋ a nëmä nʋ, a kä amä ünyɩa' 'wʋsɔɔrɔ ‑gbötö.

Rɔmënyüü 14:21

Dɛɛlɛ 'naa' nɩ, ‑nyɩ ji mrɛɛ, ‑nyɩ 'mla 'nʋ nyra diili kä 'fɩɔ 'mrɛɛa' imäa' ‑na ‑wlajʋ 'käkpa, 'ɔmä ‑balʋ nʋ 'aiɛ 'ɔmä 'fʋma.

'Nyügälɩjawii 8:2

'Nyaa 'jä 'aanjë ‑uunsɔɔ ‑bɛ 'ü 'nyüglö Nyɔsʋaa 'klɩ, 'ünya ‑nyɩ 'üün dɛglë ‑uunsɔɔ.

Galaatënyüü 6:1

'Na ‑wlajü 'amɩ, nyɔɔ ma nʋ ‑balʋ, ‑bɛ 'ama 'kplara 'ɔɔn ‑gälɩ nɩ, 'amɔ ‑trääräa' 'lɩ ‑Susu nɩ, 'ba 'pa 'ɔmɩ ‑tɔɔ 'lɩ plɛblösa. ‑Na 'mʋgbɛ ‑tre ‑na nyufa, ‑nyɩ ‑pɩ bɩa ‑balʋ 'lɩ blö.

2 Korɛɛntënyüü 10:10

'Be ‑mölöö nö ‑maa: «'Ɔa ‑pɔɔkɩ bäkälɩ 'inya ‑sɔɔrɔwʋ, ‑maa ɔma bä ‑plɩɩ nɩ, 'ɔ pa sɩɔ; 'ɔa 'papawii 'nyɩ ‑fɛ nyüüa plɛ ‑gba ‑a.»

2 Korɛɛntënyüü 10:1

'Mɔɔ 'Pɔɔlë, ‑mölöö nɩnɩa ama bä 'ana ‑tɔrʋpɩɔ 'n pa sɩɔ 'na nʋnʋgbia 'mlɩ, ‑maa ama tʋŋlɔlɩ 'amɩ dɛrɩ nɩ, 'a ‑plɩɩ 'n ‑sɔɔrɔwʋ. ‑Maa 'Kriisëa plɛböblökʋ nyra 'ɔa ‑gbinanakʋ 'lɩ 'n cere 'amɩ 'iin:

Lukë 10:16

«Nyɔɔ ma po 'amɩ 'nyakli nɩ, 'mɔɔ 'ɔ ponyakli. Nyɔɔ ma jrara 'amɩ 'nyüamlɩ nɩ, 'mɔɔ 'ɔ jraranyüamlɩ. ‑Bɛ nyɔɔlɔ jraraa' 'mɩ 'nyüamlɩ nɩ, nyɔɔlɔ blɔa' 'mɩ 'ɔ jraranyüamlɩ.»

Matiö 12:20

'Ɔ ‑nëmä 'kugbasulu 'kpria' 'lɩ ‑a 'kata, 'ɔ ‑nëmä bɩa 'napɛlɛ nyaa' 'nyrɔlɔkʋ bɩa ‑a 'nyrɔlɔ. 'Asɩ 'ɔnya nʋ nʋ 'kä 'klɩgägäkʋ nya 'wʋsi ‑gböösa.

Ebröönyüü 9:24

'Kriisë 'nyɩ papapɩɔ kpakölä nyüüa wlu 'paa' a 'mlɩ ‑a pa, ‑mää 'äa ‑tapaa näa 'mlɩ ‑a, ‑maa cɛa 'mlɩa 'mʋgbɛ 'ɔ pa 'ɔmä ana 'wlili Nyɔsʋaa 'klʋɩ 'nyüglö.