Matiö 16:23 - Kuö Dëdrä Jenɛɛsë Rutë

²³ Jesu nya ‑siekälɩ 'ɔnya ‑gbala Piɛɛrë: «Tʋŋlɔ 'mɩ 'lɩdɛrɩ, Sataan! 'Mɔɔ ‑ji bɔʋdɛrɩ 'pa! Wiili ‑klaaa' ‑plɩɩ, nyüüa ni ‑klaaa, ‑maa ‑mää Nyɔsʋaa ni ‑nyɩ 'klaa!»

Matiö 16:23 Referans Kwoze

Filipënyüü 3:19

'Ünya 'mɔlɔa. 'Üa ‑gu bä 'üa nyɔsʋa, wiili bäa' 'üa 'nyüsü, 'ii 'ü nö ‑bɛ 'ü ‑gbaalɩ, ‑pɩ ‑tʋtʋ ‑gälɩa diia 'pɛlɩ 'üa bobowli fala.

Kolɔɔsënyüü 3:2

'Ba bobo cɛlɩa diia ‑gä, 'ba 'cɛrɛ ‑pɩ ‑tʋtʋ ‑gälɩa diia bobokʋa ‑gä ‑wälɩ.

Marëkë 8:33

Jesu nya ‑siekälɩ 'ɔnya tɛ 'ɔa 'wʋnyɛrɛnyüü 'klɩ, 'ɔnya ‑gbala Piɛɛrë: «Tʋŋlɔ 'mɩ 'lɩdɛrɩ, Sataan! Wiili ‑klaaa' ‑plɩɩ, nyüüa ni ‑klaaa, ‑maa ‑mää Nyɔsʋaa ni ‑nyɩ 'klaa!»

Matiö 4:10

Jesu nya ‑gbala 'ɔɔn: «Mumlö 'mɩ 'lɩ dɛrɩ, Sataan! 'I ‑jɩjra nyɔsʋapɔɔkʋa 'mlɩ ‑maa: ‹'Pläkänyɔɔ, ‑na Nyɔsʋa, 'ɔa 'dooa 'klʋɩ ‑nëmä kotifli 'pala, 'ɔa 'doo ‑nëmä ‑pʋpʋa.› »

Jaan 6:70

Jesu nya ‑gbala 'üün: «‑Mää 'mɔɔ 'nyɩ 'lɩ 'ana nyüüpʋnyüüsɔɔ 'baa? ‑Bɛ 'ana ‑tɔrʋpɩɔa 'doo bä Sataan 'e!»

Lukë 4:8

Jesu nya ‑gbala 'ɔɔn: «Mumlö 'mɩ 'lɩ dɛrɩ, Sataan! 'I ‑jɩjra nyɔsʋapɔɔkʋa 'mlɩ ‑maa: ‹'Pläkänyɔɔ, ‑na Nyɔsʋa, 'ɔa 'dooa 'klʋɩ ‑nëmä kotifli 'pala, 'ɔa 'doo ‑nëmä ‑pʋpʋa.› »

Jenɛɛsë 3:17

'Ɔnya ‑gbala Adaan: «‑Na 'ŋlʋʋ ponyakli, ‑nya ji tuubölä 'n ‑gbalaa' ‑mɩ ‑nyɩ jia'. 'Ii känyrɩ, ‑tʋtʋ 'a busu ‑na ‑gʋ. ‑Sʋɩ ‑nëmä 'jä ‑a ji ‑mä 'ua 'mlɩ jijrɛ 'ba, ‑srɩlɩ kä 'fɩɔ ‑nëmäa' ‑si.

Rɔmënyüü 14:13

'Ii känyrɩ, a 'nyüglö ana 'kpɔa 'lɩ ‑sɛsrɛkʋ; ‑maa a bobo wiili a ‑pɩa' nʋ i ‑pɩa' ana ‑wlajʋ 'käkpa, 'aiɛ i ‑pɩa' 'ɔɔn ‑balʋ 'lɩ 'tutro.

Rɔmënyüü 14:21

Dɛɛlɛ 'naa' nɩ, ‑nyɩ ji mrɛɛ, ‑nyɩ 'mla 'nʋ nyra diili kä 'fɩɔ 'mrɛɛa' imäa' ‑na ‑wlajʋ 'käkpa, 'ɔmä ‑balʋ nʋ 'aiɛ 'ɔmä 'fʋma.

Matiö 18:7

«Abɩa busukʋ jrä 'plä ‑gälɩ nyüüa 'käkpakpakʋa ‑gʋ. 'Be diili 'kpakpaa' nyüü 'kä ‑nëmä 'üün ‑a wala, ‑maa busukʋ jrä nyɔɔlɔ 'i jaraa' kälɩ ‑gälɩ!

Matiö 16:22

Piɛɛrë nya fa 'ɔɔn 'ünya bereklɩ, ‑bɛ 'ɔ 'daa 'ɔɔn: «'Pläkänyɔɔ, 'ba 'iin mlɩ. 'I ‑nëmä ‑srɩɩ ‑mɩ ‑gälɩ ‑a jrä!»