Matiö 16:18 - Kuö Dëdrä Jenɛɛsë Rutë

¹⁸ 'Na 'mʋgbɛ ‑jäsɩ 'n ‑gbalaa' ‑mɩ nɩ: ‑Mɔ bä Piɛɛrë ‑bɛ 'a 'ia 'täkäläa ‑gälɩ 'mä 'na 'cɛcɩ 'pala. 'Kuaabrea 'klü 'nyɩ 'lɩ ‑a bɩa ü 'kpa 'uun 'kä.

Matiö 16:18 Referans Kwoze

Kolɔɔsënyüü 1:18

'Ɔa 'mʋgbɛ bä 'ɔa fugbalä bäa' 'Cɛcɩa 'wli. 'Ɔɔ bä Cɛtrɛfa, 'ɔɔ ‑kätɩ 'sɔɔ 'kuaabre, 'ɔmä wiia 'fɩɔa 'wliklɩ bä.

Jaan 1:42

'Ɔnya fa 'ɔɔn ‑tɛ Jesu bäa'. Jesu nya tɛ 'ɔɔn 'klɩ, 'ɔ ‑nëma: «‑Na 'nyrɩ bä Jonaasëa 'jʋ Simɔɔ; ‑na 'nyrɩ bä ‑mlatɩ Sefasë.» 'Ia ‑gbaa bä «'Täkä».

Ebröönyüü 12:28

‑Bɛ 'kamaplälä Nyɔsʋa ‑nyɩa' amɩ 'nyɩa' ‑gbogbloosa bä nɩ, a 'trɛɛ 'ɔmɩ. Ana 'tɛtrɛɛkʋ 'lɩ ‑a bibie 'ɔɔn 'sɩrɩ 'ɔ 'bataa', ‑a ‑träärälɩ 'ɔɔn, 'kä ‑a pɩɛ 'ɔɔn.

Akëtë 2:47

'Ü 'bʋala Nyɔsʋa, nyüüa 'fɩɔ ma ‑wa 'üün, ‑bɛ nyüülü 'Pläkänyɔɔ 'baaa' 'lɩmlɩ ‑srɩ o ‑srɩ ma bɩa 'cɛcɩnyüü 'wli.

1 Timotee 3:15

‑Maa ama 'nyɩ sɔsɔ ji ‑a ji nɩ, 'n ‑jɩjra 'sɩrɩ ‑nëmäa' nʋ Nyɔsʋaa ‑gböööa 'mlɩ. ‑Gbööölä nɩ, 'ää bä 'Lɩbä Nyɔsʋaa 'Cɛcɩ, 'ää bä 'cɩcasaa ‑gɔmʋʋ nyra 'äa ‑toko.

Ɛfɛsënyüü 5:32

‑Sarawiili bäa' wiili 'n ‑gbalaa' ‑plɩɩ 'amɩ a dɛrɩ nɩ, 'i 'bʋa ‑gböösa: 'iibä 'Kriisë nyra 'Cɛcɩa ‑gä.

Ɛfɛsënyüü 3:10

'Köklesaplɩɩ ɔ nɩ, 'Cɛcɩ Nyɔsʋa ‑srörö kälɩ 'kä 'kamasisi nyra 'klüükäsisili bäa' cɛlɩ 'mä Nyɔsʋaa wiijejrekʋ jre. 'Ia wiijejrekʋlʋ nɩ, Nyɔsʋa kä 'ia srarakʋa 'drü 'kɔkɔmlɛ.

'Nyügälɩjawii 21:14

'Täkë ‑pʋ ‑bɛ 'sɔɔ ‑gälɩ bätä kpaköläa 'klɩklorodiili 'srikä, 'ünya ‑jɩjra 'üa ‑gälɩ ‑Bablëëjʋa Apotrë ‑pʋ ‑bɛ 'sɔɔa 'nyrɩ.

Akëtë 8:1

Sɔɔlë po nyüülü 'blaa' Etiɛɛnë ‑gälɩ. 'A 'ia ‑srɩlɩa 'mlɩ nyüü 'bala Jerusalɛɛmëa 'cɛcɩnyüüa ‑gbigbanʋnʋkʋ ‑gböösa. Nyüüa 'fɩɔ nya ‑gbaala Judee nyra Samariia ‑tʋtʋ ‑gälɩ 'kä. Apotrëa 'doo 'üü 'nyɩ 'kousɔ.

1 Timotee 3:5

'Be nyɔɔ ma 'nyɩ 'ɔa ‑gböööa ‑gbötökʋ mlɩ ‑a bɩa nɩ, ‑asɩ 'ɔnya Nyɔsʋaa 'cɛcɩa ‑gbötökʋ nʋ le?

Galaatënyüü 2:9

Jaakë, ‑bɛ Sefasë nyra Jaan, ü 'üü 'daraa' 'cɩcanyüü kpakü nɩ, 'ü 'järäa' Nyɔsʋaa 'darʋ 'na 'jrʋpaa 'mlɩ nɩ, 'dari 'ü to amɩ 'klɩ, 'ünya 'kʋɛɛrɛ amɩ, 'mɔɔ ‑bɛ Banabasë. A nönröa' 'wli nɩ, amɔ nëmä ‑mülü 'nyɩa' juifë bä 'üa 'pɛlɩ mi, ‑bɛ 'üü mö nyüülü 'bölöa' 'üa ‑nyɛɛ.

Matiö 18:17

Ɔma 'nyɩ bɩa 'üün 'nyakli ‑a po nɩ, ‑gbala 'iin 'cɛcɩnyüü. Ɔma 'nyɩ bɩa 'cɛcɩnyüü 'nyakli ‑a po nɩ, 'ba 'kpla 'ɔɔn 'sɩrɩ nyɔɔlɔ 'nyɩa' Nyɔsʋa jrea 'sa; 'ba 'kpla 'ɔɔn ‑beere dapookälɩpɛrɛnyɔɔ.

Matiö 11:23

nyra 'amɔ Kapɛrënaumëa nyüü 'amɩ, 'amɔ boboa' ‑maa 'anya 'a cɛlɩ 'jra, 'anya 'wʋciecie 'kä 'anya 'kuaabre 'tɔ! 'Be ‑saragbili nröröa' 'ana ‑nyɛɛ, 'ima 'daa Sodɔɔmë 'i nrörö kä nɩ, 'ä ‑ka nya ɩ 'lɩbäa 'saarɩ.

Matiö 10:2

‑Jää apotrë ‑pʋ ‑bɛ 'sɔɔlüa 'nyrɩ: 'klɩsaa nɔ 'ü 'dara Simɔɔ, 'ɔɔ 'ü 'dara bɩa Piɛɛrë, nyra 'ɔa ‑wlajʋ 'ü 'daraa' Andree, nyra nyɔɔlɔ 'ü 'daraa' Sebedee, 'ɔa 'jü Jaakë nyra 'ɔa ‑wlajʋ Jaan,

Jenɛɛsë 22:17

'nyaa ‑mɩ 'nɩ 'paa, 'kä 'nyaa ‑na 'jü ‑gälɩ 'paplaa ‑gböösa ‑beere ‑särëlë bäa' cɛlɩ, ‑beere 'tanie ‑gbaa 'pisiatu. 'Ünya 'üa 'wlitotronyüüa ‑bätë duöa.

'Nyügälɩjawii 11:15

'Pɩrɩgälɩ nɩ, ‑uunsɔɔa nɔ 'aanjë nya bö 'ɔa dɛglɛ. Mlɩa wii kpakü 'pala cɛlɩ wii, ‑bɛ 'i nö: «‑Tʋtʋ ‑gälɩa nyüüa 'kamaplä bä ‑mlatɩ ana 'Pläkänyɔɔ nyra 'ɔa 'Kriisëa kälɩ, 'kä 'ɔa 'kamakʋ nya 'lɩbä 'plɔʋplɔʋa ‑gʋ!»

1 Korɛɛntënyüü 15:55

‑Mɔ jäjä, ‑a 'plɛɛ ‑na tafudɛɛ bä le ? ‑Mɔ jäjäa bätä ‑a 'plɛɛ ‑na 'klü bä le?

Matiö 4:18

Jesu ‑gblaara ɩ Galileea 'nie, 'ɔnya 'jä Simɔɔlɔ 'ü 'daraa' Piɛɛrë nyra 'ɔa ‑wlajʋ Andree. ‑Tata 'ü 'pa ɩ 'nie 'lɩ, 'be fɩafɩanyüü 'ü bä.

Matiö 7:24

«Nyɔɔ o nyɔɔ ma po ‑taa wiili 'nyakli ‑bɛ ɔma ‑träärälɩ 'imɩ nɩ, 'ɔnya ‑beere nyɔɔlɔ 'paaa' 'ɔa nyuku 'täkä ‑gälɩ.

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.