Matiö 16:16 - Kuö Dëdrä Jenɛɛsë Rutë

¹⁶ Simɔɔ Piɛɛrë nya 'saa 'ɔɔn ‑gälɩ 'ɔ ‑nëma: «‑Mɔ bä 'Kriisë, 'Lɩbä Nyɔsʋaa 'Jʋ.»

Matiö 16:16 Referans Kwoze

Matiö 14:33

'Ii känyrɩ nyüülü bä ɩa' ‑gɔlʋ 'lɩ nya ji 'ɔa 'klɩ 'kägbegbre, ‑bɛ 'ü nö: «'Cɩcasa, ‑mɔ bä Nyɔsʋaa 'Jʋ!»

Jaan 11:27

'Iibäa' Marëtë nɩ: «‑Yɛɛ! 'Pläkänyɔɔ, 'n jre 'iin ‑mɔ bä 'Kriisë, Nyɔsʋaa 'Jʋlɔ nëmäa' 'pläa 'mlɩ ji.»

1 Jaan 4:15

Nyɔɔlɔ 'saaa' 'lɩ ‑maa: «Jesu bä Nyɔsʋaa 'Jʋ» nɩ, Nyɔsʋa bä 'ɔɔn 'lɩ, 'ɔnya bä Nyɔsʋa 'lɩ.

Matiö 27:54

'Sʋgɩakamanyɔɔ nyra ‑mülü ‑glaara ɩa' Jesu ‑gälɩ 'jäa' ‑tʋtʋa tɩtrɛdɛɛ nyra wiilia 'fɩɔ ‑sia' nɩ, ŋalɛ nya 'blaa 'üün ‑gböösa. 'Ü ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

1 Timotee 4:10

'A 'ia ‑gʋ a ‑fɛɛɛ 'jrʋpa ‑gböösa, ‑bɛ 'ü jejre amɩ, 'be a ‑tʋ ana plɛa 'fɩɔ 'Lɩbä Nyɔsʋalɔ bäa' nyüüa 'fɩɔa 'Lɩmlɩbanyɔɔ 'lɩ, ü ‑tɛɛ toroa' 'ɔɔn plɛ, 'üa ‑gʋ.

Akëtë 9:20

'A ‑plɩɩ 'ɔ kʋ dotro 'ɔnya 'pala juifëa 'sraaplanyëka ‑wälɩ Jesua ‑gä, 'sɩrɩ 'ɔ bä käa' Nyɔsʋaa 'Jʋ.

1 Tɛsalonikënyüü 1:9

'Ii känyrɩ, ‑moloo ma bälɩ 'ɔ 'saalɩ 'sɩrɩ 'a nʋa' ana 'kplakpladɛɛ, 'sɩrɩ 'a 'cɛrɛa' ‑papanyɔsʋaɩɩ ‑wälɩ ‑bɛ 'a jia' 'Lɩbä Nyɔsʋalɔ bäa' 'cɩcasaa 'jrʋpa ‑fɛ.

Matiö 26:63

‑Maa Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «'Lɩbä Nyɔsʋaa 'nyrɩklɩa ‑gʋ, ‑gbala 'mɩ! ‑Mɔ bä 'Kriisë, Nyɔsʋaa 'Jʋ?»

1 Jaan 5:5

Ima 'nyɩ nyɔɔlɔ jrea' 'saa Jesu bä Nyɔsʋaa 'Jʋ ‑a bä, nyɔɔ 'plɛɛ duö 'plä le?

Ebröönyüü 10:31

Nyɔɔ ma blö 'Lɩbä Nyɔsʋa kälɩ nɩ, 'inya fumöa ‑gböösa!

Rɔmënyüü 1:4

‑Maa Nyɔsʋa 'baa' 'ɔɔn 'kuaabre nɩ, 'Nyüna ‑Susu nya srara 'ɔɔn 'sɩrɩ 'ɔ bäa' Nyɔsʋaa 'Jʋlɔ käa' 'klü, 'sɩrɩ 'ɔ bäa' Jesu 'Kriisë ana 'Pläkänyɔɔ.

Marëkë 14:61

Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «‑Mɔ bä 'Kriisë, Nyɔsʋalɔ 'palaa' 'nɩ, 'ɔa 'jʋ?»

Jaan 20:31

‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.

Jaan 1:49

'Iibäa' Natanaɛɛlë nɩ: «Rabbi, Nyɔsʋaa 'Jʋ bä! Israɛɛlëa 'kɩɩ bä!»

Ebröönyüü 12:22

‑Maa 'amɔlɔ nɩ, 'a jijrö Siɔɔn a 'dʋgba ‑gba, 'Lɩbä Nyɔsʋaa bätä ‑gba, cɛlɩa Jerusalɛɛmë, i 'aanjë 'kɔkɔmlɛ 'kɔkɔmlɛ traraa'.

1 Timotee 3:15

‑Maa ama 'nyɩ sɔsɔ ji ‑a ji nɩ, 'n ‑jɩjra 'sɩrɩ ‑nëmäa' nʋ Nyɔsʋaa ‑gböööa 'mlɩ. ‑Gbööölä nɩ, 'ää bä 'Lɩbä Nyɔsʋaa 'Cɛcɩ, 'ää bä 'cɩcasaa ‑gɔmʋʋ nyra 'äa ‑toko.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

2 Korɛɛntënyüü 6:16

Dɛplɛɛ Nyɔsʋaa nyuku nyra ‑wäsɩa kälä ‑pɩɔ 'doo 'wʋ le? 'Be 'amɔ bä 'Lɩbä Nyɔsʋaa nyuku ‑o. Nyɔsʋa nɩnɩa: 'Üa ‑tɔrʋpɩɔ 'nëmä kʋ, 'kä 'nyraa 'üün nya 'nyɛ; 'mɔɔ nëmä 'üa Nyɔsʋa bä, kä 'ünya 'na ‑glügbö bä .

2 Korɛɛntënyüü 3:3

'A srara 'sɩrɩ 'a bäa' ‑pɔɔkʋlʋ 'Kriisë ‑jɩjraa', ‑bɛ a faa'. ‑Mää ‑jɩjradɛɛ 'ünyɩ nʋ, ‑maa Nyɔsʋaa ‑Susulu bäa' 'lɩ, 'uu 'ü nʋ. ‑Mää 'täkë 'pɩa ‑gälɩ ‑a, ‑maa nyüüa polu ‑gälɩ 'u ‑jɩjra.

Akëtë 14:15

«‑Wlajü 'amɩ, dɛplɛɛ kä ‑gʋ 'a nö 'saa le? Nyüü a bä ‑beere 'amɔ 'la! 'Mʋfagogo a 'saa 'amɩ, 'amä diili 'nyɩa' ‑gbaa kä ‑wälɩ 'cɛrɛ, 'amä 'Lɩbä Nyɔsʋaa 'pɛlɩ kälɩsie, ɔ nʋa' cɛ, ‑tʋtʋ, 'tanie nyra diili kä 'fɩɔ bäa' 'ia 'mlɩ.

Matiö 4:3

'Traɩnyɔɔ Sataan nya jijrö 'ɔɔn ‑gba 'ɔnya ‑gbala 'ɔɔn ‑maa: «‑Ama bä Nyɔsʋaa 'Jʋ nɩ, 'pala 'täkëlë kʋa' ‑pɩ wii ‑gba 'ümä 'flɔɔ 'lɩ 'cicri.»

Akëtë 8:36

'Ü möa' a 'doo nɩ, 'ünya 'tɔ 'nie 'dee ‑gba. Nyɔɔlɔ ‑nëma: «‑Jää 'nie, 'nyɩ 'lɩ ‑a bɩa ‑a 'pala 'nɩwli?»

Jaan 6:69

A toro ‑na mlɩa wii plɛ, anya jre 'sa ‑mɔ bä 'Kriisë, 'Lɩbä Nyɔsʋaa 'Jʋ.»

Matiö 1:16

Jakɔɔbë bä Josɛɛfëa tʋ. Josɛɛfë bä Mariia dʋɔ; 'a Mariilɔ ‑gu Jesu, ɔ 'ü 'daraa' 'Kriisë.

Matiö 16:15

'Ɔnya 'bete 'üün: «‑Bɛ 'amɔ le? ‑Asɩ 'a ‑gbaaa 'na ‑gʋ le?»

Lukë 2:11

‑Plɩɩlɩ a 'palaa' wii nɩ, Daviidëa bätä 'lee, 'Lɩmlɩbanyɔɔ 'doo 'a ‑glooro 'ana ‑gʋ. 'Ɔɔ bä 'Kriisë, 'Pläkänyɔɔ.

Jaan 6:57

'Sɩrɩ 'lɩbä Tʋlɔ blɔa' 'mɩ käa' 'nyrɩ ‑bɛ 'n bäa' 'lɩ nɩ, nyɔɔlɔ nëmäa' 'mɩ ji, 'asɩ 'nëmä bɩa 'nyrɩkä ‑bɛ 'ɔmä 'lɩbä.

Jaan 6:68

'Iibäa' Simɔɔ Piɛɛrë nɩ: «'Pläkänyɔɔ, nyɔɔ 'plɛɛ kä ‑nyɛɛ anya ‑plɩɩ mi le? ‑Na mlɩa wii ‑nyɛɛ 'klälä 'nyɩa' blöröfa kä.

2 Korɛɛntënyüü 1:19

'Be Nyɔsʋaa 'Jʋ Jesu 'Kriisëlɔ, ɔ kä ‑gä 'mɔɔ Silvɛɛn nyra Timotee 'palaa' 'ana ‑tɔrʋpɩɔ nɩ, 'ɔnyɩ dotro «‑yɛɛ» ‑bɛ «'woo» ‑a bä. ‑Maa 'ɔa «‑yɛɛ» bä «‑yɛɛ».

Ebröönyüü 3:12

'Na ‑wlajü 'amɩ, 'ba ‑tre 'ana nyüfë! 'Ana ‑tɔrʋpɩɔa nyɔɔ 'nyɩ kä bʋbɔplɛ, plɛlɛ blaraa' nyɔsʋaplɛtorokʋ 'klɩ ‑bɛ ɛ sɔa' 'Lɩbä Nyɔsʋa dɛrɩ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

'Nyügälɩjawii 7:2

'Nyaa 'jä 'aanjë ‑moloo ‑bɛ 'ɔ 'jraa ‑plɩɩlɩ 'jrʋ sɔrɔa' 'wʋ, 'ɔ 'klaa dɛɛlɛ 'ü nöa' ‑bɛ 'ü ‑tʋʋäa' 'Lɩbä Nyɔsʋaa nyüü tie. 'Ɔnya 'kpölö 'aanjë mlɔɔlü Nyɔsʋa ‑nyɩa' 'klü 'ümäa' ‑tʋtʋ nyra 'tanie ‑gblooo 'wli,

Akëtë 8:37

'Iibäa' Filipë nɩ: «‑Ama nʋ ‑na plɛa 'fɩɔ, ‑ama toro 'iin plɛ nɩ, 'i 'mrɛɛ i nrörö.» 'Iibäa' nyɔɔlɔ nɩ: «'N jre 'iin 'sɩrɩ Jesu 'Kriisë bäa' Nyɔsʋaa 'Jʋ.»